من جربت الحقن المجهري و نجح معها؟؟؟؟؟ - الصفحة 3

أم أماني أريج · 2014-10-23, 13:28

ههههه و الله حشمتيني بوصفك أخيتي لمسة ............أنا لي يكفيني فخرا هذا الوصف و الكلام الرائع النابع من طيبة مثلك
ما عملت إلا الواجب حبيبتي فلا داعي للشكر
تعرفي نفسي نحط كل المعلومات لي نعرفها فيما يخص الحقن المجهري على خاطر كي نويت نعمل الحقن المجهري بحثت بزاف في النت و لقيت تجارب كثيرة لكن لأخوات خارج الجزائر............و ماقدرتش نعرف الأسعار و الاجراءات بدقة على جال هكذا راني حاسة بكل أخت تسعى لاجراء هذي العملية و حاسة بمعاناتها في جمع المعلومات .
يارب ارزق كل من مر بهذه الصفحة فرحة تنسيه كل لحظة ألم إعترضت مسار حياته في يوم ما .........آمين ...........

لمسة L · 2014-10-23, 13:56

اقتباس:

المشاركة الأصلية كتبت بواسطة طال الرجاء

ههههه و الله حشمتيني بوصفك أخيتي لمسة ............أنا لي يكفيني فخرا هذا الوصف و الكلام الرائع النابع من طيبة مثلك
ما عملت إلا الواجب حبيبتي فلا داعي للشكر
تعرفي نفسي نحط كل المعلومات لي نعرفها فيما يخص الحقن المجهري على خاطر كي نويت نعمل الحقن المجهري بحثت بزاف في النت و لقيت تجارب كثيرة لكن لأخوات خارج الجزائر............و ماقدرتش نعرف الأسعار و الاجراءات بدقة على جال هكذا راني حاسة بكل أخت تسعى لاجراء هذي العملية و حاسة بمعاناتها في جمع المعلومات .
يارب ارزق كل من مر بهذه الصفحة فرحة تنسيه كل لحظة ألم إعترضت مسار حياته في يوم ما .........آمين ...........

اختي تستاهلي كل خير و ربي يفرحك عن قريب

و ادعيلي معاك ان شاء الله نلقاو حيوانات منوية عند زوجي

مشكووووووووووووووووورة

nessma 23 · 2014-10-26, 08:14

اقتباس:

المشاركة الأصلية كتبت بواسطة طال الرجاء

سلام عليكم
عزيزاتي نسمة و لمسة طبعا أنا لجأت للحقن المجهري و السبب كيما تعرفوا ضعف الحيوانات المنوية عند زوجي ولما سقسيت مليح دلوني على كلينيك فريال بباب الزوار وقالولي أنها أحسن عيادة عندنا في الجزائر .
ورحت أول زيارة لي في سبتمبر 2013 و خذيت معايا تحاليل الهرمونات ........fsh........lh........tsh.........e2....... prolactin......و راديو تاع قنوات فالوب أو مايسمى أشعة بالصبغة .......وخذيت ثاني تحليل السائل المنوي لزوجي و بعد ماعملولي في المركز تحليل الدم و أظن أنه هرمون الاستراديول و عملي الطبيب راديو أو سونلر مهبلي دخلنا عندو أنا وزوجي وقاللنا okخلاص بهذي التحاليل تقدرو تبداو العملية بعد الدورة مباشرة
المرحلة الأولى وهي مرحلة تنشيط التبويض :
في 3 أيام الدورة من سهر أكتوبر رحت ثاني زيارة للمركز و اعطاني الطبيب إبر تحت الجلد اسمها ....قونال ......3في اليوم ولازم تأخذ على الساعة 6 مساءا
واعطاني موعد بعد أسبوع
رجعت في الموعد ونفس الشيئ عملولي تحليل دم وعملي الطبيب سونار مهبلي باش يشوف تطور البويضات و مدى استجابة جسمي للمنشطات وقالي راكي مليحة و زلدلي حقن قونال أخرى لمدة 4 أيام و معاها حقن أخرى اسمها سيتروتيد .
و رجعت في الموعد ونفس الشيئ يعني هوما يقومو بنفس العمل في كل مرة تحليل دم و سونلر مهبلي وقالي الطبيب جسمك راهو استجاب مليح للمنشطات واعطاني هذي المرة الابرة النهائية و هي عبارة عن ابرة تفجيرية اسمها اوفيترال وقالي ترجعي بعد 36 ساعة من موعد حقن الابرة باش ندير عملية سحب البويضات .
المرحلة الثانية و هي مرحلة سحب البويضات :
رحت في اليوم 13 من الدورة و طلعوني مباشرة للبلوك تاع العمليات على الساعة 7 صباحا و عطاوني طابلية بيضة لبستها وحدها وخذيت ابرة المخدر و التخدير راهو جزئي أو موضعي برك ودخلوني لغرفة العمليات وطبعا دخلت و أنا ميتة بالخوف وقلبي حسيتو قريب يخرج من مكانو هههه و العملية كانت سهلة نوعا ما على خاطر ماكنتش حاسة بالألم بسبب التخدير وبعد لي كمل الطبيب عملو قالي رانا سحبنا منك 10 بويضات ومن بعد عاودو رجعوني للسرير تاعي وبعد ما بدا تأثير التخدير يروح بديت نحس الألم يقوى وقعدت حوالي ساعة ثم من بعد لبست قشي و خرجت ...........وطبعا فوت ليلة عصيبة جراء الغازات لي جاتني من العملية لدرجة ماعدتش قادرة نوقف نمشي راكعة .
ايه قبل ماننسى طبعا هوما كانو عيطو لزوجي في نفس الوقت و خذاو منو عينة الحيوانات المنوية
المرحلة الثالثة وهي مرحلة ارجاع الأجنة :
هوما عادة في المركز يعملو الارجاع بعد يومين من السحب لكن أنا طاحتلي بالجمعة على جال هكذاك أجلولي العملية للسبت
رحت بالسبت ودخلت للبلوك و لبست الطابلية البيضة من جديد وكنا خمس نساء على ما أذكر دخل لينا البروفيسور شريف النذير وورالنا في شاشة الأجنة تاوعنا وقالي رايحين نرجعولك جنينين من الدرجة الأولى وتم الارجاع بكل سهولة و بدون تخدير لأنو سهل جدا و مش مؤلم .ولازم بعد الارجاع تقعدي 20 دقيقة ما تتحركيش نهائيا و من بعد رجعوني للسرير قعدت شوية وجات لينا الفرملية قالتلنا تقدرو تروحو ضركا خلاص وعطاتني وصفة لي كان كتبهالي الطبيب واعطاني تحاميل البروجيستيرون مهبلية لتثبيت الحمل واعطاني موعد بعد 16 يوم .
وطبعا رجعت للبيت و كنت نتحرك غير بالعقل و الأيام تمر ثقيييييييييييييلة والساعات تمر كأنها أيام و بعد مرور المدة المحددة عملت تحليل منزلي و كانت النتيجة سلبية ورجعت لعندهم في المركز عملولي تحليل دم و أكيد النتيجة كانت سلبية و الحمد لله على كل حال و الطبيب قالي كل شيئ كان سليم و ممتاز و الأجنة لي رعناهالك كانت ممتازة لكن ربي مازال ماكتبش و قالي تقدري تعاوديها بعد شهرين .
راني شرحتلكم بالتفصيل الممل نتمنى برك ما تكونوش مليتو و الله يدي تعبت ملكتبة مي في خاطركم كتبت تجربتي بالرغم من أني نتألم كي نتفكرها كنت دايرة أمل كبيسر فيها بعد الله طبعا لكن ...............قدر الله و ما شاء فعل .
وبلا ما ننسى الأسعار طبعا
الدواء كل وحدة و استجابة جسمها يعني السعر التاعو يتراوح بين ..............8 ملاين سنتيم إلى 10 ملاين سنتيم
مرحلة سحب البويضات السعر تاعها ثابت ...............10 ملاين سنتيم
التحاليل لي تتعمل عندهم و لي يطلبوها منك خارجا حوالي 3 ملاين سنتيم
يعني السعر الإجمالي حوالي 23 مليون سنتيم و في عيادات أخرى السعر يكون أكبر فمرحلة السحب وحدها توصل حتى ل15 مليون سنتيم .
نتمنى نكون وفقت في الشرح و ربي يوفقنا كامل و يرزقنا بالذرية الصالحة .

سامحينا اختي لعزيزة على التعب وانو خليناك تتفكري تجربة مؤلمة ان شاء الله تحملي عادي وتجيبي توام يا رب يا اختي راني حبيتك في الله و معزتك في قلبي كبيرة

riadhfac · 2014-10-27, 14:14

السلام عليكم انا الحمد لله عملة التلقيح و نجح معي عندي شهر ملي عملتها في عيادة فريال انشاء الله ربي يكملي و يرزق كل محرومة يارب

celia16 · 2014-10-27, 15:21

اقتباس:

المشاركة الأصلية كتبت بواسطة riadhfac

السلام عليكم انا الحمد لله عملة التلقيح و نجح معي عندي شهر ملي عملتها في عيادة فريال انشاء الله ربي يكملي و يرزق كل محرومة يارب

ربي يثبت حملكم ويتمم اموركم على خير ان شاء الله من فظلك اخي ياريت تحكيلنا تجربة بالتفصيل, [أنا اريد ان اعمل la fivالشهر القادم وكنت اسأل عن النصائح التي يجب اتباعها فترة عملية قبل الترجيح وبعد ,فارجو افادتي من خبراتكم وأريد السؤال عن أنواع الأكل المسموح بها والممنوعة قبل وبعد ارجو الافادة
ربي لا تذرني فرداً وانت خير الوارثين

riadhfac · 2014-10-30, 23:11

اولا يجب عليك النومل علي الله ثم الجليل بزيارةال العلمير الطبيب في ثاني او ثالث يوم من العادة يوصف لك ابر علي عدة مباراة ويوم الاباضة يحدد لك موعد الشكل تقام بعملية تخدير نصفي اما عن الماكولات فليس هناك شيء محدد اما بعد الترجيع فتجنبي الامساك وعليك بالراحة التامة وربي يسهل انشاء الله

أم أماني أريج · 2014-12-08, 08:12

اقتباس:

المشاركة الأصلية كتبت بواسطة riadhfac

السلام عليكم انا الحمد لله عملة التلقيح و نجح معي عندي شهر ملي عملتها في عيادة فريال انشاء الله ربي يكملي و يرزق كل محرومة يارب

مبروك عليك اختي و ان شاء الله ربي يكملك على خير
هو كلينيك فريال احسن كلينيك عندنا في الجزائر لكن عند آخر زيارة لي تلاقيت مع أخت قالنلي يوم الارجاع تاعها كانو في 12 سيدة نجحت فقط لوحدة منهم و الباقي فشلت معاهم .
و هذا يعني أن نسبة النجاح راهي متدنية .

أريج-78 · 2014-12-08, 14:58

اختي طال الرجاء انا مشكلة الزوج هي ضعف شديد في الحركة بعد علاج لمدة 3 سنوات و بدون تحسن قررت نعمل الحقن المجهري في تونس عند الدكتور خروف في شهر جانفي
حبيت تتكرمو وتقدمولي ببعض النصائح قبل وبعد العملية وحبيت نسال على الاقامة في تونس في الشتاء لاني سافرت فقط في الصيف
ونتمنى من الله عز وجل يرزقني ويرزق كل محرومة بالذرية السليمة و المعافاة

لمسة L · 2014-12-09, 09:17

اقتباس:

المشاركة الأصلية كتبت بواسطة أريج-78

اختي طال الرجاء انا مشكلة الزوج هي ضعف شديد في الحركة بعد علاج لمدة 3 سنوات و بدون تحسن قررت نعمل الحقن المجهري في تونس عند الدكتور خروف في شهر جانفي
حبيت تتكرمو وتقدمولي ببعض النصائح قبل وبعد العملية وحبيت نسال على الاقامة في تونس في الشتاء لاني سافرت فقط في الصيف
ونتمنى من الله عز وجل يرزقني ويرزق كل محرومة بالذرية السليمة و المعافاة

ربي يسهلك اختي و يرزقك ما تتمناي

.ام زكرياء. · 2014-12-09, 09:33

ربي يرزقني ويرزقك ويرزق كل امراة يارب معنديش معلومات مي حبيت نشارك

m.fatii · 2014-12-13, 10:17

اقتباس:

المشاركة الأصلية كتبت بواسطة أريج-78

اختي طال الرجاء انا مشكلة الزوج هي ضعف شديد في الحركة بعد علاج لمدة 3 سنوات و بدون تحسن قررت نعمل الحقن المجهري في تونس عند الدكتور خروف في شهر جانفي
حبيت تتكرمو وتقدمولي ببعض النصائح قبل وبعد العملية وحبيت نسال على الاقامة في تونس في الشتاء لاني سافرت فقط في الصيف
ونتمنى من الله عز وجل يرزقني ويرزق كل محرومة بالذرية السليمة و المعافاة

لسلام عليكم بنات انا هاذي اول مشاركة لي في المنتدى
قرات رسائلكم... و انا كذلك في حيرة لانة لازم اعمل التلقيخ المجهري وذهبت لتونس للاستفسار و اخذ فكرة عن الموضوع من قرابة شهرين لكن لم اقرر بعد فانا في حيرة . اختي اريج انا لما ذهبت اقمت في حي التحرير لانه قريب شوي من مصحة حنبعل اي استفسار انا ارحب به

سارة هبة الرحمان · 2014-12-16, 13:16

ربي يسهل للجميع

أم أماني أريج · 2014-12-17, 07:58

اقتباس:

المشاركة الأصلية كتبت بواسطة أريج-78

اختي طال الرجاء انا مشكلة الزوج هي ضعف شديد في الحركة بعد علاج لمدة 3 سنوات و بدون تحسن قررت نعمل الحقن المجهري في تونس عند الدكتور خروف في شهر جانفي
حبيت تتكرمو وتقدمولي ببعض النصائح قبل وبعد العملية وحبيت نسال على الاقامة في تونس في الشتاء لاني سافرت فقط في الصيف
ونتمنى من الله عز وجل يرزقني ويرزق كل محرومة بالذرية السليمة و المعافاة

حبيبتي أريج آسفة على التأخر في الرد و السبب هو أني ما نتصفحش موضوعي هذا كثيرا .
ربي يوفقك أختي تقريبا كل الجزائريات لي يروحو لتونس يعملو التلقيح عند الدكتور خروف يقولو أنه طبيب ممتاز .
و على المعلومات على تونس ننصحك تعملي موضوع في قسم السياحة ثم تلقاي معلومات .
و ربي يرزقنا كامل

أم أماني أريج · 2014-12-17, 08:05

اقتباس:

المشاركة الأصلية كتبت بواسطة m.fatii

لسلام عليكم بنات انا هاذي اول مشاركة لي في المنتدى
قرات رسائلكم... و انا كذلك في حيرة لانة لازم اعمل التلقيخ المجهري وذهبت لتونس للاستفسار و اخذ فكرة عن الموضوع من قرابة شهرين لكن لم اقرر بعد فانا في حيرة . اختي اريج انا لما ذهبت اقمت في حي التحرير لانه قريب شوي من مصحة حنبعل اي استفسار انا ارحب به

مرحبا بك أختي فاتي
أنا ننصحك تسرعي و تروحي تعملي حقن في أقرب وقت حتى ما يصرالكش كيما أنا .
تعرفي الحيوانات المنوية عند زوجي كانوا ضعاف و في كل مرة يعمل تحليل يلقاهم زادو هبطو حتى هذا العام كي قررت و درت استداع في العمل يعني توقفت من العمل لمدة عام قلت إن شاء الله نعمل حقن مور خوه لكن إرادة الله كانت فوق إرادتي وزوجي تقريبا إنعدمت عندو الحيوانات المنوية و الدكتور قالي مستحيل تقدرو تعملو حقن بهذي التحاليل ..............يعني لازم علاج .
ربي يوفقك في تونس .

أم أماني أريج · 2014-12-17, 08:13

اقتباس:

المشاركة الأصلية كتبت بواسطة سارة هبة الرحمان

ربي يسهل للجميع انا ايضا ناوية ندير لكن قلت نجرب التلقيح الصناعي شكون لجربتوا من قبل حببتي طال الرجاء طمنينا عليك

ربي يسهللنا كامل يا أختي هبة الرحمان ..............
اسمحولي على التاخر في الردود و الله نفسيتي تأثرت من تحاليل زوجي على جال هكذا رجعت نسيت موضوع الحقن المجهري
أنا ماجربتش التلقيح الصناعي جربت طول الحقن المجهري و اكيد نسبة نجاح الحقن المجهري أعلى من نسبة نجاح التلقيح .
و إذا كانو الإمكا نيات المادية تاوعك ملاح ننصحك تروحي مباشرة للتلقيح
و بالتوفيق .