أمر .....لم أفهمه لحد الآن؟

[لامْية]

هذا السؤال يحيرني يقلقني يزعجني.....لماذا تضع النساء المتزوجات مكياجا على الوجه عند الخروج للتسوق؟وتقولك انا متزوجة لازم ندير مكياج كي نخرج.....يعني العقل ينصدم بهذ الامر الواقع لم أفهم لحد الأن من أين أتتنا هذه الثقافة ؟أولم يعلمنا الدين أن التزين للزوج فقط ؟إذن لم تتزيين عند خروجك للمحلات؟طبعا إن لم يكن لاصحاب المحلات وللشباب فالشارع فلمن؟وان يكن تزين الفتاة حرام فهو في رأيي أرحم من تزين المتزوجة لان الفتاة لربما تزينت لتجلب رجلا فيتزوجها اما المتزوجة التي تترك زوجها في البيت او العمل وترسم وجهها ناهيك عن العطور الفواحة لتخرج الى الشارع وتقولك انا متزوجة منخرجش بلا مكياج؟والله غير ران حاااااااااااااااااااااايرة الثقافة هذي مين جاتنا؟

[أم سلوى]

الجواب....
لما امراءة تشوف واحدة مهتمة بجمالها وتزين....تعرف بلي..متدورش لراجلها..لكن اما تشوف واحدة نورمال.....تقول هذه فرصة ليا....ندور براجلها منضنش راح يهتم لفقدان وحدة كما هذي...صدقني كاين منها...احيانا...نحب نظهر مليحة للنساء كي تقعد في بلاصتها..
لكن في الاساس هذا اسلوب خاطئ كاين رجال تحب نساء بسيطات....عاديات.

[منير265]

ياو حتى الغير متزوجة ففكرة ندير المكياج باه نصيد راجل خاطئة ... نسأل الله الهداية لهن ... لكن بالنسبة للمتزوجة فالإثم عليها مضاااااعف هداهم الله
الله يجيب الخير

[اياد حياتي]

المتزوجة او غير متزوجة كيفكيف فهو تبرج والله حتى وحدين نشوفهم نحسهم يقطرو من مكياج وهي حاسبة روحها شابة وهي العكس

[توحيد الجزائرية]

لا يمكننا التفريق بين المتزوجة وغير المتزوجة في الشارع
وحسب نظرية ندير ماكياج لاني متزوجة ،فالنساء كلهن متزوجااات
مادام الفتاة ١٤ تتفنن في طلاء الوجه وتعاكس الرجل المتزوج ، فالزوجة مطالبة بالاهتمام بنفسها
لكن في بيتها طبعا

[سميرة10]

السلام عليكم
المراة اذا لم تحترم نفسها من سيحترمها
مرات نشوف نساء يديرو الماكياج ويتباهون به هي تظن بانها جميلة لكن العكس صحيح ربما عندما تكون على طبيعتها اجمل
اما في الاعراس فحدث ولا حرج نحن لا نقول ما ديريش لكن في حدود لمعقول وفي بيتك وليس حتى يراك لي يسوا ولي ما يسواش
بارك الله فيك اختي

[أمل94]

نظن كيما قالت الاخت فالرد الاول باش النسا ميحتقرولهاش ويسرقو منها زوجها

[AMINA.Z]

اولا فكرتك عن التزبن خاطئة
من قال لك ان المراة تتزين من اجل الرجل فقط !!!!!!!
المراة تتزين لانها تحب الجمال و تتمنى دوما ان تظهر بابهى صورة امام الرجال او النساء.
حكم التزين خارج البيت معروف ....و من تتزين اما لجهل منها او لتقاعس في تطبيق دينها
ربي يهدي كل مسلمة للطريق الصحيح

[أسماء*]

يا أختي الله يهدي نسائنا للحق وهذا كله ناتج عن التقليد الأعمى للغرب وقلة العلم الشرعي
جزاك الله خيرا على الموضوع

[ابو ارسلان]

الاصل في المشكلة هو هذا الرجل الذي فقد غيرته..
كيف له ان يترك زوجته تخرج بمكياج !؟
ربما لحضور عرس لكن تكون مستورة حتى تكون بين النساء فقط.
انا كنت الوم النساء لكن كنت مخطئ لان الرجل الحقيقي لا يترك ذبابة تحط على زوجته
فمابالكم تخرج للشارع واضعة قناع من المكياج وربما بصحبة المدعو زوجها!!

[سيف القذافي]

ربي يهدي ما خلق

[azzam 01]

كل هذا بسبب البعد عن الدين ,,, يا بنات حواء اقرأن سورة """ النور"""

[لامْية]

عندي فكرة خاطئة عالتزيين .المرا تتزين لنفسها.اسمعي المراة اللي تخرج للشارع متزينة تزينت للرجال الاجانب لا جدال ولا نقاش وهي امراة حقيرة بكل معنى الكلمة .لو خافت ان يسرقو منها زوجها لتزينت له فالبيت

[ميمي ناصر 22]

السلام عليكم ورحمة الله تعالى وبركاته
اختي انا حسب واش سمعت من قداه وحدة متزوجة وتدير المكياج
شوفي هوما مش كيما قلتي انو زعما كي تدير المكياج تبين انو راهي متزوجة لانو كاين بزاف عازبات يديرو المكياج
المهم بالنسبة ليهم انو كانو قبل الزواج مزيرين او معندهمش الحرية انو يديرو و كي تزوجو ولات عندهم حرية التصرف على اول مايتزوجو يوليو يديرو المكياج و حوايج اخرى
مي اللي يحير انو الرجال وين راح الدور نتاعهم لانو انا صراحة والله نحير وحدة تخرج مزركشة وجهها و بزاف اللي يمشو مع رجالهم وهوما متزينين وعندهم عااااادي
ربي يستر برك

[RB59711]

نسال الله الهداية .