اسأل اللي يخطر على بالك math

[biba 02]

السلام عليكم و رحمة الله و بركاته

اليوم راني هنا باه نستقبل تساؤلاتكم في مادة الرياضات ,,,أو حتى الفيزياء لصحاب باك 2015 إضافة الى شوية نصائح نعطيهالكم باعتباري ديت الباك و انا دايرة تخصص طب الآن و الحمد لله

Bon فالاول لازمك ما تكرههاش عادي بدا من جديد و حتى و لوكان كنت العام اللي فات ضايع فيها تقدر هاذ العام t'récupiri
أنا ما نكذبش على روحي الحاجة اللي كانت معاونتني بزززاف هي انو الprof اللي كنت ندير عندو الدعم كان فايت على شا نديرو فالقسم ..و هكا ما بقيتش retard fel math
بون ,,, كنت كي نبداو الوحدة نحل تمارين صغار هاذوك اللي يجو شوية صامطين ç dire اللي يعطيك 9 دوال و يقوللك قولي النهايات تاعهم مثلا و كي نشوف روحي تروديت نجيب كامل التمارين اللي خاصين بذيد الوحدة اللي حطوهم فــ les bacs اللي فاتو و نحلهم باسكو راهي معروفة السياسة تاع الباك ...تمرين 1فالدوال .1المتتاليات و لخرين نسيتهم شوية ,,,lessenciel كون تضربو طلة على لي سوجي تاع الباك راكم تشوفو ...آآلوغ أنا بالطريقة اللي قلتلكم عليها فالتالي لقيت روحي حالتهم كامل(التمارين تاع الباك) .. و ثاني ما تبقاش غير تقارع للاستاذ يعطيك كلشي ..
و دي فوا كان تمرين يبقى عندي اسبوع باه نحلو باسكو الوقت شوية ما يساعدش ..
و انا شخصيا كنت كي نعيا نقبض تمرين تاع رياضات و نحلو باه نريح و الله ...مي ما ننصكمش بيها بززززاف
سمحولي جماعة هاذا ما جا في بالي دوك مي اللي عندو أي تساؤل راني هنا
و ربي ينجح الجميع