اطباق رائعة في طبق واحد........اممممممم

[اسمهان79]

السلام عليكم ورحمة الله وبركاته
رمضان على الابواب
شمرو على ذرعيكم ووجدو رواحكم
بسم الله عندي اليوم ثلاث اطباق جمعتهم في طبق واحد










اول طبق الدجاج على الطريقة الهندية بنة ولا اروع
خياااااااااااال
الطبق الاول
نقطع سكالوب داند او دجاج اللي متوفر عندك انا زدت معاه طرف لحم فيلي كان عندي
وجدي التتبيلة واللي هي سر البنة نتاعو
1 م ك كرام فراش متماسكة ماشي سائلة
طرف زبدة طرية الاحسن لابال
1 م ك موطارد يعني الخردل
ملح فلفل اسود افاح او كسبر مرحي فلفل احمر حلو مرحي زنجبيل توابل الكاري هاذو الكل بكميات قليلة
1 م ص هريسة
خليط من الدبشة والمعدنوس
سنينات ثوم مرحي
عصيرنصف حبة قارص و2 م ك خل


هاذ الخليط كلو نرحيه بالبرا ميكسور



ثم نحط فيه الدجاج المقطع الى قطع صغار ونخلط باستعمال اليد نخلط مليح مليح



ثم نغطيه ونخليه انا عن نفسي ديما نوجدو الصباح ونستعملو في المساء ومرات نخليه يبات قد ما يطول في التتبيلة راه يجي بنين



نذوب شوية زبدة وزيت في مقلات لما يسخنو مليح نلوح الدجاج ونقلب مرة على مرة حتى يطيب ما تخليهش يحمار بزاف بزاف باه ما يجيكش يابس



لما تقرب تطفي عليه صبيلو شوية كرام فراش سائلة حركي شوية وطفي



الطبق الثاني
ناخذ حبات بطاطا شوية صغار نقشرهم نغسلهم ثم نحيلهم اللب نتاعهم يعني نخويهم من الداخل نذرذر عليهم ملح وفلفل اسود ونحطهم يفورو نصف طياب



نوجد الحشو نتاعهم
كمية من اللحم المرحي نتبلو بالملح والفلفل الاسود والكسبر ثوم ودبشة ومعدنوس طرف من صدر الدجاج نقطعو شرائح بالطول نخلطهم مع بعض



ثم نعمر حبات البطاطا ونحاول نخلي قطع الدجاج يبانو لاعطاؤو شكل غير



نحطهم في مول نتاع الفور ونفرغ عليهم صوص الطماطم



نغطي بالالمنيوم وندخلهم يطيبو مدة نصف ساعة او اكثر لما تشوفيهم طابو نحي الالمنيوم وشعلي من فوق وخليهم يحمارو



تحضير صوص الطماطم
نقطع 2 حبات طماطم في طاوة ثم 2 سنات ثوم نصف حبة بصل 1 م ك طماطم مصبرة ملح فلفل اسود كمون زنجبيل وكسبر مرحي دبشة شوية زيت شوية ماء وخليهم يطيبو مليح ارحيهم بالبرا ميكسور ثم عاودي مرريهم في الرحاية اليدوية
ممكن نسقي حبات البطاطا المحشين بعد ما يطيبو اذا حبيتي




الطبق الثالث
ناخذ حبات بطاطا نقشرهم ثم نغسلهم نقطعهم شرائح بالطول ثم نطبعهم بطابع اوفال مشرشف حجم كبير ونقطع اخرين بحجم اصغر نملحهم ونقليهم ما لازمش تحمريهم



نفس القاطع اللي حجمو صغير نقطع بيه فرماج الشرائح الخاص بالهمبورغر



هاذا هو طعمو رائع وطري



ثم نحط قطعة من البطاطا كبيرة ثم الفرماج ثم قطعة صغيرة ونزين على شكل ورود ببواقي الفرماج



هاهم الاطباق في صحن واحد





اممممممم البنة لا تقاوم حقيقتا طعمو راااااااااااااائع
نتمنى يعجبكم
في امان الله

[almazalina22]

مممممممممممم ههههههههه رديت اول وحدة زربت خخخخخخخخخ


رووووووعة تعجبني الوصفة اللي نخرجو منها شحال من حاجة نرجع ندقق مليح في الوصفات

اسمهان تسمعي بالمثل اللي يقول من حبة قمح تعشي عايلة ههههههه نحب نطبقو وانت راكي هكذا كثري من هذ الاطباق وشكرااااااا

[lyzzabel]

يا سلاااااااام يا اسمهاااان طبق رااااائع فعلاااا و راااقي ،، تسلم الاياااادي عزيزتي و دمت متألقة و لك مني أحلى تقيييييم

[oum islem]

كون ماجيتش معوقة من ظهري كنت دروك نوض نديرهم لاولادي
بصح الله غالب العين بصيرة و......
لكن اكيد نديرهم في وقت لاحق
مشكورة على الوصفات وطهورا ان شاء الله

[malak mimi star]

روعة اطباقك مميزة انشاالله نجرب

[anaris]

طبق رائع ومتوازن ويحمر الوجه قدام الاهل والضياف

[ام احمدي]

روووووووووووووووووووووووووووووووووووووووعة

[yasmalak]

يم يم يممممممممممممممممم روووعة
عجبتني سييييييييرتو تتبيلة الجاج باااينة يجي بنيييييييييييين نسييها ان شاء الله

[rahma2014]

اسمهان حبيبتي ربي يعطيك الصحة ويبعد عليك العين اطباقك دائما رائعة وراقية

[*سيرين نور عيني *]

emmmmmmw emmmmmmmmw emmmmmmmmm sur ta3 ramdan ndirha nchalah allah yahyina

[فريال88]

رووووووووووووووووووووووووووعة اسمهان رووووووووعة والله راقي كيييييييييييفك حبيبتي تسلمييييييي

[جيجلية]

طبق رائع ومتنوع

بارك الله فيك

[canopus]

روووووووووووووووووعة
يعطيك الصحة

[ام محمد معاد]

الله يبارك 444444444444444444444444 الله يعطيك الصحة يا الفحلة

[wahibaazel]

ماشاء الله ،ماشاء الله ماشاء الله تحححححفة يا أم التححححححف ،ربي يهنيك يا غالية