اقتباس:
المشاركة الأصلية كتبت بواسطة رياحين الجزائر
والله موضوع قيم بديت انحس بريحة العيد
انا المخ ريقتي نفسها ريقة ام ياسو مانعرف اشكون سرقت على اختها
|
شكرا على تواجدك معنا وربي يوفقك
لالا وحدة ماسرقت للاخرى عندنا بزاف الحراير وكل وحدة طريقتها ممكن تكونو من نفس المنطقة علابيها ههههه
اقتباس:
المشاركة الأصلية كتبت بواسطة chez biba
بارك الله فيك اختي على الموضوع ان شاء فيدو واستفادوا كامل وكل وحدة ولمست ها الخاصة
بولفاف او الكبدة مغلفة بالشحمة
قطعي الكبدة مكعبات متساوية، ملحيها واشويها على الجمر ولا في مقلاة ما تلصقش مبعد غلفيها بالشحمة الرقيقة واحكميها بالكوردون وزيدي شوحيها على الجوانب غير كي تذوي الشحمة وقدمهيها سخونة
|
الكبدة يا الكبدة نموت فيها يعطيك الصحة بيبا على اثراء الموضوع
حقاا راني بعثتلك في الفايس مازال ماقبلتي طلب اضافة تاعي
اقتباس:
المشاركة الأصلية كتبت بواسطة ام اريام
موضوع شيق اختي الكريمة حسستينا بالعيد واجوائه .حنا المخ نغسلوه مليح .ونغليوه مع قطرات نتاع خل .نصفيوه .من جهة وحدة اخرى نرابي 2حبات طماطم مع 3سنات ثوم مع ملح فلفل اسود و كسبر ومغرغة صغيرة معجون طماطم و 2مغارف زيت نقليوهم شوية و نحطو المخ نتاعنابعد ما قسمتو قطع صغير ونخليوه يطيب من بعد نقطعو الدبشة و لي يحبو حار نقطعو فلفل حار ونزيدو 2دقايق ونطفيو .
االراس نغسلوه ونحطو برمة فيها الماء كي يبدى يغلي نرميو الراس نتاعنا ونحطو معاه حبة بصلة و ملح وفلفل اسود ورقة رند راس فلفل حاركسبر زنجبيل ونخليوه يطيب .من بعد نقطروه احيانا نحمروه في الفور نحطو طراف زبدة ونونحمروه.والا نقطعوه ونوجودو صوص حمراء خاثرة ونرميو الراس ونزيدو شوية كمون وشوية كروية .
|
اقتباس:
المشاركة الأصلية كتبت بواسطة ام سراج وملاك
كيما وعتك اختي راني رجعت وجبتلك هاذي الوصفة جربتها من قبل للاسف مصورتهاش بصح حطيتلكم الصور من النت وزدت معاها الكبش لترفيه فقط
الوصفة هي تشدي ترحي كمية من اللحم وديري كفتة ودوزنيها بوشوي بصل مسكرفج والثوم والكمون وفلفل اسود وملح وشوي فلفل احمر وشوي دبشة وديري شوي خبز مشمخ شمخيه في شوي ماء واعصريه باش ميتحلش اللحم نتاعك دريه دوائر وتحطيه بجهة او تقدري ديريه طويل في لقصب وتنحيه وتحطيه في صينية نتاع فرن وتشويه وحدو وتقدميها مع السلاطة
نرجع للموضوع تخلي دوائر وديري اي عجينة سوفلي وتجيك سهلة صراحة انا كي جربتها جربتها بعجينة نتاع فلة فود ارت لي درتها مع الزيتون هي نفس الطريقة بصح في بلاصة الزيتون ديري كفتة ودهني لعجينة نتاعك بصفار بيض مخلط مع شوي قهوة طايبة وحطيها في صينية مدهونة بالزيت وطيبيهم
وهاذي صورة الكفتة المشوية
وهاذا هو الكبش
لبنات اي سؤال مفهمتوهش حطوهولي هنا وانا نجاوبكم |
شكرا ام سراج
الوصفة راايعة معولة نديرها في العيد كمقبلة
هاي ليك نكتة نزيد نضحكك ملييييييح
( تقرير عن مشاركة سيئة )، و الموجودة أسفل كل مشاركة .
2014-09-18, 10:38
العرض العادي
