يا لميمة يا بابا****اليوم راني في غربة
و ين رفيقي فالصحبة****وين راها لحنينة
بيكم الدنيا زينة****نوار ورد جنينة
اليوم ضياقت علينا****ياويح ذيك الكربة
نتفكر كنت صغير****نجول بينكم كالطير
نرعى من ذاك البير****من حبكم نشرب شربة
يا لميمة يا لحنينة****راكي مشيتي خليتينا
و الدمعة على عينينا****و الخبر جانا صدمة
كالقمر طلي علينا ****كنا نجوم ترعينا
كنتي شمعة تضوينا****اليوم راهو ضلمة
يا لميمة يا بابا****اليوم راني في غربة
و ين رفيقي فالصحبة****وين راها لحنينة
حتى أنت يا بابا****وفي صديق فالصحبة
نعرفوك ديما رقبة*****تمنيت كيفك ندير
اليوم خليتنا للذيابة****راحت علينا الرهبة
في دارنا حنا غربة*****وين هو فراش لحرير
يا لميمة يا بابا****اليوم راني في غربة
و ين رفيقي فالصحبة****وين راها لحنينة
غادي نوصيك يا خويا****أسمع و طبق الأية
كانت من الله وصايا****الجنة تحت أقدام الأمهات
قال سيد البريا*****سيدي محمد نبيا
ما تغرك هذا الدنيا *****ما تسمع كلمة هيهات
يا لميمة يا بابا****اليوم راني في غربة
و ين رفيقي فالصحبة****وين راها لحنينة
يا ابي عقل رزين****يا أمي قلب حنين
بجاه الله المكين****يوم الحساب تكونوا معايا
يا لميمة يا بابا****اليوم راني في غربة
و ين رفيقي فالصحبة****وين راها لحنينة
منقول
علما باني مقيم في خارخ في احد الدول العربية و فقدت وليدي في اواخر شهر رمضان و حضرت لجنازة ابي و بعدما بي ثلاثة ايام توفيت لميمية الحنينة و اصبحو ذكرة لا ننسها ابدا و هذا في سنة 2012
( تقرير عن مشاركة سيئة )، و الموجودة أسفل كل مشاركة .
2013-03-27, 07:10
يا لميمة ابيات تعجبكم
العرض العادي
