ابقاي على خير يا هذا الدشرة

[beta17]

ابقاي على خير يا هذا الدشرة**لي غاشيها غير فلان و فلان
راني حالف مانولي ذا المرة**و لو نموت في صحرا عطشان
نعشر بر الروم و بلاد الكفرة**و لا نعيشر بر ش....و الرعيان
لحديث تنوفيق و الضحكة صفرة **و الصحبة تحيا و تفنى بالقضيان
بلسانو يعطيك قنطار مصرة**و الحيلة متلبدة تحت البيطان
بالرشوة تلقاه ماشي للعمرة**و يصلي في البيت في آخر رمضان
و يولي بكلاح و عباية صفرة**و يعطيها للزور و كلام البهتان
يحلفلك ليمين قداه مرة **و يحلف بالكعبة و يحلف بالقرآن
و يحرم البزوز و يحرم لمرا**و غير يصد عليك تلقى كذبو بان
أخزيهم يا خالقي في ذا الدشرة**ذا القوم للي حلفها ما فيه امان
أبقاي على خير ياهذا الدشرة **للي يحكمها غير الجاهل و الخوان
تلقى لي ملو غبار السبورة **للسياسة داخلين بلا سلطان
المرفوعة تاليتــها مجرورة**و العطف يوروه غير لفلان و فلان
و الفعل المجهول مبني للكسرة**و اسماء الخمسة يديرو ليهم شان
تلقى المير .... و النايب ......**و المجلس تعبان يختل في تعبان
ما تفرز أمي على واحد يقرا**و لا تفرز صاحي على واحد سكران
غير هيدورة لاصقة في هيدورة**و غيرخاين مدسوس بين الخيان
كا..... مدربين على الحقرة** و يا ويح الي جالهم بين النيبان
كي تسمع لحديثهم عند الهدرة**تقول أنت لبطال هاذو و الشجعان
لو تعجنهم ما يجو في صاق مرا**و لو توزنهم ما يوفولك ميزان
كي الغراب منين يعلا فالشجرة**يحسب كل الخلق تحتو ذبان
أبقاي على خير يا هذا الدشرة **للي لاحت تاريخها في عقب زمان
يا سعد الي جا موظف من برا**بلوصلة يضحا عزيز و مولا شان
يدولو لفراش و يزيدوه مرا**و كل خميس عشاة مشوي عند فلان
ما يحتاجش لا حليب و لا خضرة**كلش خالص جاي من عند الرعيان
هذا باهز جايب مخدة حمرا**و هاذا يجري جايب قريعات دهان
تلقى المشمت غير توصل فالهدرة **و تلقى المرعن غيرتجرجر فالخرفان
أخزيهم يا خالق يفي ذالدشرة**ذا القوم لي شانها ما جا كشان
و ارزقهم لعجاج و معاه الغبرة**وزلط الي بدراهمو يولي جيعان
إذا راد الله من هذا المرة**ما نرجعش خلاص لبلاد الرعيان
أبقاي على خير يا هذا الحفرة **راها ليكم يا شمايت و العديان
ما رنيش على الرجال أهل النعرة**لي كلمتهم ما لقلت منين تبان
ما رنيش على البزوز الى تقرا **و مارانيش على الي سكنو لكفان
مارانيش على الشجرة و الحجرة **وما رانيش على الولية و الحيوان
مقصودي رعيان ما ليهم جرة **و كي عكست ليام و لا ليهم شان
كانو مدسوسين في وقت الكفرة**و ياسر منهم كان في صف العديان
ضروك جاب شهود و ادخل الثورة **و اخرج عندو كاميو قهوة وبلان
لحقولو رابيل حج وزاد امرة**و اصبح في التاريخ يفتي بالبرهان
و يعود يقول بيا واش صرا**كي كنا في الجيش أنا و حياة فلان
فوق احمار و لاحقتني طيارة **ذاك الشي و ضربتها بين الجنحان
و اهجمت على شار بعمود و حجرة **دقدقتو و قديت في جدو نيران
أخزيهم يا خالقي في الدشرة**ذا الحركة لي عايشين بالبهتان
و أرحم من شافو الكحلة و المرة **و ماتو شهداء على الصدق و الايمان
متعهم بالحور في الجنة الخضرة**و اسكنهم يا خالقي خير الجنان..

[المُصمم]

مشكور أخي كثيرا

[b.oudjemaa]

مشكور وسلامي الى عطاالله

[avant centre9]

مشكور...بارك الله فيك

حبذا لو كل واحد يضع قصيدة يكتب اسم الشاعر....

[beta17]

كاتب هذه الابيات هو الشاعر الفحل جلجلي

[farahikhadidja]

هو الشاعر جدلي جلول من ولاية البيض وقد هجر الي انجلترا وهو مازال علي قيد الحياة وهذه القصيدة هي السبب في نفيه الي انجلترا

[beta17]

ربما كلامك صحيح

[اسماعيل الشاعر]

السلام عليكم و رحمة الله تعالى و بركاته



هذا هو الواقع المر في زمننا هذا



بوركت اخي على هذا الانتقاء


تحياي
توقيع/اسماعيل الشاعر

[beta17]

[beta17]

[biaab]

شكرااااااااااااااااااااااااااااااااااااااااااااااا اااااااا علي الخدمة

[عزالدين34]

مشكوووووووووور اخي

راااااائعة جدا

[taha178]

[الكوثري]

هو الشاعر جدلي جلول من ولاية البيض وقد هجر الي انجلترا وهو مازال علي قيد الحياة وهذه القصيدة هي السبب في نفيه الي انجلترا

أما الإسم والبلدة فهو هو، وأما أنها كانت سبب هجرته لانجلترا فغير صحيحة؛فهو عاد إلى البيض في عقد الثمانيات من القرن المنصرم،وسآءته الحال فنظم قصيدة:

كان ابن آدم في هنا ربي ورضاه ** اتلف رايه جا سكن في جريفيل

وذلك سنة ست وثمانين،وهي عندي بصوته،وأما الدشرة ففي عام سبعة وتسعين ظهرت للعلن ،وكانت سببا في التضييق عليه معنويا ونفسيا، فاضطر الى الذهاب الى ولاية تيارت،ولست أعلم حاله الآن،والقصيدة موضوعكم هنا كنت احفظها عن ظهر قلب ،وأحفظ رد الشاعر الزيعر عمر كله على الدشره،وكنت أحفظ شيئا من قصيدة شاعر البيض الشيخ حميدي بونوة التي كانت أول رد على قصيدة الدشرة،وسماها الثورة فكانت ثرثرة على الحقيقة،يعرف هذا من نظر الى القصائد كلها ثم وازن وراز، وقد عللوها حينئذبأنها خرجت على عجل...!!
ثم دخل معهما الناصر فشفوش، وظاهرجلول بمؤازرته على خصومه بقصيدة الذعرة ، وقد سموه تندرا آنذاك ب: زرنان...!! لانه يقول في بيت من قصيدته:
[CENTER]النحلة تبغي تحط على الزهره**وعند البعرة دايما تقلى زرنان[/CENTER]

ثم دخل فحل من فحول الملحون بولاية تيارت وهو الزيعر عمر وقد رفده فيها صديق له اسمه نور الدين (لا استحضر لقبه الآن) وهمامن بلدية كرمس بتيارت؛وله ذكر هنا في هذا الرابط لمن أراد(https://www.djelfa.info/vb/showthread.php?t=118291) بقصيدة فخمة في وزن وعيار القصيدة الأم الدشرة،وسماها النعرة؛ وقد قرأها بعدذلك لصاحب الدشرة الجلجلي وأعجب بها هذا، ودار بينهما كلام أشبه بالعتاب، مؤاده أن:توقيت القصيدة كان سيئا.....!! خلال التسعينات،ولعل هذا ما استحضره الزيعر وهو يهدم عليه دشرته:

عندك حق وذا جميلك يا دشره** وهذي بيضه فاسدة في وسط حضان

ومن الطريف أن امرأة كانت من جملة الفرسان في حلبة الأخذ والرد........!!!
ومن المفارقات التي قلما تنبه لها حتى المتاعبون للقضية إبانها: أن الجلجلي ارتحل الى تيارت،والزيعر سكن البيض ،فكأنمها ثعبانان لا يتساكنان جُحرا واحدا،وكأنهما يتعاقبان الدور؛ مكانا وزمانا....!!

*هذا ما يحضرني الان،ولا يزال عالقا بالذاكرة شيئ من القصيدتين،خصوصا كلمة الزيعر عمر،وهي على نفس وزن وروي الدشرة ،وهي في خمسة وأربعين بيتا تنطح خمسة واربعين من الدشرة.

لما استهل الجلجلي قصيدته ب: تبقاي على خير،قال الشاعرالزيعر:

[COLOR="Blue"]خيرك لا تهداه ديره في صره ** متن عنه بالخيوطه والشرطان
أدي هذا الخير واهدى ذا الدشره** وخلي غاشيها يعافر بلي كان
امثلك لاه لا يخلي له جره** عيب بنادم توصفه بالحيوان
سجدوا له لملاك طاعة بالكثره** والشيطان الي عصى مثلك شيطان
تتهم في سادات كانو لك نعره** واهداو التاريخ ذاهل بلي كان
بخس موليك وامدحك الكفره* وياك احنايا دينا خاتم لديان
[/

COLOR]
ومنها:

يا بوجادي واش لزك للهدره** وظهر الموجه ما يساعف للتطعان
غير فرطوط وسلعه ضو الجمره** وعن دقيقة جنحته صارت ماكان
اتمرمد في رمادها واحظى غبره** حتى فاحت ريحته عمت لمكان
والا نملة زهات بجناح الطيره** وعند الفزة تصادف بلي جيعان
البهجة موحال لا ترجع دشره** وموحال اصناديدها ترجع رعيان

ومنها ملتفا لصاحب الجريدة وهي الشروق آنذاك على ما أذكر،اذ هي من عملت على نشرها:

[COLOR="Blue"]
يا صحافي لا تكبرش الهبره*** وما حقكش انت تمثل ذا الجرنان
غير قاعدي لاهي وتزوق فالهدره**وعلاش الفتنة تلوحها بين الاخوان
كانت انتيا ادريت بحقايق مره** ما حقكش تقولها في هذا الوان
بينا سهم طويل وخيوطه بره** سهم مصاوب جا على الكبدة نيشان
لا ترموش حريرها وسط السدره**ويرجع عنا سلاكها محنة وامحان[/

COLOR]

وفي ختامها يقول:

[COLOR="Blue"]حنا فالحق ماناشي شعرا**قلنا غير انبهو من هُو غلطان
كرمس عنواننا للي يقرا**وتيارت بمجادها مهد الفرسان
واذا سالت الاصل نسبتنا صحرا**وما نبغوش لكسال وعراشه تتهان
هذا رسلي ليك يا مول الدشره**لا تنسا لي صاحبك مولى زرنان
زعمه راه يقول خلينا عشره**وثلاثينه كامله من غير وزان
هذي ربع ابيات في نظم النعره**في عشرة ربعينكم تم لوزان[/

COLOCENTER]
[COLOR="Blue"]حنا فالحق ماناشي شعرا**قلنا غير انبهو من هُو غلطان
كرمس عنواننا للي يقرا**وتيارت بمجادها مهد الفرسان
واذا سالت الاصل نسبتنا صحرا**وما نبغوش لكسال وعراشه تتهان
هذا رسلي ليك يا مول الدشره**لا تنسا لي صاحبك مولى زرنان
زعمه راه يقول خلينا عشره**وثلاثينه كامله من غير وزان
هذي ربع ابيات في نظم النعره**في عشرة ربعينكم تم لوزان[/[/CENTERR]

هذا ما احببت ان أشارككم به لعل به مقنعا وفائدة ولا يلومنني أحد على عدم التنسيق فأنا أكتب على تعب،وعلى عجل ملتقطا الخواطر.

[beta17]