|
|
|
|||||||
| قسم الاعمال الفنية الرسم - السراميك - اشغال الابرة ابداعات و اعمال فنية مختلفة |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2012-02-10, 17:00
|
رقم المشاركة : 1 | ||||
|
ورشة انجاز تروسو سموكس
 بسم الله الرحمان الرحيم السلام عليكم ورحمة الله تعالى و بركاته بداية أريد أن أرحب بكل الأخوات في منتدانا الغالي واخص بالذكر المشتركات معي بالدورة  أولا وقبل كل شيء أكيد أن الاشتراك في الدورة راح يقتصر فقط على الأخوات اللائي طلبن التسجيل ثانيا راح نحطلكم طريقة العمل والمراحل الواجب إتباعها إن عمل تروسو كامل من السموكس ليس بالعمل السهل أو البسيط لذا لا بد من كل أخت أنها تنظم وقتها و تعمل بنشاط و همة ثالثا هذه بعض النصائح لكل الأخواتلا بد من الأخوات تخصيص ساعة يوميا للعمل و ذلك بعد أن يقمن بالانتهاء من أشغالهن اليومية كل أخت يكون عندها تأخر في العمل نتاعها لابد تحاول تستدرك و تلتحق بالمجموعة وهذا فائدة لها حتى تقدر تكمل مع المجموعة أتمنى الانضباط من كل الأخوات في العمل و عدم التكاسل المشرفة تقوم بوضع العمل بالمراحل المصورة كل بداية أسبوع و بعد ذلك يترك أسبوع كامل للأخوات من اجل التطبيق باقي أيام الأسبوع تكون لطرح الاستفسارات والانشغالات من طرف الأخوات كل نهاية أسبوع الأخوات مطالبات بوضع صور لتطبيقاتهن و هذا حتى نقدر نعطيهم الملاحظات و حتى التشجيع على المواصلة إن شاء الله الورشة نستطيع إكمالها قبل نهاية شهر مارس أو لو اجتهدت معايا البنات تكتمل مع الأسبوع الثالث من شهر مارس خلي الورشة نتاع السموكس تكون أولوية عندك يعني الساعة نتاع العمل يوميا واجبة عليك و هكذا باه ماتتراخاش الأخت و ماتتكاسلش رابعا اريد التنبيه الى ان كل المواضيع التي و ضعتها سابقا سوف تغلق و يبقى فقط هذا الموضوع و سوف اطلب من المشرفين تثبيته بهذا القسم بالنسبة لمكان العمل يجب أن يكون مضاء بالطريقة الصحية لان الإبرة والخيط يتعبوا العين مكان العمل يجب أن تكون أرضيته نظيفة و يجب غسل اليدين قبل البدا في العمل لنحافظ عليه نظيفا لانو ليس من المعقول بعد مانكملوه نغسلوه الانتباه أثناء العمل والحذر مثلا عدم ترك الخيوط ظاهرة وعقد الخط جيدا باه نهار آخر ما يتحلش حاولي أختي انك تحافظي على عملك قدر الإمكان باه يكون نظيف و متقون هنا ستوضع كل الدروس الاستفسارات و التطبيقات الان مع المشتركين في الدورة                                                    والان مع شعار الدورة  اتمنى التوفيق لكل واحدة منكن وان شاء الله ربي يوفقني و نبلغكم مرادكم في هذه الدورة 1 2 3 ACTION ملاحظة هامة ساعيد وضع الادوات اللازمة للعمل و هي الادوات الاساسية و هذا نزولا لرغبة الاخوات
وحتى تكون كل مستلزمات الورشة هنا وكل اخت و قدرتها ممكن تزيد و لكن لا اعتقد انها تقدر تنقص لان ما ساضعه يعتبر اساس العمل وكل اخت و ذوقها تختار ما يناسبها من الوان و اشكال ساضع لكن خياري و المواد التي ساستعملها المقاييس واحدة لابد التقيد بها اما كما سبق و ذكرت الاشكال و الالوان هي اذواق شخصية المواد المستعملة  8mقماش ساتان لون فاتح 2mقماش ساتان لون اكثر غمقا من السابق بدرجة او درجتين ماكينة خياطة 1خيط يناسب لون القماش المستعمل 1خيط صنارة مقص اداة اللصق البلاستيكي 1ريبون من لون القماش عادي 1ريبون من لون القماش يلمع 50gسمسم ابيض متوسط 25gسمسم من لون القماش كبير بونج او اي مادة ممكن نستعملها لحشو الغرز 7mدونتيل المبين باللون الابيض عندي 6mدونتيل لون الفراش 2mدونتيل سامبل قماش يلمع غلاقات قراعي ماء والعدد حساب واش لقيتي والي ماتقدرش تشريهم كامل دفعة واحدة تشري بالتقسيط واكيد في البداية اهم شيء شراء القماش و البونج
|
||||
|
2012-02-10, 17:00
|
رقم المشاركة : 2 | |||
|
اهلا ومرحبا بكل الاخوات هنا راح نعاود نحطلكم المخططات نتاع الكوفروليات التي ساتابعها معكن مع صور توضيحية نبدا بسم الله اولا هذه صور الغرز المسموح لكن العمل بها و التي ساتابعها معكن اي غرزة اخرى لست مسؤولة عنها الياسمينة  الياسمينة المقلوبة  ياسمينة مقلوبة مع ياسمينات كبار لكن بسطرين ياسمينة مقلوبة وسطر ياسمينة كبيرة  انواع الكوفروليات ساتابع معكن ثلاثة انواع وهي كالتالي المخطط الاول الكوفرولي يكون كامل بخدمة السموكس وطبعا اختاري الغرزة الي تخرج عليك وابعاد القماش راها موضحة في المخطط اكيد على بالكم العمل بالياسمينة المقلوبة او الياسمينة يجعل القماش يتقلص الى النصف يعني لا بد لنا من شراء ثمانية امتار قماش و نقسموهم على زوج نتحصلو على قطعتين طول كل واحدة اربعة امتار ونقوم بالصاق القطعتين ببعض نحصل على قطعة كبيرة طولها اربعة متر و عرضها ثلاثة امتار القماش راح يتقلص للنصف بعد العمل و نحصل على الكوفرولي من فوق السرير دون حاشية ابعاده متر ونصف عرض و مترين طول وهذه الابعاد المطلوبة هذا نتحصل عليه في حالة عمل القطعة بالسموكس كاملة و تكون بالشكل التالي  وهذا شكله بعد العمل  المخطط الثاني اذا حبينا مانعملوش القطعة كامل بالسموكس نقوم بما يلي نحضر قطعتين من الساتان اللون الفاتح بالابعاد الموضحة في الشكل و كل وحدة اذا كانت ابعاد سريرها اكبر اكيد تهز البعد دوبل باه كي تخدمو بالسموكس يجيها قدقد و مبعد ما تخدم خدمة السموكس تجي في المنتصف و تقيس قطعة قماش بالقيس المطلوب من القماش الغامق و تديرها بين القطعتين السابقتين و تلصقها ممكن تغطيها من فوق بالتيلو اللماع او ممكن تخليها على حالها و تزينها في المنتصف بقطعة من الساتان الفاتح مخدومة بنفس خدمة السموكس وطريقة الصاق القماش راها مبينة في الشكلين  وهذا شكل الكوفرولي بعد العمل الاختلاف فقط انو هنا مولاتو عملت السموكس في النصف عكسنا احنا راح نخدمو السموكس على الجانبين و نخلو النص بالساتان عادي  اما هاذا راهو المخطط نتاع الشكل هاذا يعني من الجوانب ساتان والنص سموكس دون عمل كشكشة السرير بالسموكس  المخطط الثالث له نفس مبدا عمل المخطط الثاني فقط يختف انو مانخدموش فيه بالطول كيما الاول هنا نخدمو بالعرض و المخطط التالي يبين طريقة العمل  واكيد تخيلتو شكلو كيفاه راح يكون ان شاء الله للاسف ماعنديش صورة لنفس العمل واكيد بعد مانكملو الخدمة هاذي راح نديرو الحاشية نتاع الكوفرولي و الي راح تهبط على جوانب السرسر و راح نعملوها بالقماش الغامق و ندورو بيها كامل الكوفرولي و مكان الخياطة نغطوه بالدونتال نتمنى تكونو فهمتو علاش زوج الوان وعلاش الدونتال وهنا المخطط الذي يبين فكرة الكشكشة اللي تجي هابطة على جوانب السرير  ملاحظة هامة العمل الذي اقوم به راني نصورو بالخطوات و نحطها اسبوعيا يعني انا ماعنديش تروسو جاهز باه نحطهولكم راني نخدم فيه معاكم تنبيه بالنسبة للاختيار نتاعي انا للاخوات الي حابين يخدمو مثلي اخترت المخطط الثالث والذي يكون فيه الساتان في الوسط بالعرض اما عن الغرزة راني اخترت الياسمينة المقلوبة مع الياسمينات الكبار بالتوفيق لكن اخواتي وان شاء الله بعد هذا الشرح كل اخت تقرر واش راح تخدم و تدير الفكرة في راسها = = = بالتوفيق في انتظار الدرس التطبيقي |
|||
|
2012-02-10, 17:15
|
رقم المشاركة : 4 | ||||
|
اقتباس:
ياللا همتكم معايا يا لبنات نحبكم شاطرات  لانو الاسبوع المقبل بعد ماتشرو الادوات ان شاء الله نبداو وماعادش ناخر 
|
||||
|
2012-02-10, 17:25
|
رقم المشاركة : 5 | ||||
|
اقتباس:
اكييد رانا معاك حنونة ملييح كي مازال ما تبداي فيها هكدا علي الاقل نكمل الشغل اللي في يدي و نتلهي بييها |
||||
|
2012-02-10, 18:28
|
رقم المشاركة : 10 | ||||
|
اقتباس:
|
||||
|
2012-02-10, 18:38
|
رقم المشاركة : 11 | ||||
|
اقتباس:
فيفي دوكا نتفهمو على الغرزة انا حابة ندير غرزة اليسمينة و متخفيش متتعبيش ياسر معايا هههههههه |
||||
|
2012-02-10, 18:43
|
رقم المشاركة : 12 | ||||
|
اقتباس:
فيها الياسمينة المقلوبة والياسمينة الكبيرة مليحة |
||||
|
| الكلمات الدلالية (Tags) |
| انجاز, تروسو, سموكس, ورشة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
[CENTER][B][SIZE="5"]
العرض العادي
