نبطل و نتبع كلام ماما و لا واش الحل افيدوني

[Mima Imene]

السلام عليكم إنشاء الله نتمنى تفيدوني بنصائحكم أنا في عمري 24 سنة كملت قرايتي الحمد لله ماستر جا خطبني واحد أنسان مليح متربي متدين خدام الحمد لله أنا قبلت و دارنا قبلو أنا المشكلة مش حابة الخدمة و حتى هو ماش حاب الخدمة لكن ماما مش عاجبها الحال كي مش حاببة نخدم و قاتلي تندمي على كلامي مزال و عندك تجي تشكيلي منبعد و قاتلي خرجتي عن طوعي و مسمعتيليش كلامي كي قتلك اخدمي و اشرطيها لكن أنا و الله مش حابة الخدمة كرهت من القراية و تكسار الرأس بصح ماما دايما تمعنيلي و تحسسني اني مسمعتلهاش كلامها و دايرة رايي و حستها اتسقد فيا برك خرجتلي كل المشاكل الي يصروا في حالة ما الطفلة مكانتش تخدم انو تتحقر و تقعد خدامة عند دار شيخها و ميقيموهاش كيما الخدامة و يجي النهار الي تندمي فيه أنا و الله الفرحة و مفرحتهاش كاملةكيما قاع البنات كي نشوفها هاك مع العلم و الله عمري ما درت حاجة مش مليحة لدارنا الخمد لله قاع ايقولو علينا متربيين و جامي خرجنا طريق و الشارع و الله خطرات ب 3 أشهر مانشوفهش يعني قدنا قد حالنا و الله خطرات حتى وين وصلت نحس روحي كي نشوفهم يتعاملو معايا هاك و خصوصا ماما و كأنو درت مصيبة و حابين يستروني يعني ما شفتش هديك الفرحة الدايمة و ما فيهاش الكلام الي يوجع و يحسس و المعاني و الله اتعبت مافهمتش واش ندير نبطل و لا نكمل يا ريت تنصحوني شكون الي غالط باش نصحح الغلطة و الله مادابيا نشوف ماما فرحانة بيا و رافعتلها راسها الفوق ماشي تبينلي فرحانة و في قلبها مش مرتاحة و محيرة عليا شكرا اني نستنا ردودكم