هل هذا ظلم - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

هل هذا ظلم

إضافة رد
 
أدوات الموضوع انواع عرض الموضوع
قديم 2022-05-21, 13:36   رقم المشاركة : 1
معلومات العضو
مشكلتي
العضوية خاصة
 
إحصائية العضو









افتراضي هل هذا ظلم

السلام عليكم
انا بنت 34 سنة متخرجة بدون عمل لسنوات . كيما اغلبية لبنات عندي فارس احلام هو جارنا في الحي متخرج من الطب بصح مايخدمش ويسكنو مع امو جارنا هذا ندعي ربي ليلا نهارا ربي عجبني ربي لكان ترضاهولي زوجني بيه منذ قديم الزمان وانا ندعي وفلحقيقة خطبوني ماشي بزاف بصح كل واحد فيه نقص حتى لقيت روحي كبرت ومازالت ندعي ربي يكون جاري من نصيبي للاسف خطبني واحد من العائلة بابا اجبرني نقبل لاني كبرت رفضت بقوة وبكيت لانو ماعجبنيش خلاص ماعندو والو حتى الكلمة والراي ماشي ليه ماقدرتش نحملو لكن للاسف بابا غضب بزاف حتى قبلت ارضاء له درنا قطيعة الشرط ووصلنا لعقد القران بدينا نوجدو والمفاجاة جات امو نتاع جارنا لي راني متمنيتو تخطبني وهي ماعلابالهاش بللي راني مخطوبة المهم فرحت وقلت هذي فرصة نتخلص من هذاك مانيش طايقتو بابا تردد في فسخ الخطبة الشرعية بصح جارنا ظروفو احسن بكثير من خطيبي هذاك فسخنا الخطبة وانا ارتاحت وراني في اجراءات الخطبة مع لي راني متمنيتو هل ظلمت الرجل السابق لانو قربنا من العرس وانا انسحبت وكنت لا اطيقه هل ظلمته ؟









 


رد مع اقتباس
قديم 2022-05-21, 17:02   رقم المشاركة : 2
معلومات العضو
الرأي الاخر
عضو محترف
 
إحصائية العضو










افتراضي

هذا التصرف من حقك ولكنه فعلا ظلم واهانة للخاطب السابق










آخر تعديل *عبدالرحمن* 2022-05-21 في 17:12.
رد مع اقتباس
قديم 2022-05-21, 17:59   رقم المشاركة : 3
معلومات العضو
مراد سابقا10
عضو مميّز
 
إحصائية العضو










افتراضي

لاظلم لا والوا

اصلا تسمى خطوبة قادر تبطل

بصح انا تعجبت في فرد حاجة كيفاش ترفضي العرسان على جال واحد مداركش في بالوا

طوال هذه السنوات وممكن اصلا انت معجبتيهش اموا لي عجبتيلها ، المهم لا تدري الخير

وين راه قادر خطيب ميعجبكش ومبعد الزاوج والعشرة يبان خير من لي تمنيتيه .










رد مع اقتباس
قديم 2022-05-21, 18:27   رقم المشاركة : 4
معلومات العضو
ali1596321
عضو مجتهـد
 
إحصائية العضو










افتراضي

عن أبي هُريرةَ رَضِيَ اللهُ عنه، عن النبيِّ صلَّى اللهُ عليه وسلَّم أنَّه قال: ((ولا يَخطُبُ الرَّجُلُ على خِطبةِ أخيه، حتى يَنكِحَ أو يَترُكَ ))

و أعجب من الدي يقول أن هدا ليس ظلما و هو عين الظلم









رد مع اقتباس
قديم 2022-05-21, 20:55   رقم المشاركة : 5
معلومات العضو
فتيـحة
عضو جديد
 
إحصائية العضو










افتراضي

السلام عليكم
من الناحية الدينية ليس لدي فكرة عن الموضوع
ولكن أقول لك، ماذا لو هذا الطبيب الذي تقدم لك، بعدما تكملين جهازك ويتبقى للعرس فترة قصيرة يقرر فسخ الخطوبة لان الفتاة التي هو معجب بها قبلت به أخيرا بعد أن رفضته في البداية، ولذلك قرر تركك وخطبتها، كيف سيكون شعورك؟ بالطبع ستقولين "مادمت لا تريدني لماذا خطبتني من البداية؟"
ربما فسخ الخطبة كان فيه خير للخاطب لأنه لو تم الزواج لتزوج بفتاة لا تطيقه وهذا أكبر ظلم له، ولعل الله سيرزقه بفتاة ترى فيه ما أنت ترينه في هذا الطبيب.
على العموم عليك بالدعاء بان يغفر الله لك إن كنت ظلمته، وادعي له بالزوجة الصالحة التي تقر عينه










رد مع اقتباس
قديم 2022-05-21, 23:00   رقم المشاركة : 6
معلومات العضو
tunisien1
عضو مشارك
 
الصورة الرمزية tunisien1
 

 

 
إحصائية العضو










افتراضي

لا أظن أنّك ظلمت الخطيب السابق ، خصوصًا أنك لم تُكِنّي له أي مشاعر

وبالتالي ما قمتي به صحيح










رد مع اقتباس
قديم 2022-06-05, 05:15   رقم المشاركة : 7
معلومات العضو
قدور بن عاشور
عضو فعّال
 
الصورة الرمزية قدور بن عاشور
 

 

 
إحصائية العضو










افتراضي

ذكرتني هذه القصة بأحد أبناء الحي عقد عقدا شرعيا بالشهود و الإمام و كل شروط الزواج لكن لم يتم العقد المدني، و رغم ذلك جاءها شخص آخر و تزوجته، و لم ينفع معهم نصح الإمام و لا الشهود و الله المستعان.


أما في قضيتك فلا أظن حديث "لا يَخطُبُ الرَّجُلُ على خِطبةِ أخيه" ينطبق على الخاطب الثاني فهو أصلا لايدري أنك مخطوبة و لو كان يدري لما تقدم، أما من ناحيتك فلم تظلمي الأول لأن فسخ الخطوبة شيء وارد دائما.










رد مع اقتباس
قديم 2022-06-08, 00:03   رقم المشاركة : 8
معلومات العضو
Rofrof
عضو مشارك
 
الصورة الرمزية Rofrof
 

 

 
إحصائية العضو










افتراضي

والله القصة لا تصدق للوهلة الاولى.. ان كان ضميرك يؤنبك على فسخ الخطبة لانك تظنين ذلك غير جائز شرعا فلا داعي، لان الخطبة هي وعد بالزواج ويحق لك ان تعودي عن ذلك مثله هو لو وجد احسن منك يتركك ويذهب لها ماهو جائز لسيدي الرجل جائز لسيدتنا المراة.
كنتِ رح تظلميه كي كنت رح تتزوجي بيه وانت ماشي حاملتيه. ربي راهو كتبلو الخير هو. ادعي ربي يكون هادا جارك صح كيما راكي متصوراتو في باك راجل صالح ورح يحبك ويديرلك قيمة. و هو ربي يعوضو بللي توالمو










رد مع اقتباس
قديم 2022-06-08, 04:55   رقم المشاركة : 9
معلومات العضو
ali1596321
عضو مجتهـد
 
إحصائية العضو










افتراضي

كنت قررت باش ما نرد على حتى و احد في هده المسألة بصح ما قدرتش ، كلاني قلبي
مؤسف انت تقول لأحدهم قال الرسول و هو يقولك في الأمر نظر
واللي يقولك من حق المرا تحكم راجل كال ، إذا لقات ما خير منه تتركو عادي و العكس صحيح
نعم من حق المرا تترك كيما الراجل لكن ما تجيبش بيه الوقت و تتمسخر بيه
ربي يساجف الاحول و يهدينا









رد مع اقتباس
قديم 2022-06-11, 12:48   رقم المشاركة : 10
معلومات العضو
فر دوس
عضو جديد
 
الصورة الرمزية فر دوس
 

 

 
إحصائية العضو










افتراضي

من حقك .....
يبقى كلش مكتوب

......... كل شخص يرى ما يناسبه










آخر تعديل *عبدالرحمن* 2022-06-11 في 14:31.
رد مع اقتباس
قديم 2022-06-16, 19:35   رقم المشاركة : 11
معلومات العضو
نورسين.داية
عضو برونزي
 
الصورة الرمزية نورسين.داية
 

 

 
إحصائية العضو










افتراضي

السلام عليكم

عزيزتي على حسب الوصف أو المعطيات التي قدمتها كأنه الخاطب هو زوجك إن إكتملت أركان عقد الزواج بإستثناء إن لم يقدم المهر ، لأن عقد الزواج المدني ما هو إلا توثيق للعقد ، أنتبهي جيدا لهذه المسألة الشرعية .

إذا تاكدتي أن ما إتفقتم عليه هو مجرد خطبة أعيدي له ما قدمه لكي (أشياء مادية أو دهب ) بإستثناء المواد الغدائية التي تقدم عادة في مراسيم الخطبة .


فسخ الخطبة حق و امر عادي جدا .....

بالتوفيق عزيزتي










رد مع اقتباس
قديم 2022-06-17, 21:27   رقم المشاركة : 12
معلومات العضو
اميرة الامواج
عضو مميّز
 
إحصائية العضو










افتراضي

بارك الله فيك

انا ما نقلك والوا

ديري روحك في بلاصتوا

ربي يهديك وربي يغفرلك

واطلبي السماح منوا

متعرفيش قع واش راح يصرى في النهارات الجايين

بزاف لبنات راهم يديروا هذي العفسة

تحب تتخطب وتلعب بولاد الناس

باه كي يسمع فارس الاحلام يجي يخطب

من الاول تفاهمي مع فارس احلامك


ومن الاول كنتي تشوفي عفسة ودخرة باه يجري فارس احلامك يخطبك ....

ماشي تلعبي بالمشاعر الناس ....

انتي درك راكي فرحانة مع فارس احلامك

بصح ادعي ربي ما يكونش يدعي عليكم ....

الله يجيب الخير

غاضني بزاف وقسملي قلبي

دخل بالنية خرج بالخذلان والانكسار

انا قتلك الصح

كنت قادرة نجاملك

بصح خايفة عليك من الدعاوي الشر

سلام من قلب ندم لانه احب السلام










رد مع اقتباس
قديم 2022-06-26, 21:34   رقم المشاركة : 13
معلومات العضو
kazilo
عضو فعّال
 
إحصائية العضو










افتراضي

حطي نفسك في موقف الخطيب لي بطلتي عليه واش يكون احساسو
لازم تطلبي منو السماح ويسامحك والا مش رح تتهناي
وحتى الطبيب هذا اذا عارف انك مخطوبة وخطبك حرام عليه
وانت نفسك تعرفي انو تصرفك غلط والتعليقات راح تزيد عليك
ولهذا لازم تطلبي السماح من السيد ولازم يسامحك










رد مع اقتباس
قديم 2022-07-30, 15:45   رقم المشاركة : 14
معلومات العضو
نافعة(=
عضو مشارك
 
إحصائية العضو










افتراضي

من الناحية الدينية:
إذا كان الخاطب الأول إنسان يصلي ومتربي (غير موصوف بالفسوق في الشرع) اهنا حرام يجي شخص آخر يخطب على الخطبة تاعو

إذا كان الخاطب الأول فاسق من الناحية الشرعية، مثلا ميصليش ولا..، ومنبعد تقدملك شخص صالح بعدو يصلي ومليح، هنا حلال عليك










رد مع اقتباس
قديم 2022-08-04, 17:55   رقم المشاركة : 15
معلومات العضو
Aya2020
عضو جديد
 
الصورة الرمزية Aya2020
 

 

 
إحصائية العضو










افتراضي

ان شاء الله يلقى لي تعجبو ويشوف غيرك تقدري تعرفي في هذه اللحظة بلي ظلمتي الشخص هذاك او لا










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 16:34

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc