لم اعد احتمل

[مشكلتي]

السلام عليكم سبق وان وضعت مشكلتي هنا لكن بدل ان تساعدوني ماذا افعل قلتولي غير صبري وكاني منعرفش هذا الشيء لقيت بعض مشاكل اخوة تساعدوهم بكلام مقنع حتى انا وين نبغي نشكي همي يقولك اصبري حتى هنا في هذا قسم والله ضاقت بيا حتى ربي قال في سورة البقرة *ربنا لا تحملنا مالا طاقة لنا به....* وعلاه صرالي هكذا كرهت خنقوني بعد ماهي حرب هادءة راهي نفسيتي تعبانة حتى زوجي مراهوش يطلعلي فيه علاه زينت نية في هذه الدار ومع تالي ينقلبو عليك علاه كلشي عاكس مراني طالبة والو غير كوزينة وحدي في نفس البيت مرانيش نقولو نخرجو بقا مع اهلك على الرغم كاين الي خرج من عند يماهم وهو كاين اخوتو برك بنات ورجال علاه انتوما رجال هكذا توعد مرا بالهنا مهم تكون بنت فاميلا ديرولها هكذا انا قلتلو نكون يماهم على الرغم انو كبار عليا وكنت هكذا وطعنوني وانا على نياتي دمرتني اختو وهي عايشة حياتها كل مرا تفتعل مشاكل ومكانش الي وقفها عند حدها تقولي روحي لداركم رحت وقالولي اصبري ورجعت لاخطارش مشكل ماهوش راجلك بصح راجلي كون يحبني يشوف راحتي تخيلو انا شريت كويزينار باربعة ملاين ومبعد يقولك طيبي معاهم نبدى نسنا وحنا كل واحد يطيب وحد يا ربي هذه فرقة نورمالمو كل واحد وكوزينتو ولا لا ماسبتش حل

[toulay]

وعليكم السلام ورحمة الله تعالى وبركاته
يا اختي واش راح دير من غير الصبر
اختي من حقك مشي تطلب كوزينة وحدك من حقك تكون عندك دار مستقلة
كاينين وحدين الله يبارك يعرفوا غير يهدروا والتنفيذ يجيب ربي كون من الاول زيرتيه مشي حتى تفرت
مليحة هاذي اختو طردك من الدار وانت خديتي رايها ورحتي وهاذي اختو معندهاش راجلها يحكم فيها والزوج تاعك وين هو
انت امانة عندو انت بنت الناس جابك باش يتهلى فيك مشي باش يخلي ليجي يبهدلك
يجيبوا بنات الرجال مبعد يديروا رايهم فيهم حسبي الله ونعم الوكيل
مرة خلاف مين وحدة تحب تتزوج تقول لراجلها نتكاتبو عند notaire بلي راك وعدتيني تسكني وحدي باش كون يحب يخدعها عندها دليل قالك الثقة فالوثيقة
ربي يفرج عليك يا اختي ومتعمرش راسك وان شاء الله مايكون غير الخير
بالتوفيق

[اياد حياتي]

الله يجيب الخير ربي يصبرك اختي كلنا نعاني ارجعي لربي سبحانو هو فراج لهموم

[minina2601]

ربنا ولا تحملنا مالا طاقة لنا به
اسال الله ان يسهل وييسر امرك امين

[thorpe]

سلام عليكم
يا الاخت الكريمة
في هاد الحالة واش حبيتينا نقولولك ؟
شخصيا ممكن نقولك حاجة بالعاطفة تديريها تندمي
انا عصبي ولهذا ما نحبش نمد نصيحة بعاطفتي
يقولو ناس زمان صابر ينال مالغري قريب نولي ما نامنش بيها هاد لحكاية بصح الانسان يصبر وخلاص
النيا هاذي ابتلاءات
كون عطاك ربي كل واش تتمناي والله يجيك الابتلاء يجيك
ماكانش السعيد فالدنيا وهذا هو الفرق بين الدنيا والاخرة (( الجنة ))
دار شقاء دار تعب دار صبر هاذي حال الدنيا
انا وليت نجي لهاد القسم نقرا مشاكل الناس هروبا من مشاكلي والله وكان جيت نعرف ولا نقدر نبكي راني بكيت حتى رتحت
وشنو نجي هنا مخنوق نغلق الجهاز وانا نقول حمد لله الذي عافاني مما ابتلى به كثيرا من خلقه
شحال من مرة نجي مغموم قلبي معمر ناوي نكتب حكاياتي تجذبني بعض العناوين ندخل نقراها نلقا روحي نسيت حكاياتي
جربي قبل ما تكتبي اقراي مشاكل الناس
جربي هاد الطريقة ونشالله يكون خير وينشرح صدرك
المنكر راه كاين بارتو سواء برا ولا فالديار
حتى مع نفسك وكاين منكر يخليك تحس بعدم الرضا
ربي يفتح عليك نشالله ويصلح بينك وبين زوجك واهلو
سلام

[زبدة ذايبة]

واش حبيتي تطلقي !!!!!!!!!!!!

تولي لاكوزينة لافريجيدار لاراجل !!!!!!!!!!!!!!

واش كاين خير من الصبر

كاين أمور تجي بالوقت

سبحان الله عامل الزمن عندو دور كبير

شوفي برك أمك وأبوك

ممكن كانو عايشين في عائلة كبيرة ومن بعد فتح ربي وراهم وحدهم

وش حبيتي طيري ؟؟؟؟؟

ماشي هكذا يابنتي

ماتكحليهاش على راجلك على جال كوزينة وحدك

مابقالك حتى حل سوى الصبر أو الطلاق

وتكوني غبية لو كان تختاري الحل الثاني

لبنات راهم غير يستناو يقبلو بالمطلق واللي عندو الأولاد واللي يديها زوجة ثانية واللي تروح لشيخ كبير قريب يموت ؟؟؟؟؟

إذا ماراكيش قادرة على هذا الأشياء كاين اللي تقدر

تقدر تعيش على طبسي عدس وطرف خبز وشفتهم صدقيني وصبرت ونالت

وانت راكي حابة تختصري الطريق على نفسك وترجعي لدار باباك

البارح زوجوك وقالو بنتنا درات دار وغدوة ترجعي ليهم مطلقة

تولي الخرجة بحسابها بعد ماكنت معززة مكرمة مع زوجك.

من المفروض تعيشي مع زوجك بالحلوة والمرة

راني نشوف فيك غالطة. ماتسمطيش روحك مع ناس دارك ويولو يكرهوك ويكرهو راجلك فيك

راكي عايشة في الجزائر وتعرفي ضروف الناس

اصبري على زوجك. واصبري حتى يفرج رب العالمين

وإذا ماراكيش قادرة تتحملي ارجعي لدار باباك وماشكيتش ذاك الوقت تقوليلهم ديرولي كوزينة وحدي لأنك ماتسحقيهاش

الصح في حياتك هو زوجك اللي لازم تضربي عليه ماتضربيش على الكوزينة لأنه ماعندها حتى معنى مع خسارتك لزوجك

[AMINA.Z]

يا اختي اذا راجلك عندو خاوتو في الدار و والديه ماش وحدهم
ابقاي وراه حتى تخرجي بدارك وحدك
و قوليلو تزوجت باه تهنيني ماش باه تخليني ننذل في دارك.
و مهما تحكيلو ماش راح يحس بيك .ايمالا اقفزي على روحك ...انا نعرف وحدة ما تتفاهمش مع اخت زوجها المتزوجة ..كل ما تجي يصرا بيناتهم مشكل ..الحل اللي دارتو هو ..كل ما تجي اختو تقعد يامات هي تروح لدارهم ..اتفاهمي مع راجلك هاك و خلاص.
و نقسي الهدرة حتى يوليو يتوحشو صوتك ديري لروحك قدر ..و مام يطولو لسانهم معاك حطيهم في الثقيل و ما ترديش ما تربحيش العيب.كوون يشكيو لراجلك و يجي يهدر معاك قولو ماكش عايش و شايف درك ماكالاه تحكي و قوليلو اني نسكت باه ما نغلط في حتى واحد و انتي ماكالاه تشكيلو .. خمي وحدك كيفاه تحلي مشكلتك مع النسا
الوالدين اللي كنتي عايشة معاهم و الاخوة و الاخوات راكي ما تزيديش تلقايهم ....ايمالا ما تحلميش بزاف.. و كل انسان عندو طريقة تقدري تتفاهمي بيها معاه ..جربي حتى تلقاي الاسلوب اللي يهنيكم من المشاكل
ربي يفرج عليك

[كاميلا]

سبحان الله على بعض الردود في القسم في عوض يعاونوا الناس او ادا مقدروش يقولوا كلمة مليحة يوليو بلا ميحسوا يحسدو في داك البنادم هه يخي حالة