صفحة المشطوبين بعجز غير منسوب للخدمة

[مراد سابقا]

كيما قال عزيز غياظ نريد ان نعرف مضمون التسوية بالضبط

وعلى ماذا يحتوي القرار الأخير هناك تضارب في الأخبار

وضحولنا الأمور كيفاش تمشي

[chaker_16]

السلام عليكم

[chaker_16]

اخوتي انا اسف على لكلام الي قلتو يعني كان خطا من صديق ملفي راه في مصالح الصحة مي مزال درسوهش

[chaker_16]

وفي مديرية الصحة قالولي منقدروش نقولولك واش كاين حتى يرجعو الملفات لكاس ونتم يقولولكم انا اعتدر منكم

[chaker_16]

المشاركة الأصلية كتبت بواسطة dzmil

بالنسبة لشاكر أتصلنا بواحد يخدم في سكريتارية تع اللجنة تع لبليدة قالك مرفضنا حتى واحد لغاية اليوم لأننا ببساطة اللجنة لم تعمل منذ شهر ديسمبر عندما جربنا برنامج المعالجة الالية لملفات الغير منسوبين و جحربنا بحوالي 180 ملف
يعني خبر يؤوكد المعلومة الأولى و يا شاكر يكذب عليك لقالك راك مرفوض و أنت تعلم بلي مكانش واحد من مصدر رسمي قالك راك مرفوض و كون جيث مكاش معني بالتسوية كيما راهم يقولك أفراد الخدمة الوطنية ماهمش معنين كن المدير تع البليدة ميحشمش منك و يحكم عليك الملف لذلك بركاونا من الإشاعات
و نتحاد إذا كنت فعلا مرفوض لأنه ببساطة ملفك أنت دفعتوا في نهاية جانفي و أخر لجنة كانت يوم 15 ديمسبر 2014

ياخي حتى انا راني تاكدت وطلبت الاعتدار ملفي دفعتو في بداية ديسمبر وفات مع الدواسة الاولى الا انهم لم يخبروني الحقيقة حتى يرجعو الملفات لكاس باش نقدر نعرف وانا مدرت حتى اشاعة ولا مرة تخلفت على اعتصام وعمري هدرت كلمة من راسي

[مراد سابقا]

الحمد للله اخ شاكر بربي أنش اء الله تتسوى وضعيتك ووضعيتنا جميعا

لا تقلق اخي

كلشي بالمكتوب

[chaker_16]

والله ا اخي خلصلي الدواء وراني مانيش مليح انا دخلت نعتدر منكم هدا مكان قبل ماتولي لحكاية شاكر كداب ويدير اشاعات والله راني حاير كفاش رايح ندير بلا دواء المهم
انشاء الله يريقلوكم وتتهناو وانا اخر مرة ندخل نكتب هنا ولا ف الفس بوك والرجاء الي عندو رقمي مايحاولش يعيطلي مراحش نهز عليه الله غالب سمحولي انا كرهت ونولي منعرفش نهدر دمتم في امان الله

[aziz201]

السلام عليكم
واش الحالة خويا مراد

[عزيز غياط]

مرحبا خويا عزيز واش رايك في اعتصام 15 فيفري ونحن لا نعرف حتي مضمون التسوية ونريد الاعتصام علي الاثر الرجعي

[عزيز غياط]

كيف احوالك مراد من مع اعتصام 15 فيفري ومن مع ضد هل نشتري الحوت في البحر

[مراد سابقا]

الحمد لله اخ عزيز

aziz201

[مراد سابقا]

المشاركة الأصلية كتبت بواسطة عزيز غياط

كيف احوالك مراد من مع اعتصام 15 فيفري ومن مع ضد هل نشتري الحوت في البحر

انا مع احتجاج

15 فيفيري

ليس من اجل الربال

بلي لتوضيح التسوية ومضمونها وتسوية جميع الفئات

والرسمي الرسمي في احتجاج 15 فيفري التسريع في التسوية

[عزيز غياط]

قبل الدهاب الي بلكور يوم 15 فيفري للمطالبة بالاثر الرجعي ماهو مضمون التسوية هل من له نسبة 30% فما فوق تسويته مباشرة يعني مثل 50 %سنة 2011 وما مصير من له نسبة اقل من 30% هل يعاود الخبرة أجبنا الاخ رياض من فضلك نحن هنا في المنتدي نتلقي النظري والتطبيق سهل كم مرة صعدت للاعتصامات والعاصمة الصعود اليها سهل لكن لا بد من معرفة حقيقة التسوية ولا نريد نفاقا كلنا من عائلة واحدة هل فئة تصبح تعيش في النعيم وفئة تبقي مع المرض والفقر

[riadalpha]

المشاركة الأصلية كتبت بواسطة صالح الصحراوي

لقد سئمنا من كثرة الأقاويل و قلة الملموس و الصدق في الأخبار لماذا لا يتدخل المنسقون و يوضحون لماذا تمت تسويتهم اولا كان المفروض العكس الامر فيه قراءات كثيرة الكثير يقول ان معظم أفزاد التنسيقية تمت تسويتهم و يبحثون الان عن الاثر الرجعي باستخدام تجمع 15 فيفري و للضغط في هذا الاتجاه عليهم توضيح الامر للجميع حتى تطمئن القلوب ثم من له معلومات فليفيدنا بمصدرها و الثقة في الوثيقة و لا اقصد من هذا الكلام الإساءة لاي شخص ولا التشكيك في اي مسعى.

شوق يا الأخ نوضحلك أمر و بالمناسبة التوضيح للجميع و نخرجوا من النقاش العقيم
المنسقين لم تساوى وضعية أي واحد فيهم معادى حميد فرقاني أعضاء التنسقية الذين حضروا يوم 03 سيبتمبر 2014 الإجتماع مع دحماني و لا واحد فيهم تساوى لا متعاقد لا عامل لا أفراد الإحتياط و من قال لك اننا نبحث عن الاثر الرجعي و نستعمل يوم 15 فيفري لطلب الاثر الرجعي راهو غالط في تحليلوا ببساطة لأن واحد من من التنسقية ما تم تسوية وضعيته ، بإستثناء فرقاني ، هل نحن سذج لهاته الدرجة؟؟؟نطلبوا الأثر الرجعي و حنا مزال غير منسوبين الإشكال أنكم شفت لكلام فرقاني في جريدة السلام و الصحافي لم يذكر جميع المطالب و كلام الصحافة ليس كله صحيح
زيادة على ذلك مطالب يوم 15 فيفري سوف توضع في الصحافة قبل هذا التاريخ و تعرفوا ماهو المشكل الحقيقي و لتكلم عليه الاخوة اليوم
المشكلة أن المسؤولين عن تسوية ملفنا اعتبروا الموب ( و انا ليس ضد احد)فئة من العشرية السوداء و حنا المرفوضين من سنة 2011 فئة لم تتثبت اللجان اننا مرضنا في إطار مكافحة الإرهاب و بالتالي التسوية تعنا تكون بعد الموب بإعتبارهم شاركوا في مكافحة الإرهاب و لو كنت تقرأ الجرائد رانا تحدثنا على هذا المشكل في شهر نوفمبر عبر جريدة الفجر و قلنا بلي الشؤون الإجتماعية و الصحة حبوا بيضوا صورة تطبيق المقرر الوزري 202 من خلال جعل فئتنا فئتين فئة شاركت في مكافحة الإرهاب و راهي اخذت حقوقها و فئة اخرى لا تعتبر كذلك و الوزارة سوف تتكرم عليها بالتسوية من خلال تعديل مودونة الامراض و بالتالي ليس لك حق في الأثر الرجعي فقط المعاش و منحة العجز من تاريخ إمضاء المحضر الثاني و ليس الاول أي ليس من تاريخ الشطب و هذا ما أشار له الإخوة و الامور راهي وضحها "لحاب يفهم"
بالنسبة لتاريخ يوم 15 فيفري ربما راهو بعيد شويا لكن حنا فكرنا باه نحضرولوا مليح و يكون عدد كبير و هذا الشئ لينفعنا في هذا الوقت لكن سوف ندرس بالتشاور مع الجميع تاريخ يكون أقرب لكن العبرة تبقي دائما بالحضور
أعتقد انا الامور واضحة لا تمشوا بمنطق بني إسرائيل " لن نؤمن لك حتى نرى الله جهرة" -أستغفروا الله العظيم-
الأمور راهي واضحة المسؤولين حقرونا فلا تبحثوا عن أعذار لكي تبرروا تقاعسكم في القضية
كاش حاجة بقت ماهيش واضحة؟؟؟؟؟؟راني هنا

[RIDA 24]

السلام عليكم

اخي رياض اود توضيح فقط بالنسبة للموب في الناحية الخامسة مجموع الموب يفوق 20000 ملف و اذا بداو في تسويتهم كما قلت في ديسمبر 2014 فانهم سوف يكملون في

2020 ان شاء الله . اذا الانتظار هو الحل فلا ننتظر . و اذا كان الاعتصام من اجل دز العجلة للامام و الاتمام و اسراع في دراسة قضيتنا فنعم للاعتصام .

اخي و اخواني من الاخير لا نريد الاثر الرجعي الناس راهي تسوفري الدواء مكانش اللقمة للاولاد مكانش الخدمة مكانش الى من رحم ربي . افريولنا الاجر

و الضمان ومن بعد كل ساهل وعلابالي بلي كاين لي غيظو الحال يقولك كيفاه حقوقنا و لازم نددددوها كومبلي انا نقولك ارحم خاوتك و خلي خااااااوتك يديو

معاك طرف تاع خبر يعيشوا بيه ومن بعد دوموندي الزيادة ..

خذوا العبرة من وزارة التربية من 5 سنوات في الاعتصامات و لاقراف بصح كل خطرة يديو حاجة حتان وصلوا للمبتغا .

لازم نكونوا حيليين راهي بلاد السياسة و الله لعنف مايدير والو

و لي دا و تريقلا بصحتوا بصح ماتلبوناش . عاونونا بالمعلومات يا رياض مشكلة تاعنا معلومات يا اخي العزيز ما محتوى القرار الاخير

اذا كان الموب منحة 14400 دج و الباقي غير المنسوبين 46000 دج مع الضمان الاجتماعي قولولنا باه كي نعتصموا نعتصموا على الحق بصح باش نجي و انا ماعلباليش

علاواه راني جاي لا يا اخي راني في دارنا و في الدفا خير . يا رياض المشكل ماهوش فيننا المشكل راهو عندكم صارحونا و قولولنا واش راه صاري واش حكيتوا و وقفة

الرجال ساهلة و انا اتحداك اذا خبرتونا بمحتوى القرار واش فيه و الله نتحداك 28/01/2015 راني في دازير معتصم وحدي .. ما تخافش رانا بتنا برا و رانا رجال .

اليك اخي و اريد جوابا و شكرا