وددت استشارتكم في حادثة حصلت لي لم اعرها انتباهي خاطر قلت يمكن تكون صحيحة يعني افترضت النية السليمة
انا متزوجة مند عام سكننا مستقل في عمارة بالكراء
المهم معندي من نهار سكنت مهندي حتى مشكل مع اي جار او جارة نلقا الجارات نفشي السلام كانت وحدة مقابلتني تبعثلي من حين لحين حلويات الخ نتبادلوا الصحون كيما عوايد بكري بصح مش مدايرة علاقات يعني منحبش نبقى قالك قتلك في الدروج ومنحبش لمشابخ والهدرة حتى الجارة اللي تحتي لحد الساعة والله منعرف شكلها المهم حاكمة سابعي ليا ومتلقيا براسي ومحترمة الكل
الجارة اللي تحتي قدامها وحدة راجلها عنده حانوت في حيينا من داك نقضيو عليه انا وراجلي
المهم راح راجلي في الخريف لمهمة تاع العمل في ولاية اخرى اسبوعين الاسبوع الاول قضيته في داري جا عندي خويا مش متزوج طالب واختي تاني جات مضاو معايا الاسبوع الاول قلت الاسبوع الثاني نروح لدار والديا وهادبك الجارة منين نهبط تفتح الباب وتشوف معانا نجي من بعيد من عند الطبيبة خاطر راني حامل نلقها تكل عليا من النوافد مدرتش في بالي بصح لاحظت هاد الشي بزاف
بعد الاسبوعين جا راجلي في عطلة نهاية الاسبوع كي هبط يقضي من عند زوجها قاله وين كنت هادي مدة مشفناكش ومن بعد قاله مرتي كي كنت انت غايب شافت واحد في الطاج تاعكم يطل عليها شكون هو ؟ في اليوم الفلاني والساعة الفلانية المهم زوجي واش خمم خاف قالي السرارقة بزاف في المنطقة تولهي يا مرتي وهاد الجار من قبل كان تحدث على الجارة اللي قدامي بالسوء لزوجي قاله متحشمش وتسفه من النافذة ولسانها سليط الخ وهادي الجارة جديدة مش اللي كانت قبلها المهم كي قالي راجلي هكاك قتله ولا عمرها شفتها تعيط على ولدها من النافذة والا سمعت صوتها ؟ قتله مكانش منها هاذي خاطر غير مرته اللي تظل في الدروج بلا خمار وصوتها الناس كل تعرفه
المهم مدرتش في بالي خاصة وانني حكيت الحكاية لصاحبتي قاتلي هاذي حاذري منها يمكن مقصودهم الخراب ويفسدولك دارك انا قتلها علاش واش درتلها واش بيني وبينها هي كبيرة وولادها 6 قاتلي انت جاذري وخلاص
انا قلت مش مليح التوسويس بزاف حتى امي كان رايها هكا قاتلي وعلاش يقول هاد الهدرة لزوجك كون جا راجلك موسوس كون راه وصلت للطلاق با حفيظ حسبي الله ونعم الوكيل
بقيت حاطة هاد الشي في راسي ولاحظتها ديما تعس فيا كي ندخل كي نخرج كي ننفظ حاشاكم الزربية وفي وحد المرة تعبت شوي رحت يومين لدار والديا وراجلي بقا في الدار وورا الجمعة كي صلا الصلاة راح لدار والديه حب يبات عندهم ونسا الحنفية مفتوحة شوية تاع الدوش فاضت شوي الدار وخرج الما على الباب تاع برا وهبط على الدروج سترنا ربي مهبطش مبقاش في الدوش خاطر بانتلي الارضية معوجة راجل جارتي اللي قدامنا غلقلنا العين من برا الله يجازيه ونشف صطحتنا السبت كي جابني راجلي لقيناها تطل علينا من النافذة قالي راجلي من وين وانا نلاحظ هاد المراة تطل علينا بزاف انا سكت كي وصلنا لفوق فتحت الباب وهي بلا خماروصدرها شبه عاري لابسة قندورة وتشتم وتقول منين جا هذا الماء وهي هبطلها شوي ما من الدروج خاطر ماهيش تحتي راجلي تقلق قتله اطلع بعينيا
كي دخلنا للدار قالي صحيحة الوجه هاذي قتله في قلبي خلاص مكان حتى مشكل منهدر معاها منقيمها
وبقات من داك اليوم تعس فينا كي الجدارمي
قولولي وش رايكم والله حرت يعني للدرجة هاذي يحبوا ياذيو الناس وهوما خاطيينهم
( تقرير عن مشاركة سيئة )، و الموجودة أسفل كل مشاركة .
2016-02-06, 09:58
مفهمتش علاش
العرض العادي
