دورة فراشات تزهو بالألوان بيوتهن قمة في النظافة و التنظيم و التدبير و الاتقان

[ام آدم]

السلام عليكم اختي حبيبة و السلام على كل الفراشات النشيطات
اختي كنت اتابعكم بصمت ولكني معجبة كثيرا بك و بتطبيقاتك الرائعة و بروحك المتفائلة و المعطاءة ما شاء الله
اختاه انا ام لطفلين 5 سنوات و الآخر 10اشهر وانا مرضع واعمل لكن يومين فقط بالاسبوع
مشكلتي هي شعوري الدائم بالارهاق والكسل و عدم الرضا عن نفسي
و المشكل انني اهمل نفسي واتقاعس عن الصلاة رغم ان ظروفي والحمد لله جيدة و لا اعاني مشاكل مع زوجي فهو طيب وملتزم و يحبني
صدقيني هذه اول مرة اكتب شيئا عن حياتي الخاصة و انا جد متوترة وحزينة رغم محاولاتي لطرد الوساوس و عيش اللحظة و لكن.........
سامحيني اختي انا لا اعرفك ولكني توسمت فيك الخير فارجو مساعدتي ولو بكلمة طيبة

[حسناء القمر]

كيف الحال يا احلى لمه كل شئ جميل ومرتب فالوقت صح من ذهب والذكيه التي تستغل كل دقيقه لفائدتها

[امينة مناد]

السلام عليكم حبيباتي واختي الغالية حبيبة
بنسبة لغرف البيت لي غرفة نوم ولي مطبخ صغير وصالون منفصلين عن غرفةالنوم وهم بحالة غير جيدة ولا اتستطيع اصلاحهم لان حماتي تقول انهم ليسوا من نصيبي وهي سوف تهدمهم لبناء بيت اخر لاولادها الباقين اما انا فسوف تعطيني مطبخ اخر ولكن متى لا اعرف يعني باش اتزيدلي اتنقصلي وباش ايكون في العلم هيا عندها ليتساع يعني نقدروا ندوا كع طابق طابق ولكنها لا تريد
المهم بدون ان اطيل همي الان كيف اكون فراشة مثلكم مثابرة وناجحة ونشيطة اريد ان احب نفسي واولادي وزوجي صحيح انا احبهم ولكن دائما كسولة خاصة وان العمل الذي اعمله ياخذ كل مجهودي ووقتي ................ارجو ان اجد عندكم الحلول

[nina mima]

السلام عليكم الاخت حبيبة اكره نفسي واريد تغيرها ولا يعجبني

[YASMINE SILA]

السلاااااااااااااااام عليكم هاني جيت من الصباح و انا نطيييييييير مرة نطيح و مرة نوض و جيت ذرك نحط عندكم و نسلم عليكم
راني نشوف فراشات جدد دخلوا معانا يااااااااااامرحبا اهلا و سهلا في البستان و باذن الله ستتغيرن لانكن قررتن ذلك
بعيدة المنال راكي مزهية الحالة ماشاء الله عليه روحك خفييييفة الله يبارك
اليوم بداية اسبوعي الجديد و كم اعشق البدايات على قول القائدة حبيبة
اضفت امس اهداف جديدة زيادة على اهداف الاسبوع الماضي و باذن الله هاذ الاهداف تصب في الجانب الديني بنسبة كبيرة
اليوم نضت على الستة غير ربع صليت الفجر و اهتميت بنفسي و قريت الورد اليومي -ان شاء الله من الان فصاعدا نواظب عليه - و بديت في حفظ سورة الملك -كنت من قبل حافظة 12 اية الاولى و باذن الله نحفظها كاااملة هاذ الاسبوع ادعولي بالتوفيق - و ثاني احاول جاااااهدة ان احافظ على صلاتي الظهر و العصر في العمل -والله كلشي متوفر الا انو ضغط العمل يمنعني احيانا لكن ساتحدى الضغط باذن الله-
مازالني مع 15 دقيقة و فعلها الساحر هاااايل
و نقولكم حاجة راني رايحة نرجع لهوايتي اللي توحشتها بزاااااااااف ( الاشغال اليدوية) نحبها ملي كنت صغيرة لكن لم امارسها منذ زمن بعييييد
ماقلتلكمش شرالي خويا هاتف جديد كان في خاطري و ربي حققلي الي في بالي هاكذا نصورلكم كوووولش و نطلع سورة الملك و نسمعها كي نجي نرقد باش تترسخ في ذهني
يا ريت الفراشات يشاركونا اهدافهم باش نعاندهم و نولي كيفهم - سوغتو بعيدة المنال ناوية نجيبها موراك و نولي فحلة كيفك ههههه-
حبيبة حبيت نقولك بلي جو المنافسة معاك هاايل و كل مانجي نتكاسل نقول اوااااه حبيبة راهي درات شغلها و كملت انا ثان نكمل خخخخخخخخ يطيك صحيحتك حنونتي و ربي يجازيك الجنة
احبكن في الله

[oulayam]

مساء الخير لكل الفرشات النشيطات مند بداية الدورة و انا اتابعكن من بعيد لا اتاخر عن اي شيء يوميا اود ان اشارك معكم النشاط و الطيران ف كل ارجاء الحديقة

[حبيييبة]

فراشاتي الغاليات
قلتلكم من قبل شحال نفرح برسائلكم الجميلة
ربي يخليكم ليا ياا رب
راح نحاول نرد عليها الآن


يا حبيبتي الغالية نخلة
والله من عيوني كل ما تقترحينه
لكني ليست لي اية في نقل او الاحتفاظ بموضوع ما في اي قسم من الاقسام
ارجو ان توجهي طلبك الى حبيبتنا غاليتنا ملكة النحل و الفراشات
ممكن تفيدك اكثر مني حبيبتي

و عندي اقتراح بما انني اعرف انه موضوع خاص بالتنظيف و بالمنزل و متطلباته
و كان قبل هذا يسمى قسم التدابير المنزلية

اقترح عليك ان تغيري اسمك اذا كنت تخشين ان يقراه اي شخص و يتعرف عليك
او ان تدخلي بحساب جديد باسم مستعار
هاكذا تشاركي
و تستفادي حبيبتي

ما رايك؟؟



غاليتي الرقيقة ام هديل
ربي يخليك ليا حبيبتي شكرا على كلماتك الجميلة
و دعواتك الطيبة
اللهم آآمييييين

بالطبع موافقة عزيزتي مادابينا تفيدينا و نستفادوا منك
تستنى منك اي كلمة و كل كلمة تشوفي فيها انها فيها الخير و الصلاح لكل الفراشات
لكن قبل احضارها حبيبتي
شوفي اذا اصحابها يسمحولنا بنقلها الى بستاننا حبيبتي
راكي فاهمتني
انتظر مشاركاتك القيمة بشوق عزيزتي


اهلا بالحبيبة الرشيقة ام فاطيمة
شكرا على ردك حبيبتي
ايه خلاص اطلب منك ان تمهليني الى يوم الاربعاء
و رايح نحكيلك على هذا الامر
و نحاول نعطيك نصائح اطبقيهم حبيبتي
و ان شاء الله تكوني راضية

[om ahmed]

فراشتي العزيزة ارزاق كيفك ملايين وانا واحدة منهم ، والمصيبة اذا عمت خفت ، انا راني نخمم ساعات في كل اشغالي التي سوف اقوم بها و كل انشغالاتي دفعة واحدة و كي نجي راح ندير اي شيئ قكلي من جا و عطاني طريحة ،لولاد و الزوج يبعدو الغضب الساطع آت ، لهذا وجدت طبيبة اسمها حبيبه و دوراتها بدات تغيرفي تفكيري و في تصرفاتي وجدت دوايا و سوف تجدين انت ايضا دواءك ان شاء الله،معا اذن لتغيير عاداتنا السيئة

[بعيدة المنال]

مساء الخيرات على البنات الفحلات . راني قلت نضرب طلة سريعة نقرعج شوية ونروح راهي الكوزينة تعيط تجي تنظفيني وتلمعي الحوض ولا نبيع بيك للفراشات )
حبوبتي سمونة - تصغير ياسمين - ( والضربة لا عدت بطبوطة وتقولي راهي تعاير في حصلت ) قالك عاند ولا تحاسد معيهش ختي نديرو سباق وشكون تكمل التطبيقات الأولى وسيكون هذا هدف جديد لي لم أبرمجه البارحة نضيفوا غنان فيك اهه
وباش تكون المنافسة حامية الوطيس رانا مشتركات في الهوايات أيضا نعشق الأشغال اليدوية ونحسها تريحني نفسيا
بارايحينش ندخلوها في حساباتنا الا بعد أن تأذن لنا معلمتنا أولا وثانيا بعد ما نتعودوا البرنامج الحالي خلاص
هكاك تلحق العطلة ونتساواوا في الفرص
ربي يهنيك ويسعدك مع من تحبين

[حبيييبة]

شكون تقولي واش حست او واش فهمت او واش شافت لما حطت عينيها على هاد الصورتين فراشاتي؟؟

[oulayam]

انا حسيت اننا كلنا فرشات انطلقنا من مكان واحد نبتغي ان نكون فراشات نشيطات بعد ان تدربنا على دورتك هداىما شفتو ف اول صورة

[ام آدم]

السلام عليكم اختي حبيبة و السلام على كل الفراشات النشيطات
اختي كنت اتابعكم بصمت ولكني معجبة كثيرا بك و بتطبيقاتك الرائعة و بروحك المتفائلة و المعطاءة ما شاء الله
اختاه انا ام لطفلين 5 سنوات و الآخر 10اشهر وانا مرضع واعمل لكن يومين فقط بالاسبوع
مشكلتي هي شعوري الدائم بالارهاق والكسل و عدم الرضا عن نفسي
و المشكل انني اهمل نفسي واتقاعس عن الصلاة رغم ان ظروفي والحمد لله جيدة و لا اعاني مشاكل مع زوجي فهو طيب وملتزم و يحبني
صدقيني هذه اول مرة اكتب شيئا عن حياتي الخاصة و انا جد متوترة وحزينة رغم محاولاتي لطرد الوساوس و عيش اللحظة و لكن.........
سامحيني اختي انا لا اعرفك ولكني توسمت فيك الخير فارجو مساعدتي ولو بكلمة طيبة

[om ahmed]

حبيبتي تيتي ربي يشفيلك الوالدة و يرجعها ليكم معافاة ،طهور ان شاء الله

[حبيييبة]

حابة نرحب بكل فراشة جديدة نورتنا اليوم بالوانها الزاهية
و نقولها اهلا و سهلا بيك بين الفراشات الجميلات


و حابة نقولكم غدا باذن الله على كل مشاركاتكم
و كل استفساراتكم
و نقولكم اني سعيدة جدا بحبيبتنا نينا مينا لتفاعلها مع الدورة
و غدوة نرد عليك حبيبتي
و نحاولوا نغيرو صورتك على نفسك اللي راكي شايفتها في عقلك
و رايح تحبيها اكيد

حبيبتي امينة ابشري بردي غدا باذن الله

فراشاتنا العاملات اللي طرحوا اشكالاتهن
غدوة نحاولوا نصنعوا برنامج معا بعض يوالمكم ان شاء الله ابشرن

فراشاتي النشيطات
وجودكم ملحوووظ جدا و متعوب عليه
ربي يباركلنا فيكم و في مشاركاتكم و تطبيقاتكم
و حماسكم اللي زاد شعل فيا النار بصح ماشي كيما شعلت النار في قش فراشات العمر
على قولة حبيبتنا ام منال خخخخخخ



نصل الى
تطبيق اليوم:


اولا قبل ما نقولكم على التطبيق
رايح نطلب منكم كلكم طلب خاااص و جاااد جداا
ارجوكم ارجوكم ارجوكم
كل وحدة فيكم راهي تخمم و تخطط ادير التنظيفات العميقة في ايام العطلة
و راهي تنتظر في العطلة باه تقلب البيت راسا على عقب
و تقلب راحة اولادها معاه

نطلب منكم انكم تلغوا هاذ الفكرة تماما من عقولكم
و مخططاتكم ارجوووووووووووووووووكم

كل وحدة راهي حابة تنظف البيت في العطلة
انصحها يا تأجل الفكرة
او تعجلها يعني تبرمجهم لهذا الاسبوع

يقولك واحد المثل:
"حنا نهار عيدنا نها تعبنا و جوعنا"

و العطلة تعني الاستجمام
ليس الغبار، و الصياح،الماء مشقلل ما تروسوش الحالة وععععع
الطفل مسكين يكره النهار اللي قالوله فيه هاد السمانتين عطلة
و رايح يحاول يهرب ليستجمم و يستغل وقت فراغه
في الشارع و هذا خطر عليه
او في اشياء ربما ما تكونيش راضية عليها لا سامح الله

لذا،
اطلب منكن حبيباتي الغاء فكرة التنظيفات العميقة في العطلة
و استبدالها بفكرة انجازها هذا الاسبوع او الاسابيع التي تتبع ايام العطلة

و الآن نأتي للتطبيق:

تطبيقنا اليوم رايح نطلب من كل فراشة
انها الليلة تقعد معا روحها و تخمم
و تعصر هذاك المخ راه فيه العجب العجاب من الافكار الرااائعة
و تفكرلنا واش هي المشاريع اللي ممكن ننجزوها معا اولادنا في العطلة
اقصد بمشاريع اي نشاطات
ممكن نمارسوها مع الاطفال في ايام راحتهم من الدراسة و تعبها
و انحوا على خاطرهم و خاطرنا معاهم لاننا حنا تاني تعبنا كيف هوما مع دراستهم
خصوصا في مرحلة الاختبارات

و مبعد تجلس مع اولادها و تطرح عليهم الفكرة
و هوما تاني يعصروا مخهم و يقولولها واش في خاطرهم يديروا نشاطات خاصة بالعطلة

و نجمعوا هاذوك الافكار
و انظموا برنامج خاص بالعطلة
يشمل التنظيفات اليومية
تحضير اكلات طيبة خاصة بالعطلة
القيام بنشاطات مميزة مع الاسرة في العطلة
مثل نزهات، مسابقات ثقافية او دينية و يكون الاب مجهزها معاكم، سفر الى مدن مجاورة،
الذهاب لمدينة التسلية مثلا، و غير ذلك كثييييييييييير



هذا الاسبوع راح نخصصوه لصناعة روتين خاص بالعطلة
و برنامج خاص ايضا بالعطلة
و انتظر تفاعلكم بشدة


ما تنساوش تطبيقاتنا السابقة فراشاتي النشيطات

دمتم بود حبيباتي

[om ahmed]

انا عن نفسي اعتبرت الصورة الاولى حكاية فراشات تزهو بالالوان المختلفة ،لكل واحدة شخصيتها الخاصة و كيانها الخاص و عالمها الفريد اما الصورة الثانية فهي حكاية فراشات وردية مدللة كلها انوثة تطمح الى حياة وردية و الكتابين هما بمثابة مجلسنا و ابوابه الكثيرة وفصوله المتنوعة و دوراته المفيدة