اروع مطلوع لجميع من طلب الوصفة

[omhadil]

السلام عليكم اخواتى الغاليات
اليوم وبطلب الكثير من الاخوات وخاصة جارتى الاخت ام كامليا لوصفة المطلوع ديالنا
ولى انا تانى رانى نعمل فى دروس خصوصية من عند امى الغالية رانى جبتلكم الدرس الاول ليا
واسمحولى على التاخير عندى مشكل فى ادراج الصور
وبدون اطالة نحطلكم الوصفة بالتفصيل ان شاء الله
بسم الله
المقادير : لثلاثة خبزات نحتاج
كيلو فرينة ؛ملعقة كبيرة خميرة فورية ،ملح ،ماء دافئ
طريقة التحضير :
نحط فى جفنة الفرينة + الخميرة + الملح ثم نضيف الماء الدافئ حتى تصبح عندنا عجينة تلتصق باليد
نخلوها تخمر ولكى نسهل عملية التخمير نضع العجين تحت حمام مائ
بعد ماتخمر نخبطوها مليح ونكسرولها التخمار نعاود هذا العملية اربعة مرات وفى كل مرة نخبطوها ندير يديا فى الماء الدافئ لانو العجين تكون طرية بزاف وتلتصق فى يدينا كيما تاع لخفاف بعد مايخمر العجين للمرة الرابعة
يجى وقت التقراص
نوجد ثلاثة سينيات نرشوهم مليح بسميد يكون رطب
ونحطوهم بجيه نوجدو تانى سينية اخرى نحطو فيها بزاف تاع سميد
ونوجدو القليل من الماء فى ايناء
نضع يدينا فى الماء اولا ثم نحط يد فى العجين نقطع القرصة الاولى نحطها فوق سميد ونرشها من فوق ثم نحطها فى السينية نكملو باقى القرصات لى بقاو
نخلوهم يرتاحو حوالى خمس داقائق ثم نقرصوهم مليح بيدينا نخلوهم يخمرو ثم نطيبوهم فوق الطاجين
الان نروحو للصور باش تفهمو اكثر [url=https://www.qqq4.com/]
[/url

هاذة المرحلة الاولى
يتبع

[omhadil]

هنا كى خمر للمرة الاولى
وهنا كى هبطتلو لخمير

كررت العملية اربعة مرات
وهنا اخر تخميرة
يتبع

[omhadil]

نبداو نقرصو
هنا لعجين جاهز والسينيات ايضا ماتنساوش. ايناء تاع الماء[url=https://www.qqq4.com/][/url[url=https://www.qqq4.com/][/url


يتيع

[omhadil]

[img]https://
www.qqq4.com/u/ad1206151434070111721.jpg[/img]
هنا القرصة على يديك وترشيها بسميد من فوق ممبعد تقلبيها على السينية

انا هنا فى هاذ المرحلة مازل جينى شوية صعيبة لانى مازلت نتعلم وان شاء الله وراها وراها والزمن طويل هههه

بعد مانوضعوهم فى السينيات نخلوهم يرتاحو شوية نغطوهم قبل مانزيدو نقرصوهم مليح
بعد مارتاحو القرصات
نبسطوهم مليح فى السينيات بواسطة سميد الرطب ونخلوهم يخمرو ممبعد نطيبوهم

[omhadil]

بعد ماخمرو القرصات نبداو نطيبوهم
اولا نحتاج غربال وسنيوة او طرف قماش كبير باش نتخلصو من سميد الزايد

نقلب القرصة على الغربال وننفض منها سميد الزايد غيربشوية [url=https://www.foxpic.com/][/url
ونكونو شعلنا الطابونة وسخناالطاجين
نحط القرصة فوق الطاجين نخلوها تسخن شويةحوالى عشرون ثانية ممبعد نبعدها على الفرن مثل ماهو موضح فى الصورة

[omhadil]

نثقبو القرصةفى الوسط نخلوها حوالى عشرين ثانية ثم نبعدوها على الفرن

نغطوها بجفنة تاع الحديد او الغطاء لى يتباع فى الاسواق ونخلوها طيب ومرة على مرة ندورها
وكى طيب من فوق نقلبوها من تحت
يتبع

[omhadil]

وهاهو الخبز جاهز ان شاء الله يعجبكم :mh92

[omhadil]

[url=https://www.foxpic.com/][/u

rl
واخيرا كملت الموضوع ليل كامل وانا معاه
تحياتى ليكم

[توكل]

بارك الله فيك

[*ام بثينة*]

يعطيك الصحة يشهي

[amel miral]

يعطيك الصحة

[ارزاق]

يعطيك الصحة خرج هايل باين بلي تعبتي بزاف في تحضيرو

[om kamilia]

بارك الله فيك ام هدوووووولة يعطيييييك الف عافية على الموضوع و و رب يجازي امك كل خير وو يطول في عمرها , و الله ذوق هذا المطلووع ماننساه طول حياتي كليت قريب مطلوعة وحدوو ههههه

[om kamilia]

و مبعد ماشفت الصور خرجو عينيا الله يجازيك ام هديل و لازم علييك تتعلمي التفاصيل رايحة نجرو باذن الله في هذو الايامات مانقدرش نصبر , هذا هو المطلوع لي هبلني

[ام النجمين]

ربي يبارك في ليميمة وفيك انتي صحيتي