السلام عليكم و رحمة الله و بركاته
بسم الله
هذه وصفة طاجين اللوبيا بالمخللات بالجزائري : بالتونسي مرقة اللوبيا بالممالح ![Big Grin](images/smilies/biggrin.gif)
المقادير :
![](https://a4.sphotos.ak.fbcdn.net/hphotos-ak-ash3/536366_103198689821364_2078455383_n.jpg)
المقادير : لوبيا بيضاء منفخة من البارح , مخللات مشكلة و زيتون أسود و أخضر منفخين في الماء من البارح (ينقص الملح), لحم بقري مفوح (فلفل أحمر , فلفل أسود, شويييييييييييية ملح , سنتين ثوم مقطعين, م ص كركم, 2 م ك زيت زيتون) , بصلة كبيرة مقطعة, 1 م ك طماطم مصبرة, فلفل أسود , م ص كركم, زيت زيتون , (رند و كركم للوبيا). لاحظتو اللي الملح ما تحطيهش في المرقة إلا بعد الذوق و الأغلب ما تحتاجيش تضيفيه .
أول حاجة : غلي اللوبيا في الماء مع كركم و رند حتى تطيب أو أقل شوية (بعد تكمل طيابها في المرقة)
![](https://a3.sphotos.ak.fbcdn.net/hphotos-ak-snc6/179944_103198066488093_100003936995620_11131_315453295_n.jpg)
المرقة : تقلي البصل في الزيت و تزيدي اللحم أيضا و الطماطم و البهارات و شوية ماء, خليه يتقلى حتى تقر زيتها و بعد تمرق بالماء السخون , أول ما يقارب اللحم النضج تضيفي اللوبيا بالماء متاعها و الموالح بعد ما تصفيهم. خليهم يغليو حتى تخثار شوية . ذوقيها قبل لا تطفي على النار و الأغلب لن تحتاجي زيادة الملح (لأنك حطيت قبل في اللحم و أكيد المخللات و الزيتون تسيب ملحها في المرقة).
في التقديم تحطي فوقها بطاطا مقلية .
![](https://a5.sphotos.ak.fbcdn.net/hphotos-ak-snc6/179944_103198063154760_100003936995620_11130_1666429490_n.jpg)
ملاحظة إذا نقدموها في المناسبات نستعملو اللحم المفروم نفوحوه و نعملوه كعابر صغار , يتقلاو شوية و نطيبوها بنفس هذه الطريقة في بلاصة اللحم ,
إن شاء الله تعجبكم .