الجزء 1 : كُوزِينَةْ الأَكْلْ الصِحِّيْ ........... مع زُخْرٌفَةٌ

[امّ اياد]

زخرفه ايه فايده كي متفقدش خضروات قيمتها الغذائه حنى واش من فايدة نخلو الخضروات طيب حتان تخرج قاع واش فيها ويتبخر ولي نعرفها تعرض الغذاء لفترة طويله يفقد قاع الفوائد تاعو وميخدعكش المرق تقولي راه فيه واش نحتاج والله اعلم ذرك نبحث مليح مدابينا نتعرفو على احسن حاجه لينا وادا لقيت كوكوت مش مليحه نوعدك نزيدش نستعملها نهائي تاعي بروحها راه خسرلها لاكس راني غير نديباني بيها

[zokhrofa]

ههههه انا تان بحثت بزاف ولقيت انها ماشي مليحة و كي خسرتلي رميتها و تهنيت منها

[اولادي حياتي]

بارك الله فيك اختي رانا محتاجين لمثل هاذ المواضيع اللي تساعدنا على تحضير اطباق صحية لاطفالنا

[zokhrofa]

الله يبارك في ياماتك أختي حياتي اولادي نتمنى انتي تان تساعدينا بلي تقدري عليه

[zokhrofa]

لبنات الي حابة حاجة حلوة و صحية اليكن رابط كيفية تحضير الرب تاع التمر سهل جدا

https://www.djelfa.info/vb/showthread.php?t=2064281

[البحر الصافي]

السلام عليكم
زخرفة الغالية راكي في بالي وكل يوم نخمم واش نحطلك اكل صحي وننسى ولا يفوت النهار ومانلحقش والصراحة نعجز حتى نحمل الصور
مالا اليوم قررت نحطلك ملوخية اظنها صحية خاصة لي عندو امساك وفوائدها كثيرة تبرد المعدة وتريحها

[البحر الصافي]

وهذا باتيسري خدمتو عندو يامات الجينواز للمبدعة ام كوثر
علابالي تحبي الباتيسري وخاصة خدمة الدار

[امّ اياد]

زخرفه لوحتها تهنيتي منها انا والو يليق نخدمها تنفعني فضياف الغصبة ذرك ندسها وننساها
بحوره يعطيك صحه على الملوخيه عمري ولاضقتها

[zokhrofa]

المشاركة الأصلية كتبت بواسطة البحر الصافي

السلام عليكم
زخرفة الغالية راكي في بالي وكل يوم نخمم واش نحطلك اكل صحي وننسى ولا يفوت النهار ومانلحقش والصراحة نعجز حتى نحمل الصور
مالا اليوم قررت نحطلك ملوخية اظنها صحية خاصة لي عندو امساك وفوائدها كثيرة تبرد المعدة وتريحها

هههه معليش علابالي كل وحدة و شغالاتها في هذي الدنيا المهم نسمع عليكم الاخبار الطيبة

اوووو المنوخية ولا مرة كليتها و لا جاتني الشجاعة نديرها هههه قوليلي طعمها كيفاش داير لواش يتشبه ؟

اما الباتيسري هههه ايه طليتي على قلبي والله راني متشهيتها و راني ماشي حابة نقول لزوجي يشريلي حابة انا نديرها

طبعا كل حاجة مخدومة في الدار هي اقل ضرر من لي تتشرا خاطش هوما يديرو الجيلاتين ووووو

[zokhrofa]

المشاركة الأصلية كتبت بواسطة امّ اياد

زخرفه لوحتها تهنيتي منها انا والو يليق نخدمها تنفعني فضياف الغصبة ذرك ندسها وننساها
بحوره يعطيك صحه على الملوخيه عمري ولاضقتها

هههه نعم تهنيت منها صح عندك الحق لي يجوها الضياف خاصة على غفلة لازم تكون عندها الكوكوت

خاطش الضياف ضروري نطيبولهم لحم هكذا وصانا الرسول عليه الصلاة و السلام طبعا كي يكون عندنا دراهم

[أمنية غفران]

مرحبا حبوبات هاني جيت و جبت ليكم حساء السنافر اممممممممممممممم



هو معروف اكيد لديكن أخواتي متكون من جلبانة يابسة و بصل و بسباس نضيف ليهم شوية زيت و ملح و نخلي يطيبو مع التحريك دائما باش ما تلصقليش الجلبانة في قاع القدر و لربح الوقت استعملي الكوكوت

غي طيب نميكسي كل شي مع بعض و نضيف شوية فلفل اكحل و كاس حليب دافيء و نخلط و نخلي فوق النار تغلي غلية و هنايا كان عندي شوية دجاج طايب فتته و ضفته نطفي النار و يقدم مع رشة من اوراق البسباس امممممممممم و بالصحة و الراحة و اكيد عند الأكل نضيفو ملعقة زيت زيتون اممممممم حساء جد لذيذ

تانيك لأطفالكن الأعزاء ادا حبيتي حطي جنب الحساء جبن مثلثات لأولادك باش يزيدوه في الحساء و خليهم يتلذذو بأحلى حساء اممممممم









.......................

استيس ادا بقالك شوية من الحساء و رايحة تتناوليه في الغد رايحة تلقايه اصبح كتلة ماشي حساء ما تقلقيش أختي ضيفي شوية حليب و خلطي حتى يرجع حساء كيما كان و بصحتكم امممممممممممممم حساء السنافر هههههههه
شوفي الصور كي يتكتل و من بعد يرجع عادي





تحياتي

[zokhrofa]

صحييييييييتي امينة أختي بارك الله فيك شقيتك معايا

انا برك حبيت يكون مرجع شباب للأكل الصحي

و خااااااااااصة للبنات لي قالو وقتاش نشربو الحليب اذا ماشي الصباح هههه و نورولهم انو كاين بزاف اكلات فيهم الحليب

[أمنية غفران]

المشاركة الأصلية كتبت بواسطة zokhrofa

صحييييييييتي امينة أختي بارك الله فيك شقيتك معايا

انا برك حبيت يكون مرجع شباب للأكل الصحي

و خااااااااااصة للبنات لي قالو وقتاش نشربو الحليب اذا ماشي الصباح هههه و نورولهم انو كاين بزاف اكلات فيهم الحليب

يا خا حنونة بلا مزية هادا لازم علينا نلتفت للأكل الصحي راهي مسؤولية علينا و ربي يقدرنا
ربي يبارك فيك

[zokhrofa]

امين و يبارك في يديداتك و ياماتك و ولادك

[انا هي رزيقة]

السلام عليكم... مشاء الله عليكم يا بنات كل وحدة باسمها راني متابعتكم بصمت و وفق مايسمحه وقتي ... اختي زخرفة علا حساب مافهمت راكي مفاشيا اللحوم .....خخخخ حبيت ننبهك حنونة انو البروتينات الحيوانية مفيدة ايضا للجسم خصوصا خصوصا بالنسبة للرجل فهي ضرورية جدا جدا لخصوبة الحيونات المنوية و اذا عندك اولاد ذكور من الضوروري جدا انك توكليهم اكلات غنية بالبروتينات من النوعين حيوانية و نباتية و ليس نباتية فقط او حيوانية فقط ...و هذا ضروري جدا لخصوبتهم المستقبلية ... لانه الدراسات المنجزة على الاناس النباتيين اثبتت احتياجهما الكبير الى البروتينات الحيوانية الموجودة في البيض و الحليب و الفراميج الى اخره ...... فهم مضطرين لها اضطرار كبير بالرغم من كونهم ضد كل ماهو حيواني
و عندي ليك ملاحظة اخرى اختي زخرفة طياب الخضار لمدة ساعتين او اكثر و حتى و ان كانت النار قليلة يفقدها الكثير من عناصرها الغذائية المفيدة للجسم .... لان الخضار مواد حساسة جدا حبيبتي لا تحتمل كل هذه المدة من الطياب فوق النار .... لازم نكونو منطقيين لانو المعروف انه ان زاد الشيء عن حده يتحول الى الضد ..... و المعروف عن النار انها "تقتل" بمعنى الكلمة بمعنى انو الخضار تاعك راهي تموت من طول تعرضها للنار .... مدة ساعتين طياب تصلح لللحوم اكيد و للبقول الجافة لكن ليس لمواد حساسة مثل الخضار التي من المستحسن احيانا اننا ناكلها نيئة... رايحة تقوليلي خضار بيوت بلاستكية فيها مواد كيميائية ربما عزيزتي لكننا مجبرين ان نتعامل مع الموجود ... نغسل خضارنا مليح و نستهلكها نيئة او طايبة juste comme il faut و سنستفيد من عناصرها الغذائية و لو كانت قليلة لانها من البيوت اابلاستكية احسن بكثير من طهيها اكثر من الازم و لا نستفيد تماما من عناصرها . و لازم الانسان يكون منطقي يا بنات الانسان العصري مضطر انو ياكل خضار البيوت البلاستكية لانو الانسانية تضاعف حجمها الى حد لا يمكنها ابدا ان تتغذى مما تجيده الارض طبيعيا ..... تقبلو مروري يا بنات لي عودة ان شاء الله