الى الاخت مريم الصابرة مساعدة بخصوص تركيا

[maamar8289]

بعد اطلاعي على مواضيعك حول زيارتك الى تركيا و بما انني مقبل على الزواج ان شاء الله في بداية شهر اكتوبر اود قضاء شهر العسل في تركيا و السؤال اختي الصابرة :
هل الجو في شهر اكتوبر معتدل ام هناك برد و امطار
هل اذهب مع وكالات سياحية ام اذهب بمفردي لاني رايت اسعار جد مغرية في موقع وادي كنيس
و هل بامكانك توجيهي بمرنامج مميز ل 7 ايام و 6 ليالي و مشكورة مسبقا

[مريم الصابرة]

السلام عليكم اخي الكريم عذرا منك الآن فقط رأيت الموضوع ساجيبك بحول الله
اولا الف مبروك با رب وإختيار موفق تركيا من اجمل الدول رائعة بكل المقاييس وسوف تستمتع الزوجة كثيرا والمرة هاته لما ذهبت كان هناك عرسان كثيرون في شهر العسل في الفندق حيث كنت انا الف مبروك
في شهر اكتوبر لا الجو لطيف البرد الشديد يبدأ من نوفمبر اما اكتوبر الجو مناسب ويمكنكم التجول
والله اخي انا ذهبت مع وكالة سياحية لكنني لم ادفع ثمن رحلات وغيرها لانو ياخذو مال كثير مع الوكالة انا حجزت الفندق والتذكرة والباقي تصرفت بمفردي جمعت معلومات من النت وتجولت حسب مقدرتي وحسب ميزانيتي وانا ذهبت من اجل الطبيب ولكن كان لدي الوقت في سفرتي الاولى وتجولت فالثانية لم اخرج من المستشفى للفندق وكانت هناك امطار ولاحظت مواضيعي وانا ادرجت الصور
انا اعرف وكالة جدة ابت حجزت عندهم اناس رائعون ولا ياخطون ارباح عادي معاملة مميزة هم هنا فالعاصمة ابعث لك ارقامهم وعنوانهم لو كنت قريب من اعاصمة
دع لي مدة صغيرة وساشع لك برنامج رائع مع طريقة التنقل تتبعها حرفيا ولن تحتاج لمرشد سياحي او دفع فالوكالة ثمن الرحلات لا بل أحجز الفندق التذكرة والفيزا عندهم لانو احسن ما تظل تجري وحدك الفارق مش كبير
اما الرحلات سأنظم لك رحلة لأسبوع تستمتع بها انت والزوجة دع لي بعض الوقت وسأرتب لك جدول من دقيقة الوصول لتركيا حتى العودة بحول الله
شكرا اي امر انا الخدمة وإطلع على مواضيع رحلاتي السابقة واي سؤال انا بالخدمة شكرا لك

[maamar8289]

شكرا جزيلا لك اخت مريم الصابرة و الله يسلمك و العقوبة ليك ان شاء الله و انا قريت مواضيعك و عجبتني طريقة الوصف و التعبير انتاعك مع انك رحتي 2 مرات لتركيا و شفت االصور الجميلة لي حطيتيها ما نكدبش عليك انا كنت حاب نروح لالمانيا عند الاهل لكن الزوجة مزال جواز السفر انتاعها ما خرجش و فيزا اوروبا طول باش تدي موعد عكس فيزا تركيا
المشكل اني شفت كثير من العروض على موقع واد كنيس و باسعار تنافسية لكن يقلك سقسي المجرب وما تسقسيش الطبيب لذا انصحيني اختي الكريمة وانا في انتظار البرنامج انتاعك ومشكورة كثير على الرد انتاعك

[مريم الصابرة]

المشاركة الأصلية كتبت بواسطة maamar8289

شكرا جزيلا لك اخت مريم الصابرة و الله يسلمك و العقوبة ليك ان شاء الله و انا قريت مواضيعك و عجبتني طريقة الوصف و التعبير انتاعك مع انك رحتي 2 مرات لتركيا و شفت االصور الجميلة لي حطيتيها ما نكدبش عليك انا كنت حاب نروح لالمانيا عند الاهل لكن الزوجة مزال جواز السفر انتاعها ما خرجش و فيزا اوروبا طول باش تدي موعد عكس فيزا تركيا
المشكل اني شفت كثير من العروض على موقع واد كنيس و باسعار تنافسية لكن يقلك سقسي المجرب وما تسقسيش الطبيب لذا انصحيني اختي الكريمة وانا في انتظار البرنامج انتاعك ومشكورة كثير على الرد انتاعك

السلام عليكم اخي الكريم
لا شكر على واجب واكي المجرّب افضل انا اول مرة تخوفت لكن الحمد لله بحثت فالنت وسألت مجربين كنت مشاركة في منتدى خليجي خاص بالسفر لتركيا وساعدوني بزاف ودلوني وكتبت كل شي فالأوراق وصدقا لا ازكي نفسي والله صاحب الوكالة لما رجعت ثاني مرة نكري عندهم دهش قالي تحركت فتركيا عادي سميتلو الأاماكن والاسواق والتنقل يعن رجعت نمشي فتركيا كانو راني فالجزائر
نبدا بإسم الله
إنت من الافضل تكري مع وكالة الفيزا لانو 5 ايام يجيبوهالك والفندق يدو معاك 200 الف زيادة على اللي تكري وحدك وقادر تحجز وحدك ولما توصل ثم تخلص وراه موقف بوكينج معمر فنادق لكن الأاسعار الافضل تتصل مباشرة بالهاتف او عبر الإميل يعطوك السعر الحقيقي ودير حسابك ولشخصين المبلغ ناقص
الطائرة انا مرتين نكري على الخطوط التركية ب 46000 دج ذهاب ورجوع ونعم الخدمات لانو ركبو معايا جزائرين موالفين يسافرو قالولي الخطوط الجزائرية كارثة فالخدمات لا ادري انا سافرت مع الخطوط التركية
اول يوم توصل الاكيد ماراحش تخرج بكري من المطار ختم الجواز وغيرو انا مرة وصلت على 6 وافارق الزمني الآن ساعتين بيننا وبينهم ومرة وصلت على 7 نتاع العشية يعني توصل للفندق متعب تريح شويو تخرج دير دورة لميدان تقسييم ولما نعرف المنطقة اللي حجزت فيها راحا نخبرك وين تركب وكيفاه تتنقل
شوف هذي بطاقة الأافضل تشريها وتتنقل ببها


تشريها ب 7 ليرا تباع فالمطار اكشاك وتشحنها ب 20 ليرا إنت اول ما توصل للمطار صرّف 50 اورو او 20 برك لانو التصراف برا افضل فالمطار يدو معاك دراهم وبرا فالشارع كاين بزاف اكشاش مكتوب دوفيز وين تصرف الدراهم
لما تصرف فالمطار اشري الكارت هذي او خلي حت تروح لجهة الميترو راه موجود فالمطار ما تدي لا طاكسي ولا شي ومهما كانو معاك حقائب عادي كرهم تنزل الدرج تلقى داخل المطار لافتة مكتوب ميترو هذاك من بعد وحسب منطقتك نفهمك كي تركب وين تنزل
هذا اول يوم وراني نحطلك كل الأيام بالشوي نظملك جدول وماكان لاه مرشد سياحي راهم يدو غالي تنقل وحدك راهي ساهلة بزاف
شكرا ولي عودة وقت الظهر
سلام

[maamar8289]

شكرا لك الاخت مريم
بالنسبة للوكالة كم سعر الفيزا واذا جبتها وحدي كم و شحال ننتظر
بانسبة للحجز الفندقي قلتيلي يدو معاك 2000 دج هل 2000دج على كل ليلة ام على كامل الحجز
و اذا ممكن تعطينا اسم الوكالة التي تكون ثقة
في اي منطقة تنصحيني نحجز الفندق
هل توجد فنادق من 40 الى 50 اورو لليلة لانوا ما يهمنيش الفندق انا حاب نتجول كثير
الكارت لي حطيتي الصورة نتاعها صالحة ليوم واححد فقط ومن المطار الى الفندق اما كل الاسبوع و كل الاتجاهات

[مريم الصابرة]

المشاركة الأصلية كتبت بواسطة maamar8289

شكرا لك الاخت مريم
بالنسبة للوكالة كم سعر الفيزا واذا جبتها وحدي كم و شحال ننتظر
بانسبة للحجز الفندقي قلتيلي يدو معاك 2000 دج هل 2000دج على كل ليلة ام على كامل الحجز
و اذا ممكن تعطينا اسم الوكالة التي تكون ثقة
في اي منطقة تنصحيني نحجز الفندق
هل توجد فنادق من 40 الى 50 اورو لليلة لانوا ما يهمنيش الفندق انا حاب نتجول كثير
الكارت لي حطيتي الصورة نتاعها صالحة ليوم واححد فقط ومن المطار الى الفندق اما كل الاسبوع و كل الاتجاهات

السلام عليكم أخي
الفيزا ب 700 ألف إذا رحت دفعتها وحدك ممكن تبقالك أسبوع وتجيبها والوكالة من 4 حتى 5 ايام
هنا فالوكالة يدو معاك 200 الف زيادة او 300 على كل الحجز هوما يتصلو ويحجزولك ويعطوك ورقة لما تروح تدي الفيزا تلقاها واجدة كان خلصتهم وساهل هكذاك خير انا مرتين نكري بالطريقة هذي
انا كنت في منطقة أكسراي هايلة كالم فالليل والفندق رخيص ومحترم وفيه اللي يحكو عربية وزيد منطقة معمرة جزائريين وأسواق الفاتح المشهورة وقدامك ميطرو وترمواي وهذا هو الفندق اللي كنت فيه انا
https://www.booking.com/hotel/tr/abel...329d38f1d70cX1

انا لما رحت كان ب 60 اورو لليلة للواحد لكن لما تكري زوج ينقصولك تقدر تعيطلهم فالتلفون وتحكي معاهم بالإنجليزي ويفهموك وتقدر تنقص دراهم وتحجز وحدك لما تتصل بيهم لمدة اسبوع قدامك كل شي انا ننصحك بالمنطقة او منطقة بيازيد شوي فنادق غالية فيها

لالا الكارت تشريها وكل يوم تركب بيها وخبيها عندك بلاك المكتوب ترجع لتركيا وتستخدمها انا شريتها اول مرة وخبيتها ولما رجعت إستعملتها مرة اخرى ومديتها من بعد لناس من تونس تشريها وتشارجيها وتركب بيها فكل شي الكار والميطرو والترمواي إلا العبارات نتاع البحر تخلص كاش
اي سؤال راني هنا الوكالة فالعاصمة كان قريبة ليك خبرني نحطلك العنوان والتلفون وكل شي وناس ملاح بزاف ونعطيك إسمي بالكامل والوكالة يتهلاو فيك راهم يعرفوني
شكرا

[FadixuRz]

و الله يا اختي ما شاء الله عليك ، الله يعطيك الصحة و العافية ان شاء الله ، انا ناوي نروح باذن الله ، و رواياتك و التجربة تيعك هيا اللي فادتني ، لا مكتوب سفر لا والو ، فيف منتدى الجلفة و الاخت مريم الصابرة ههههه شكرا شكرا جزيلا

[maamar8289]

الاخت مريم الصابرة لم تحدثينا عن كيفية انتقالك من المطار الى الفندق
و عندي سؤال اخر صورة الزوجة في جواز السفر بالخمار هل هي مقبولة و ايضا بالنسبة لطلب الفيزا هل ادفع صورة بالخمار ام بدونه و اسف على هذا السؤال التافه نوعا ما

[نور اليقين 25]

اختي صابرة بارك الله فيك حابة نستفسر على النلابس هل هي رخيصة ام غالية او ين تنصحيني نروح او قوليلي شحال لازملي مصروف تاع الملابس برك او بارك الله فيك

[نور اليقين 25]

اختي من فضلك اذا عندك فايسبوك ابعثيلي في الهاص راني محتاجاتك بزااف

[FadixuRz]

السلام عليكم اخوتي هل 4 ليالي و 5 ايام كافية ام 7 ليالي احسن ، و اي المناطق احسن بالنسبة لتواجد الفنادق فيها تقسيم ، او فاتح او منطقة المطار شكرا

[chayat]

المشاركة الأصلية كتبت بواسطة fadixurz

السلام عليكم اخوتي هل 4 ليالي و 5 ايام كافية ام 7 ليالي احسن ، و اي المناطق احسن بالنسبة لتواجد الفنادق فيها تقسيم ، او فاتح او منطقة المطار شكرا

أعتقد ان أفضل المناطق إطلاقا هي فاتح بشهادة الجميع. ولكن إن كنت تحب الصخب والحياة الليلية فلن تجد أفضل من تقسيم وشارع الاستقلال طبعا ههههه.

[مريم الصابرة]

المشاركة الأصلية كتبت بواسطة fadixurz

و الله يا اختي ما شاء الله عليك ، الله يعطيك الصحة و العافية ان شاء الله ، انا ناوي نروح باذن الله ، و رواياتك و التجربة تيعك هيا اللي فادتني ، لا مكتوب سفر لا والو ، فيف منتدى الجلفة و الاخت مريم الصابرة ههههه شكرا شكرا جزيلا

السلام عليكم اخي الكريم
صحا فطورك بارك الله فيك
انا بالخدمة واي شيء شفتو هناك وعرفتو نفيدكم بيه ماا بيا والاحسن تدو تجربة اللي راح وشاف احسن من النت لانو مرات تكون معلومات قديمة
والله انا نشجعك تروح لأنو مكان ساحر ورائع جدا
انا بالخدمة إن نويت وتتبع هذا الموضوع وساضع برنامج للاخ

[مريم الصابرة]

المشاركة الأصلية كتبت بواسطة maamar8289

الاخت مريم الصابرة لم تحدثينا عن كيفية انتقالك من المطار الى الفندق
و عندي سؤال اخر صورة الزوجة في جواز السفر بالخمار هل هي مقبولة و ايضا بالنسبة لطلب الفيزا هل ادفع صورة بالخمار ام بدونه و اسف على هذا السؤال التافه نوعا ما

السلام عليكم اخي
الإنتقال من المطار لأي منطقة هناك حافلة مكتوب فيها havats
موجودة خارج المطار كل 5 دقائق تمر واحدة تديك لميدان تقسييم ب 10 ليرا وهناك تنقل بالميترو او الترمواي لأاي منطقة تريدها
تحب تختصر وتنقص دراهم ميطرو يديك لاقرب منطقة وهي أكسراي هناك تلقى ترمواي تركب بيه وتروح وين باغي حسب المنطقة اللي فيها فندقك نفهمك مليح كيفاه تركب وتنزل ساهلة جدا وخير من طاكسي ب 40 ليرا على الأقل الطاكسي خليه فالعودة بما تكون معاك حقائب
لا ليس سؤال تافه من حق زوجتك البقاء بالخمار لا مشكل الأتراك مسلمون وانا ذهبت بالحجاب الشرعي وبقيت به ولا احد يلوم او لا ابدا فهناك موجود جلبابيات ومججبات طلب الفيزا إدفع صورة بالخمار او بدونه ولكن لانها محجبة انصح ببقائها بخمارها لا مشكل
والبرنامج لم انساك امنحني بعض الوقت حتى انظمه لك جيدا وحسب ميزانيتك وتكون مناطق جميلة جدا
موفق

[مريم الصابرة]

المشاركة الأصلية كتبت بواسطة نور اليقين 25

اختي صابرة بارك الله فيك حابة نستفسر على النلابس هل هي رخيصة ام غالية او ين تنصحيني نروح او قوليلي شحال لازملي مصروف تاع الملابس برك او بارك الله فيك

المشاركة الأصلية كتبت بواسطة نور اليقين 25

اختي من فضلك اذا عندك فايسبوك ابعثيلي في الهاص راني محتاجاتك بزااف

السلام عليكم اختي
آسفة هذا وين شفت سؤالك
شوفي والله واش نقولك روعة ورخاص تعرفي فبها حوايج والله ما تامني شعال رخيص ويجو هنا يبيعوهنا اضعاف صدقيني ملابس الأعراس والسهرة من كثرة رخيصة يعني ما توقعتهاش شوفي لقيت ملابس أعراس لما سالت الثمن وقيمتو بدراهمنا تخيلي روب نتاع عرس ومن نوع الرفيع هناك ب 30 ليرا بمعنى بدراهمنا ما توصلش 180 ألف تشوفيها راسك يحبس وملابس الأطفال رخاص بزاف كل شي مليح هايل عندهم ملابس رخيصة بزاف
راحا نبعثلك الفايس لا مشكل شكرا لك
شوفي المايس إنت وواش حابة تيجبي يعني إنت ودراهمك هي لزام تصرفي المشكل الاورو حنا يجينا غالي اما ملابس وحوايج عندهم رخص بزاف
موفق واي سؤال راني هنا