|
|
|
|||||||
| قسم الاعمال الفنية الرسم - السراميك - اشغال الابرة ابداعات و اعمال فنية مختلفة |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
|
|
2013-01-16, 14:51
|
رقم المشاركة : 1 | ||||
|
تروسو الحنة لعرايسنا
  مساء الخير لبنات نتمنى تكونو كامل بخير هذا الموضوع حبيت ننزلو لاميرتي وكل العرايس الحلوات حبيت نعاونكم في بعض الافكار لي نتمنى تفيدكم في تروسو الحنة للاسف انا ماعنديش لا المواد الاولية ولا سبب في الوقت الحالي باه نخدم التروسو لذا اذا حبيتو ورشة انا نساعدكم ونكون معكن فيها لكن مانقدرش نحطلكم عملي لانو كيما قلتلكم السبب من قبل المهم كما هو معروف انو التروسو يتكون من عدة قطع الصراحة احنا في جهتنا ماعندناش الكاسات في التروسو لكن زيادة الخير خيرين نزيدو الكاسات للتروسو  المهم نبداو بعناصر التروسو وهذه الافكار والصور اعتبرها تكملة لما قدمته سندوسة في الموضوع من افكار لتزيين الصينيات والكاسات وتانا ما قدمته اختي كيا من افكار لتزيين الشموع مالا انا جبتلكم البقية لي مازال ماتطرقولهاش البنات نبداو اولا بالصينيات انا ننصح جميع العرايس باستعمال القماش يكون لامع ودبلة ودونتال يكونو لامعين بويسك مناسبة كيما هاذي لازم يكون كلش براق العروس ولوازمها ننصحكن بالساتان كقاعدة وقماش الاراجونزا او عش النحل اللامع فوقو دونتال ودبلة لامعين طبعا الصينية قاعدتها تزين بهاذ الاقمشة والدونتال ندوروها بيه والدبلة نعملو ازهار وبابيونات نزينو بيها انصح هنا بلونين الابيض طبعا ولون اخر يكون متناغم مع لباس العروس الابيض يرمز للفرح واللون الاخر يكون لكسر الابيض و اضفاء لمسة تجعل التروسو يتماشى مع لباس العروس تسمى كانو كلش طقم مع بعض ممكن فكرة اخرى انك تزيني الصينية ببعض الورود المعمولة من الكروشي بخيط لامي اللامع والله تجي روعة وكلها من تحت يديك وهنا بعض الصينيات واكيد الكثير من الافكار حطتهم سندوسة ارجعولهم      الان ننتقل للكؤوس هو احنا في جهتنا ماعندنا مانديرو بيهم الكؤوس مانعرف اذا في منطقتكم تحتاجوهم المهم الكؤوس لازم تكون متماشية مع زينة الصينية نستعملو فيها الدونتال ورود وبابيونات دبلة او حتى ورود من الكروشي وممكن تانا نحطو بعض الاحجار للتزين           بعد الكؤوس تجي المخدة لي تحط فوقها العروس يديها هاذي تبانلي تخدمها من قماش الساتان وتزين اطرافها بالدبلة واحدة عريضة لماعة فضية واخرى رقيقة فوقها من نفس اللون الثانوي لي قلنا عليه قبل صراحة انا عجبني هذا التزيين ولكن الحكم تجي سامبل وزاد حلوة        بعدين ننتقل لاناء الحنة والشموع هو الاناء لي يخلطو فيه حنة العروسة لازم يكون مزين هو تان تبانلي تستعملي صحن صغير نتاع زجاج وتدوريه بالدونتال وكالعادة تزيني بورود دبلة او كروشي اما الشموع نتاع كيا لي جابتهم طريقة تزيينهم هايلة شوفي منها   ماننساوش طبعا القفازات لي يتحطو في يد العروس بعد لا يحنيولها كاين القفازات الكاملين تقدري تزيني جانبهم من الاسفل بورود كيما قلنا من قبل او تعملي دائرة ساتان وتحشيها بلاواط مبعد تزينيها من فوق بالورود وتركبي فيها من اسفل خيط دبلة باه تربطيها في يدك     كاين تان فراش الحنة يفرشوه للعروس في حجرها باه ماتتوسخس لبستها بالحنة تعرفو في العرس ناس كامل داخلة في بعضها والفوضى ممكن تطيحلك حاجة من الحنة على لبستك وتخسرها لازمك فراش الحنة والتزيين يكون يتماشى مع الحوايج السابقين خاصة المخدة والقفازات   تان سلة الحنة لي راح تحطي فيها كل الحوايج السابقة تزين بنفس المواد لي حكينا عليهم من قبل وهاذم بعض الامثلة      نتمنى نكون افدتكن ولو بالقليل لبنات ويكون شرحي اعطاكم بعض الافكار فقط هذه صور ماخوذة من الانترنت لكن فيها عدة افكار وشطارتكم هنا انكم تهزو الافكار وتخدمو كلش بنفس المواد حتى يكون التناسق والعمل الجميل بالتوفيق للجميع والف مبروك لكل عرايسنا وربي يهنيكم كاملين يا رب 
|
||||
|
|
2013-01-16, 15:02
|
رقم المشاركة : 2 | |||
|
مشاء الله عليك يا اختي فيفي
|
|||
|
|
|
2014-01-03, 10:55
|
رقم المشاركة : 3 | ||||
|
اقتباس:
|
||||
|
|
|
2013-01-16, 15:06
|
رقم المشاركة : 4 | |||
|
chabiin ya3tik sa7a |
|||
|
|
|
2013-01-16, 15:22
|
رقم المشاركة : 6 | |||
|
يا عمري درتي الورشة و انا لا خبر ربي يجازيك كل خير و كل الاخوات لي قدموا افكار رائعة |
|||
|
|
|
2013-01-16, 15:24
|
رقم المشاركة : 8 | |||
|
الله يبارك عليك يا اختي |
|||
|
|
|
2013-01-16, 15:37
|
رقم المشاركة : 10 | |||
|
justement راني خايفة نعملهم و من بعد يجيبولي وحد اخرين هههههههههههههههههههه |
|||
|
|
|
2013-01-16, 15:40
|
رقم المشاركة : 11 | |||
|
فيفي شوري عليا وش نشري و الميتراج راني ما نعرفش شوي |
|||
|
|
|
2013-01-16, 16:39
|
رقم المشاركة : 14 | |||
|
الله يبارك |
|||
|
|
|
2013-01-16, 18:02
|
رقم المشاركة : 15 | |||
|
اااا اميرتي المهبولة |
|||
|
|
|
| الكلمات الدلالية (Tags) |
| لعرايسنا, الجنة, تروسو |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
