|
|
|
|||||||
| قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
سجائر محشوة بالكوكاو وحلوة الترك .........روعععععععة
 |
|
|
أدوات الموضوع | انواع عرض الموضوع |
2015-05-11, 23:04
|
رقم المشاركة : 1 | ||||
|
سجائر محشوة بالكوكاو وحلوة الترك .........روعععععععة
السلام عليكم ورحمة الله وبركاته
تحياتي العطرة لكل الحبيبات الغاليات اخواتي في منتدى الجلفة حبيت نقدملكم حلوة السيقار كاين اللي يعرفها وكاين اللي ما يعرفهاش رانا هنا كلنا باه نتعلمو من بعضانا وهاذ الحلوة راهي بنينة بزاف وتحمر الوجه خاصة اذا كانت الجلجلانية وحلوة الترك من النوعية الجيدة   المقادير اللي عملت واللي راهم في الصورة خرجولي تقريبا 95 حبة بصح انا رايحة نمدلكم مقادير نتاع 45 حبة المقادير  نحتاج الى250غ جلجلانية بيضاء يعني ماشي محمصة وياريت تذوقوها قبل لا تشروها لانومرات تجي فيها ذوق ورائحة العفن حاشاكم 250 غ فرينة كاس نتاع تاي زبدة ذايبة ماء الزهر نجمع هاذ المقادير بماء الزهر نشكل عجينة نحطها في كيس بلاستيكي  الحشوة  نحتاج الى كوكاو مقلي ومرحي عادي حوالي 600 غ 200غ كاكا بيجو يعني حلوة الترك من النوعية لمليحة ولبنينة لانها هي اللي رايحة تبنن القاطو عسل باه نلم الحشوة الحشو يكون كيما لعجينة ماشي جاري التزين عسل كمية من البيستاش المرحي شوكولا بيضاء ملمع غذائي( سلك) حبيبات جوز التحضير نطرح العجينة عادي ثم نطبع بقطاعة دائرية  ناخذ هاذ النوع من السجائر  نحاول نلضهم شوية على خاطر يجو شوية مفتوحين باه ما جينات الحبة خشينة شوفو الفرق  نحط سيجار في الوسط ونلم عليه العجينة بهاذ الشكل نضغط في الوسط بالشوية   لما نخلص نحط زيت يسخن على نار متوسطة ونلوح بالحبة نقليهم وكل ما نلوح حبة نحطها على الجيهة اللي غلقنا منها ونحط عليها الفرشيطة ( الشوكة ) ثوانيي باه ما تتفتحش  هنا بعد ما خلصتلهم القليان شوفو لونهم ذهبي فقط  وراهم يتنحاو بسهولة من السجائر سواء كي يكونو سخونين او باردين  نحشيهم بالحشوة من الجهتين   ثم نعسلهم مليح في عسل دافئ مخفف بماء الزهر  نحط جوانب الحلوة في البيستاش المرحي   ناخذ نصف حبة جوز نلصقها في وسط الحلوة بواسطة الشوكولا البيضاء الذائبة  ثم نعمل خطوط من نفس الشوكولا  نرشهم بالملمع الغذائي اللي هو السلك   نقدمهم بالصحة والهناء نتمنى تعجبكم وجربوها راهي بنينة بزاف وما تتشبعش في امان الله حبيباتي
|
||||
|
|
2015-05-11, 23:21
|
رقم المشاركة : 2 | |||
|
يعطيك الصحة خرجت روعة الله يبارك وصفاتك دايما في القمة خفيفة و تحمر الوجه و تزكى و اقتصادية يعطيك الحة شكرا |
|||
|
|
|
2015-05-11, 23:26
|
رقم المشاركة : 3 | |||
|
يعطيك العافية على الوصفة تشهي و راني من متتبعي وصفاتك لي حمرتلي وجهي قدام زوجي و ضيافي شكرا جزيلا على المجهود الرائع |
|||
|
|
|
2015-05-12, 00:23
|
رقم المشاركة : 5 | |||
|
4444444444444 |
|||
|
|
|
2015-05-12, 01:40
|
رقم المشاركة : 7 | |||
|
يعطيك الصحه |
|||
|
|
|
2015-05-12, 07:59
|
رقم المشاركة : 8 | |||
|
ماشاء الله عليك حبوبتي إسمهان حلوة رااااااائعة جدا أعجبتني بزااااف و قريت الوصفة بتمعن كبير .. خسارة ماعنديش الجلجلانية كي نشري نسييها تجي هايلة مع لاتاي في الأفراح ... رايحة نقول عليها لأختي لأنها تخطبت ممكن جدا تعملها |
|||
|
|
|
2015-05-12, 08:43
|
رقم المشاركة : 10 | |||
|
حبييييبتي اسمهااان فكرتيييني بييها هااد الحلوى كاانت نسييبتنا تدييرهم على شكل كوورنياات و اشتهرت بييهم نلقووهم عندها في كلللل المنااسباااات وااااو روووووعة دووقهم يهببببلللل .. و الشكل الجدييد لي درتييه و التزيين بالبييستااش زااد فييهم النص .. ماشااء الله عليييك تححححفة .. تسلم اﻷياااادي يا قلبيي موااااااااااح |
|||
|
|
|
2015-05-12, 09:55
|
رقم المشاركة : 13 | |||
|
السلام عليكم صح اختي حلوي حاوي بنينة بزاف وتوالم اي مناسبة انا نعملها منذ مدة غير الفرق اني في العجينة نضيف 2 معالق كبار عسل و في الطهي نطيبها اولافي الفرن قيس ما تبياض برك وتحكم لافورم تاع الكورني مدة 5د فقط و منبع نعاود نقليها تجي محمر مليح من داخل و من الخارج اما التعسال نعسلها قبل ما نحشيها ونخليها تقطر شكرا وتقبلي مروري |
|||
|
|
|
| الكلمات الدلالية (Tags) |
| .........روعععععععة, محزنة, الترك, بالكوكاو, سجائر, وحلوة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
