مسابقة موثق

[منال 22]

السلام عليكم
لدي استفسار
انا قريت الحقوق باش ندير موثقة وذوك راني نخدم في متوسطة لا علاقة مع دراستي كيما علابالكم ما يخليوناش نقريو ما نعرف لاه الشعب كامل تقري غير حنا ونهار يديرو مسابقة متصرف اداري الشعب كامل يديرو معانا
المهم وقتاه يديرو مسابقة موثق كرهت وانا نستنى

[nabil ofc]

صبرا لانو هذه المسابقة لا تقام الا من 7 الى 9 سنوات ممكن جدا العام المقبل لانو مر وقت على عدم اجراء هذه المسابقة مثلها مثل مسابقة محضر قضائي

[minaflower]

السلام عليكم
أختي راهم يقولوا بلي بدلو القانون ، ولات مهنة الموثق حكر على لي ماجور دو برومو
انا هذي هي اخر الأخبار لي لحقتني
ان شاء الله ما يكونش صحيح
و الله اعلم
ربي يوفق ان شاء الله

[nabil ofc]

لا يمكن ذلك اطلاقا لانها ليست مسابقة تعليم بل توظيف من غير المنطقي والمعقووووووووووووول اذا طبقت هذه التفاهة فلسنا نعيش بارض فيها عدالة اطلالالالالالالالالالالالالالالالالالاقااااااااااا ااااااااا

[منال 22]

علاه غير ماجور دو برومو يا ربي وما تكونش صح والله غير كرهنا قريت هذي الشعبة وندمت كوغير قريت فرونسي ولا انجليزية وراني نقري يا لوكان مستخلفة 25مية للشهر الحقوق هذي ما عطاتنا والو

[Boss02]

السلام عليكم أختي لاتهتمي فإن شعبة الحقوق في دول العالم 3 لا يعيرونها أهمية , أما بالنسبة للتدريس فهذا إجحاف في حقنا لأنه هناء من لديه الكفاءة و حب مهنة التدريس إلا أنهم حرمونا منها الله يهديهم و عليه يجب أن نكتب عريضة على المنتدى و نند بهذا الإقصاء فنحن أهل القانون من البديهي أن نبدأ بالدفاع و المطالبة بحقوقنا قبل الدفاع عن الغير.
أما بالنسبة لمسابقة التوثيق فمن يقول أن المسابقة حكر على "الماجور " فعلموا أن نصفه بالغش و المحابات ....

[منال 22]

عندك الحق اخي ما فهمتش لاه ما يخلوناش نقريو يا لوكان ابتدائي في الجامعة قرينا كلش قادرين نقريو ما نعرف لاه حاقرينا حتى كي تقولهم قريت حقوق يضحكو عليك

[MUSTAPHA BOYKA]

ايه يا الاخت منال الحقوق لي قراها ضيع حياتو و مازال تشوفي العجب املا راكي حابة تولي موثقة يا حسرا من 2006
و هي مغلقوة المسابقة و اذا حلت يا ربي يديو ولاد الشواكر بلادنا راحت انا قريت االحقوق كيما انتي و راني ضايع منذ 2007 نهار كملت و انا من دوسي لدوسي و من مسابقة لاخرى نقولك حاجة احمدي ربي كي راكي خدامة في متوسطة و صدقيني جامعة الحقوق تخلاص عليهم مال و حياتهم باي باي يبقاو متصرفين مدى الحياة يدو في 35000 دينار حتى يقدام باش يقيسها و مبقات غير القضاء و المحاماة و انا مخدمتهومش باسكو ضميري ميحبش اااااااااااييييييييييييييييييييييييه هادي هي راحت علينا نهار دخلنا بن عكنون تاع الزمر

[chacha9]

السلام عليكم
منال ديري رحمة ربي في بالك أخر مسابقة كانت في 2006 و هي على العموم تنجز كل 10 سنوات انشاء الله يكون الموعد قرب ;و تكوني من الناجحين

[الفراشة الحزينة]

انا قالي واحد قاضي انهم راح يفتحو مسابقة التوثيق في 2016 والله اعلم رانا كامل نستناو فيها ربي يجيب الخير

[djalal200984]

يقلك انت تقرا حقوق ولا قاعد
يقلك هز حجرة تلقى 10 حقوق تحتها
الله لا يتربح واحد كي قرا حقوق نهار اول على اقل لو كان دار تاريخ ولا ادب ولا فرنسية على اقل نشاركو في مسابقات التعليم
و لي زاد دوختني و حيرتني الان تروح دير مسابقة نتاع متصرف ولا اي شيء متخصص في ادارة يقلك اعطيني خبرة مهنية ولا عقود
و لي ما عندوش عقود ما عندوش الحق باه ينجح و كلاب عقود مسكريها من 3 سنين
لو كان واحد تبالو يروح يحرق و ما يقعدش في دولة ميكي
و الان راهي فاتح فيها طاكسي فون و فليكسي و مخبي راسي معاها حتى ربي يفرج

[ابراهيم عمر]

متفائلون مادام من يرعانا ربٌّ رحيم

[ZED]

ما عسانا الا ان نقول حسبنا الله و نعم الوكيل في الي راه صاري في هاذ البلاد احنا رانا ضحايا الفساد و الي راها تقتل فيا يوم بعد يوم ما كانش الي يسمع بيك

[amer46]

عليكم باختصاصكم ديرو محاماه و ماتقولوش حرام كل واحد و ضميرو و لما تدخلو و تخالطو المهنة راح تكتشفو الكثير شاركو في مسابقة القضاة .....و انتظرو مسابقة التوثيق و المحضرين و امناء الضبط على الاقل تمارس ما درسته في الواقع ,,,,هناك صح رايح تشوف نظرة المجتمع و الدولة كيفاش تتبدل ......متصرف ادراي انا شخصيا لم و لن اشارك بها ....اكملت المحاماة و الحمد لله حصانة و احترام كبير تحضى به سوى من اجهزة الدولة او من افراد المجتمع ....و في الاخير كل واحد و ضميره ...لا تفشلو فهناك فرص كبيرة لهذه الشعبة

[kimou1600]

أنا سمعت في أواخر هذه السنة ان انشاء الله