ما يخلعكمش بن بوزيد!!!

الشيخ آمود · 2011-05-12, 16:45

بن بوزيد جاهل وأحمق.......بل وكبير الحمقى.....بل وأبو الحماقة...و كيما علابالكم هادا الأحمق ما عندوش دواه....طبعاً كما قال الشاعر:
لكل داء دواء يستطب به****إلا الحماقة أعيت من يداويها

نورمال ما كان والوا ما يخلعكمش كي يقول بلي رايحين نزيدو 10 مساعدين .......رانا نقولوا لهم زيدوا 100 مساعد......ماكان ما يقلق........المهم واحد يحضر روحوا..........وياخذ معاه سلاحوا........على خاطر هاد الباك ما هو إلّا عتبة يجب أن نتخطاها.........للوصول إلى بوابة المستقبل....

نضن راكم فهمتوا واش نقصد يا خاوتي....وما عندي ما نزيد فوق هاد اللي قلتوا...
بارك الله فيكم جميعاً......ووفقنا الله جميعاً لنيل شهادة التعليم الثانوي وجميع المترشحين لمختلف الشهادات غنه ولي ذالك والقادر عليه.....وآخر دعوانا أن الحمدلله رب العالمين.

تقبلوا سلامي ........

اميرة الابتسامة · 2011-05-12, 16:51

اللي واثق من نفسو .. ما كانش حاجة لي تخليه يخــــاف .... واللي معول على الغش هذيك حاجة أخرى ربي يهديه

المهم نورمال بن بوزيد عندو الحق يدير واش حبتلو ..

.. نظن ماهي حماقة ولا شيء .

.. شيء عادي في بلادي

مشوار عام دراسي كامل ... لن يثبطه قرار كهذا .....مشكور
موفقين

اسامة · 2011-05-12, 16:53

ما نسحقوش التزيار ا ولدي لوكان مدي سلاحك زي ما قلت تزيار ينسيك كلش راو

الشيخ آمود · 2011-05-12, 17:02

اقتباس:

المشاركة الأصلية كتبت بواسطة اميرة الابتسامة

اللي واثق من نفسو .. ما كانش حاجة لي تخليه يخــــاف .... واللي معول على الغش هذيك حاجة أخرى ربي يهديه

المهم نورمال بن بوزيد عندو الحق يدير واش حبتلو ..

.. نظن ماهي حماقة ولا شيء(هذه وجهة نظرك أخيتي....أما وجهة نظري فكما أسلفت سابقاً...لأني متيقن بأنه حتى و إن كان له أولاد...فهم يدرسون خارج الجزائر) .

.. شيء عادي في بلادي

مشوار عام دراسي كامل ... لن يثبطه قرار كهذا .....مشكور

موفقين

كما قلتي اختي يدير واش يحب لأن القرار الأول والأخير له.......أما قراراته الزائفة هاته فقد أخذت الطلاب إلى الهاوية.........لا بارك الله فيه ولافي قراراته...

بارك الله فيك اختي وجزاك عنا كل خير

اميرة الابتسامة · 2011-05-12, 17:06

العين بصــــيرة واليد قصــــيرة

الشيخ آمود · 2011-05-12, 17:08

اقتباس:

المشاركة الأصلية كتبت بواسطة اسامة

ما نسحقوش التزيار ا ولدي لوكان مدي سلاحك زي ما قلت تزيار ينسيك كلش راو

يدير ربي خويا أسامة.......يعطيك الواحد يجد ويجتهد.......وما يلزمش يخرج للصحرا بلا ماء

يعني أنت أقرا ...واتعب.......وادي معاك السلاح للإحتياط .....ويدير ربي

الشيخ آمود · 2011-05-12, 17:18

اقتباس:

المشاركة الأصلية كتبت بواسطة اميرة الابتسامة

العين بصــــيرة واليد قصــــيرة

كأنّ على رأسه.....العفاريت

اسامة · 2011-05-12, 17:21

اقتباس:

المشاركة الأصلية كتبت بواسطة hamada1991

يدير ربي خويا أسامة.......يعطيك الواحد يجد ويجتهد.......وما يلزمش يخرج للصحرا بلا ماء

يعني أنت أقرا ...واتعب.......وادي معاك السلاح للإحتياط لي هو النقلة ......ويدير ربي

السلاح ما يصفاش مع الدعاء حاجة حرام مع حاجة باهية ما يخرجوش الباك امشي بصحيح واك تربح
باهية هذي السلاح خخخخخخخخخخخخ

الشيخ آمود · 2011-05-12, 17:39

اقتباس:

المشاركة الأصلية كتبت بواسطة اسامة

السلاح ما يصفاش مع الدعاء حاجة حرام مع حاجة باهية ما يخرجوش الباك امشي بصحيح واك تربح
باهية هذي السلاح خخخخخخخخخخخخ

نضن راك فاهم قصدي خويا مليح.......وانا قلت للإحتياط.....احتياط........إحتياط.....احتياط...احت ياط....احتياط.....احتياط...احتياط....احتياط....أما من ناحية الدعاء ...الدجين....نقول ليك نورمال يتلاقاو .......

ممكن تجاوب على هاد السؤال : هل تعرف الطريقة المتبعة في تصحيح أوراق إمتحانات الباكالوريا بالأخص؟

اسامة · 2011-05-12, 17:46

اقتباس:

المشاركة الأصلية كتبت بواسطة hamada1991

نضن راك فاهم قصدي خويا مليح.......وانا قلت للإحتياط.....احتياط........إحتياط.....احتياط...احت ياط....احتياط.....احتياط...احتياط....احتياط....أما من ناحية الدعاء ...الدجين....نقول ليك نورمال يتلاقاو .......

ممكن تجاوب على هاد السؤال : هل تعرف الطريقة المتبعة في تصحيح أوراق إمتحانات الباكالوريا بالأخص؟

على حساب ما نعرف يصححو ورقة زوز اساتذة يعني اللول يصلحها و يعاودها الثاني اذا نفس التصحيح تعقب الورقة اذا ماشي نفس النقطة لي حطوها يرجعو لاستاذ اخر ثالث يعاود يصححها

liela ben · 2011-05-12, 17:57

كل واحد يوكل امرو لربي

اسامة · 2011-05-12, 17:58

وكلت امري لك يا ربي

قدوتي رسولي · 2011-05-12, 19:18

ربي يكون في العون

عبداللطيف دادي · 2011-05-12, 20:29

من غشنا فليس منا

الشيخ آمود · 2011-05-12, 20:29

اقتباس:

المشاركة الأصلية كتبت بواسطة اسامة

على حساب ما نعرف يصححو ورقة زوز اساتذة يعني اللول يصلحها و يعاودها الثاني اذا نفس التصحيح تعقب الورقة اذا ماشي نفس النقطة لي حطوها يرجعو لاستاذ اخر ثالث يعاود يصححها

وعلى حساب ما نعرف

نعم كما قلت أخي....يصححو الورقة زوز أساتذة اللول يصححها ويعاودها الثاني وإذا كان الفارق بين التصحيحين هو 3 نقاط....حينها تنتقل الورقة إلى المصحح الثالث.....وبعد أن يتم التصحيح الثالث يتم جمع النقطتين المتقاربتين ثم بالقسمة على2..

مثال : المصحح الأول عطاك 12
المصحح الثاني عطاك 7
المصحح الثالث عطاك 14

هنا نجمع النقطتين المتقاربتين 12 و14 ونقسموا على 2 والنتيجة اللي تخرج ..... حلال عليك