شكل قريوش جديد

sirina_angel · 2011-09-16, 18:37

السلام عليكم يا بنات
راني حاصلة مع تحضيرات عرس اخي
شفت مودال تاع قريوش جديد
ما دابيكم لي تعرف طريقة عملوا تفيدنا بها و اجرها على الله

في انتظاركم

أمل العرب · 2011-09-16, 19:01

هاااايل ماذا بينا نتعلموه

هاجر 76 · 2011-09-16, 19:15

اول مرة نشوفه
مدابينا كاش اخت تعرفه توريهلنا
سلامي ليك وللاخوات

OU SS AMA · 2011-09-16, 20:02

المقادير كالتالي:1 كغ فارينة 250غ مارغرين ملح 3صفار البيض ملعقة ماء الزهر ملعقة خل قليل من الماء الطريقة : اخدمي المارغرين جيدا بيدك حتى تصبح ك المرهم ثم اضيفي 3صفار البيض + ماء الزهر + الخل +ثم ضعي الملح و شيحي بالفارينةولمي العجنة مع اضافة الماء و لمي العجينة وتكون عادية وضعيها في كيس ترتاح قليلا وبعدمدة اقسمي العجينة الى كرات الطريقة تشبه الشخشوخة اطرحي العجينة بالقنوط حت تنهي الكمية ومبعد طيبيها في مقلاة تيفال تشيحيها فقط وضعي بين كل وحدة قطعة قماش حتى تنهي الكمية ومبعدخدي واحدة وروليها ولصقي الحافة ببياض البيض ومبعد جيبي موس وقصي القصة مائلةمثل المقروضات ويكون العرض تاع الاصبع فقط تحكمي الحبة تجبدي ريشة من جهة تخرج ريشة من الجهة الاخرى وزيدي مع الريشة الثانية والثالثة والرابعة تصبح عندك فراشة هي صح متعبة لكن مداقها و شكلها ينسيانك التعب بطبيعة الحال عندما تنهي كل الكمية اقليهم عسليهم https://https://www.djelfa.info/vb/sho...=437746&page=3

nada nina · 2011-09-16, 20:15

نعملوها بنفس الطريقة و تخرج هايلة بصح كيما قالت الاخت تعب و تحكم الوقت يسميوها قراوش الموحة )ليفونتاي(

أبو سهيل رياض · 2011-09-16, 23:10

نعملوها بالطريقة نفسا بصح نستعمل بيضة كاملة وحدة فقط وليس 3 صفار ونطيبوها بعدما نحلوها رقيقة جدا فوق سني كبر موضوع فوق طاجين الطين تنشف فقط وكلما كانت الدائرة كبيرة كلما كانو الريشات فيها بزاف ثم نحطوها في الدروات كيما قالت الاخت ونقصوها بالطريقة نفسها ونقليوها للعلم فهي معروفة بزاف في تاجنانت ولاية ميلة يعملوها بالطلب للعرايس والختان والاعراس تعلمتها منهم ونعملوها في الاعياد تحب المعونة لكن تستاهل التعب تجي روعة في السينية خسارة كان جيت قاعدة عملتهالك

هاجر 76 · 2011-09-17, 11:47

شكراااااااااااااااا اختى oussama واخى او ابو سهيل
الله يجازيكم كل خير

ام ظافر · 2011-09-17, 20:54

روعة اختي شكله جميل ولكن الرابط الي حاطاتو الاخت لايفتح معي فيه مشكل ارجو تعديله

OU SS AMA · 2011-09-17, 21:34

https://https://www.djelfa.info/vb/sho...d.php?t=494955

walid52211 · 2011-09-18, 09:14

روعة شكل جميل الا انني لم افهم الطريقة فارجو من الااخوات ان تبعث الطريقة بصور وجزاء الكل الف خير

OU SS AMA · 2011-09-18, 21:20

;وعد مني ساضع الصور جديدة باذن الله انتضروني حطيتها من قبل اول مرة معرفتش حطيتها في الرد للاخت ابتسام في موضوع قريوش بشكل جديدص3 في قسم الطبخ والمؤكولات الرابط لا يعمل لاادري لماذا روحي درك تلقايه

OU SS AMA · 2011-09-18, 21:25

اقتباس:

المشاركة الأصلية كتبت بواسطة أبو سهيل رياض

نعملوها بالطريقة نفسا بصح نستعمل بيضة كاملة وحدة فقط وليس 3 صفار ونطيبوها بعدما نحلوها رقيقة جدا فوق سني كبر موضوع فوق طاجين الطين تنشف فقط وكلما كانت الدائرة كبيرة كلما كانو الريشات فيها بزاف ثم نحطوها في الدروات كيما قالت الاخت ونقصوها بالطريقة نفسها ونقليوها للعلم فهي معروفة بزاف في تاجنانت ولاية ميلة يعملوها بالطلب للعرايس والختان والاعراس تعلمتها منهم ونعملوها في الاعياد تحب المعونة لكن تستاهل التعب تجي روعة في السينية خسارة كان جيت قاعدة عملتهالك

فعلا اختي يديرو فيها ب90 الف للكيلوفي شلغوم العيد يعطيك الصحة بلدتي تاجنانت واحبها كثيرا

OU SS AMA · 2011-09-18, 21:27

ديريه ب3 صفار وتشوفي واش جي خفيفة كي نحطوها في العيد تتاكل والقاطو يقعد كيما راهو

أبو سهيل رياض · 2011-09-19, 22:24

من فضلك كيفاه تروليو بالوحدة أو 2 في واحد باش يجيوا الريشات بزاف لان أخر ما سمعت يديوا 2 مع بعضاهم مثلا وحدة يلونوها بالكاكاو والاخرى تقعد بيضاء ويرولوهم مع بعض تجي ريشة بيضة والاخرى كحلة
ما جربنهاش لكن قالونا عادوا يعملوها بهذه الطريقة في تاجنانت قالتنا عروسة خالتي

OU SS AMA · 2011-09-21, 07:55

نعم اختي وهو كذللك رايحة نجربها ونحط الصورة