لم اعد احتمل2

[مشكلتي]

السلام عليكم شكرا لكم على تفاعلكم معي عسى ربي ان تكون دعوة احدكم تستجاب ويفرجها حبيت فقط اني اوضح شيءا يعني عنواني الي راني كاتباتو يعكس حالتي النفسية اي في داخلي راني مضرارة لا يعني اني اتكلم حتى زوجي مرانيش نجبدلو لكن هو شايف حالتي بلي راني مضرارة ويطنش وهو علابالو وانا والله ما ني نتكلم اما بخصوص اختو فهي غير متزوجة لانو انا عايشة مع اخواتو وانا مكنتش نقول نخرجو فقط كوزينة لاخطارش دار كبيرة وقادر في رمشة عين يديرها اما بخصوص الطلاق انا لم اذكره اطلاقا ولا افكر به لانو اختو سعات من خلال مشاكل الي سببتها انو تفرق بيناتنا وموخرا قالتها بصريح العبارة انو حبيت نطلقك........لا اريد الغوض في التفاصيل ..........وانا حبيت نوجه سؤالي للرجال كون انا الي كنت نفتعل المشاكل هل راه يخليني.........شكرا

[toulay]

وعليكم السلام ورحمة الله تعالى وبركاته
وعلاش عليها اختو ديرلك هكذا متخافش ربي هاذي قولها انت تاني نهار تتزوج راح تشوف الويل لانو كما تدين تدان
وهذا الزوج تاعك جابك garniture مالا مين عاد مشي سامع بيك
وفيما يخص سؤالك راح يوقف معاك ومراحش يسمح فيك ويقولهم ليحترم الزوجة تاعي نحترمو ولميحترمهاش مايستنى مني والو
يا اختي باينة يخليك ويقولك روح لداركم نهار تولي لباس ارجع وحدك ومتستناش منو يروح يجيبك
ببساطة عليهم حلال وعلى النساء حرام يا اختي حتى فالقضية تاع الخيانة للمراة يقولولها اصبر بصح الرجل كون يفيق بلي الزوجة تاعو تخون فيه يطلقها بدون شفقة او رحمة
وماكان لا صبر لا والو
واش تحب رانا عايشين في مجتمع ça va pas خلاص وبزاااااااااااااااااف متخلف
ربي يفرج عليك يا اختي وماتخلي حتى واحد يلعب بيك ويمشيك على هواه
قالك نديرلك الدار لازم يوفي بوعدو ياك يقولو الرجل عندو كلمة وكلمتو بارود ولا يقولوا هكذا pour le prestige برك
بالتوفيق

[اياد حياتي]

اكيد عزيزتي وانا سأجيبك اذا المشاكل تصدر منا والله الا دار سعدك في يدك رانا عايشين وشايفين انا احيانا ضيق بيا ومبعد نرجع لربي نرتاح لا حل سواه كاين الي تصيبها داير كنة فيهم حالة وراجلها دايرلها مرضاتها حسبي الله ونعم الوكيل

[AMINA.Z]

يا اختي حلك تخرجي بدارك وحدك
مادام راجلك ماش قادر يقوم بمسؤوليتو و يحفظلك كرامتك و يهنيك.
ربي يفرج عليك

[oumhana]

يا أختي مدريهاش في صحتك شوفي أهلك يكلمو زوجك هذا نتي ساكتة وهو ياكل يشرب bien sur صابها طايبة عالكوك. أنت متهدريش و حامله الهم دخلاني وخونا لا يبالي الحل هما والديك اللي خطبك من عندهم و عطالهم الكلمة. ربي يفرج همك ويعوض صبرك بالفرح آمين.

[mrmilano1984]

للاسف المشاكل اصبحت كثيرة من النساء نعرف وحدة كانت تعمل معايا مؤخرا التقيت بها تصور بنت ماشاء الله 26 سنة وعندها ولد عام تقريبا شكن لي سب طلاقها اخت الزوج من فرط وشدة الحسد والغيرة والعياد بالله راحت طلقتها بالحيلة وانتقمت منها لانها هي كانت مخطوبة ولم تتزوج خلاها الراجل وتزوج اخري اجمل منها واشد دكاء هي لي حكاتلي وزد كي شافت مرت خوها شاطرة وقافزة ايا لعبتلها برجليها تاع الصح وراحت تحرض اخوها وقاتلو عملتلك سحر في ملابسك وهي اصلا لي عملتهم الشيطانة في ملابس اخيها حروز ايا من بعد كي جات مرتو قلب الدار رغم انها قاتلي كنت معاه مهنية تاع الصح وكان يحبني
حسبي الله ونعم الوكيل في بعض النساء الغيرة تاكل قلوبهم لو طلقها نورمال تقدر تفوتها مكتوب حبس بينهم لكن تجي مراة اخري شيطانة في الهيئة والعقل هدا شيء خطير
حالتك اكيد تشبه لحالة هادي مرا هادي باينة قلبها مش مليح