تجربتي الصغيرة مع الخدمة الوطنية .. وملاحظة عن صفات ذميمة من قابضي الملفات في الثكنات

[محمد فلاك]

السلام عليكم ورحمة الله

أحببت أن أشارككم قصة قصيرة لي مع الخدمة الوطنية ومع صفة سيئة كما ذكرت لكم

أنا طالب جامعي تخرجت ليسانس في 2014

حصلت على استدعائين في آخر سنة لي .. ولم أتقدم لأي مكتب تجنيد من قبل ولم أذهب للفحص .. لأني غير مقتنع بالخدعة الوطنية وضدها أصلا

عموما لا علينا فهذه نقطة اختلاف كبيرة ^^

في آخر سنة لي أخبرني البعض بأنه علي أن أسوي الوضعية حتى لا أصبح روشارشي

لذلك قررت أن أذهب فأخذت الملف واتجهت مباشرة للثكنة العسكرية .. ( حالتها مزرية والشباب بالعشرات ينتظرون في الشمس وعلى الأرض )

حينما وصلت شاهدني أحدهم وأنا أحمل المحفظة فعرف أني طالب جامعي فقال لي أنت طالب .. قلت له نعم .. قال تعال مباشرة

فدخلت قال لي إجلس .. وحضر وثائقك .. ففعلت .. ثم قال هاتها .. فوجد أن هناك استدعاء ناقص فقال لي يجب أن تحضره لتتمكن من دفع الملف

ثم قال تدارك نفسه وقال لي .. أصلا لا يمكنك أن تحصل على تأجيل (سورسي) حاليا .. يجب أن تعود لما تتحصل على شهادة الماستر

فحملت وثائقي وتأسفت لهذه التعجيزات البسيطة .. يعني أنت إنسان .. لكن بدون وثائق لا قيمة لك .. ( ستقول لي هكذا التنظيم .. لكن يبقى هذا تعجيزا للإنسان وتأخيرا له )

عموما الآن آتي لبيت القصيد ولسبب كتابتي للموضوع

وهو أنني في ذلك اليوم التقيت بـ 3 من المسؤولين عن التسجيلات

أحدهم .. وقد كان متكبرا وطريقة كلامه مزعجة مع أنه كان صغير السن لا يتجاوز 28 سنة حسب اعتقادي

وكان يظن أن لديه الحق الكامل في أن يصرخ ويقول بوقاحة .. ألم تفهم ما قلته لك هل علي أن أكرر .. ^^ وكأنه يعطيني المال

كما أنه كان هناك شخص آخر كان يقول له لماذا تكثر معه الكلام لقد شرحت له فلا تجب على أسألته مجددا .. الله يسهل عليه

لكن كان هناك شخص ثالث .. أكبر منهما سنا وأعقل منهما .. وفي المرة الأولى رحب بي وقال لي ماذا تريد ثم قال لي تفضل

ولما كنت خارجا سألني .. هل أكملت ما جئت من أجله واطمأن على وضعيتي وأقول له بارك الله فيك على صبرك واهتمامك بالآخر

يعني ماذا سيربح الأول والثاني مما فعلاه معي أو مع الآخرين غير دعاوي الشر وغير الحقد عليهم وعلى ثكنتهم وعلى من هو مثلهم

هل لأنه يأتيك العشرات يوميا وتتعب معهم كثيرا .. تصب جام غضبك علي .. وأنا الشخص الذي لو كانت بلادي متقدمة ومنظمة أكثر

لما التقيت بأمثالك يا من لم تتجاوز السيزيام أو ربما لم تدرس أصلا وأنا الذي قضيت حياتي 16 سنة في التعليم آملا أن أصل مرتبة تناسب ما تعبت من أجله

أحببت أن أشارككم تجربتي وبعض الملاحظات وآمل أن تتقبلوها بصدر رحب .. وشكرا

[سجّل أنا جزائري]

يعطيك الصحة اخي نفس السيناريو حصل مع ومع الكثيرين
سبحان الله كلهم وقاحة وقلة تربية وكأنهم يوزعون ارزاق الناس ويتحكمون فيها
في المقابل تجد منهم اناس طيبين
الله يفكنا من الخدعة الوطنية

[محمد فلاك]

بالفعل أخي .. للأسف

هذا موضوع مهم حقا .. ويجب النقاش فيه

هناك من الجزائريين حتى من يظن أنه يجب أن يعامل الناس بتلك الطريقة

فيقولون لك .. هذا هو النظام العسكري ولازم التزيار ولازم كذا وكذا

يحسبو الذل والمهانة تجيب الشرف والكبرياء

[سجّل أنا جزائري]

ايه يطيحلك ويسبك ويمرمدك ويقلك عادي هذا هو العسكر
الله غالب ترسخنت في اذهاننا ان العسكري اقوى من المدني خاصة في الثكنة

[أحمد زابانة]

يا إخواني هؤلاء جماعة أغبياء ... و قليلا ما تجد أو نادرا ما تجد أصحاب المكانة المرموقة في الجيش يتعاملون بهاته الطريقة المتخلفة مع الآخرين . هؤلاء كما قلتم هم جماعة الفاشلون في الدراسة يتوجهون إلى الجيش و يتعودون على تقبل الشتيمة و الإهانة من قادتهم و خاصة السراجن و الكابران و الجنود ... أما على المستويات الكبيرة مثل الضباط و العقيد ... فما فوق تجدهم ناس واعون و مثقفون و متحضرون .... لذلك لا تلوم الغبي و الجاهل علما أنهم بهذا يؤدون أنفسهم بأنفسهم فمن يدري غدا تخرج إلى الشارع و الزمان يقلبه الله كما يشاء و تجد نفسك بين يدي هؤلاء الشبان الذين اعتديت عليهم باللفظ و الإهانة ... ألم يفكروا بهذا اليوم مثلا .؟؟؟؟ إنه الغباء

[just do it]

مكان لا اقوى لا والو
هاذاك تجبره سرجان ولا جندي يظل يرخس فيه الكمندو ايا هو ميجبرش شكون الي يدير عليه الغولة سما يحقر الشعب
ولكن انا اعذرهم لاننا نحن شعب جاهل لا نعرف ابسط حقوقنا والحاجة الي نحفظوها قع بينا هي ) مكنش قانون فبلادنا ) نعم انا لا انكر الرشوة والمعريفة وووو بصح نت راك مواطن كي يسبك عسكري والله وتحاكمو غير توقفو على البيضة لانه موظف وقراو التعامل الي يفرضو عليه النظام
بصح حنا فينا غي اللسان مني وروح
نعطي مثال مع لي جندارم كي يبغي يديرلك بروسي والله كاين بعض الشوافرا دارولهم بروصي قع مكنش منو بصح جدارمي حيلي هو يقولك مخالفة قع مكنش منها ويعطيك بلي عقوبتها روتري ولا حاجة كبيرة ايا نتا وش دير غادي تبقى تحللوا نقصلي وبدلي و ديرلي حاجة خفيفة هو طبعا ميقدرش يكتب ديك الي قالك عليها فالبروصي ايا زعما يتهلى فيك ويديرلك 2000 دج ولا يدمندلك رشوة نتا تحسب راك قفزت بصح هو خدعك
هذي قصص واقعية وبزاف امثلة مع الادارات
نحن لا نعرف حقوقنا

[moh ag]

أخي أظن أنه لا يوجد شاب جزائري لم يتعرض لهذه المعاملة و ماهذا الا غيض من فيض من ما يحدث لما تدخل الكازيرنة و الله عندي صديق يؤدي حاليا الخدمة العسكرية و هو في قمة الأخلاق و الانضباط حرموه من الاجازة بدون سبب و عندما ذهب الى الضابط المسؤول ليطالب بحقه خسر عليه كلمة واحدة "نفحتلي" في الدول المتقدمة لو يحدث أمر مثل هذا تقدر تقاضيه و يعاقب مهما كانت رتبته لأن هذا يعتبر سوء استغلال للسلطة لكن عندنا للأسف حتى الشعب لديه اعتقاد مترسخ أن العسكر فوق القانون و أن ما يفعلونه مبرر بحجة أن "هذا هو العسكر" بالطبع كلامي لا يعني أن العسكر كلهم ماشي ملاح فهناك أيضا ناس محترمين و أولاد فاميلية لكن للأسف ما نراه أن الأغلبية هم عكس ذلك

[just do it]

نعم خويا انا لا انكر المعاملة بصح مش نهدر غي انا ونت لازم كل واحد يهدر على حقو
اما بالنسبة للراه فالكزرنة كي راك ماشي للعسكر تقبل وتوقع كلشي
زمان الي كانو يفوتو عامين كان عام ميجيش للدار وحد نعرفو عامين
وبالنسبة للقانون
نحن كي نكونو نفوتو لعسكر عندك الحق في 2 اجازات وكونجي فقط
ولكن يحق قائد الوحدة انو يزيدلك ولا يتقصلك على حسب الظروف
الواحد يتمنى غي يعف روحو من المشاكل والمحاكم لانهم قادرين يزيدوك فوق المدة القانونية يعني فوق عام
وفي الاخير انا تعلمت حاجة من العسكر ومن المجتمع عامة
حتى وحد ميقدر يظلمني ويغيظني لاني عندي عيف كبييييييير رغم اني راني مخسرها معاها منطيعوش ونكون سباب باه يغضب ووو بصح كي نكون مظلوم يكون معايا
وكاااااامل عندكم هذ العرف بصح حنا لتينا بغيرو
عندي ربي سبحانو الي يظلمني نقولو حسبي الله ونعم الوكيل ونحلف بالثلاث بلي منسامحوش ويوم القيامة نخلصها من حسناتو على الدورو تالي فداك النهار تكون الحسنة لوكن تصيب تشريها بالملايير ونت شحال ما يكونو ظالمينك وصابر تجبر روحك كي البرانس
والله كي تمشى بهذا العقلية غير ما يخلعك حتى واحد وكل عليه ربي واذا كان الواحد فينا ثقتو بربو مكنش ولا قليلة هذيك حاجة أخرى

[redeye]

يعني أخي لو حصلت عل شهادة مدرسية من تسجيل الماسر يمكنك أن تحصل على التأجيل

[Weld el hadj]

ولهذا توجد جنة ونار يا أخي سوف تنصفك محكمة السماء انشاء الله

[just do it]

المشاركة الأصلية كتبت بواسطة redeye

يعني أخي لو حصلت عل شهادة مدرسية من تسجيل الماسر يمكنك أن تحصل على التأجيل

هذا عبارة عن سؤال ولا اخبار
فان كان سؤالا فنعم
وان كان اخبارا ونت درت الماستر غي على جال السورسي تكمل العامين ويكملك السورسي ايا ومن بعد
باغي يعقيو عليك ؟ اذا مكنتش 30 عام حنا الجامعيين وعرة بزاف باش يعفيو علينا راهم عندهم الفايدة فينا لا ن العامل يعطيوه 7 ملايين وحنا الاحتيا يعطونا 16

[nechebra]

ما نتمنالكش تلبس و تفوت مناه تشوف واش جامي شفت يا أخي و أنت بالعقلية هاذي تسوفري .... الله غالب حقك و تسمح فيه.

[redeye]

المشاركة الأصلية كتبت بواسطة just do it

هذا عبارة عن سؤال ولا اخبار
فان كان سؤالا فنعم
وان كان اخبارا ونت درت الماستر غي على جال السورسي تكمل العامين ويكملك السورسي ايا ومن بعد
باغي يعقيو عليك ؟ اذا مكنتش 30 عام حنا الجامعيين وعرة بزاف باش يعفيو علينا راهم عندهم الفايدة فينا لا ن العامل يعطيوه 7 ملايين وحنا الاحتيا يعطونا 16

نعم أخي الكريم كان هذا سؤالا
و انت محق ايضا بعد العامين السورسي ينتهي
ربي يسهل علينا

[electronicdz]

hadi hiaa !!! IKHAWWFO FINA BArk §§ NORMAL apré !! yazam atkoune hadak am3a nass li hakda !!! wa li 3ando narvasa el tama win izido izayo !!!

[just do it]

الله يسهل على كل واحد
انا مفهمتش الشعب الجزائري مازالو يدير على فلان مفوتهاش وولاد القيادة يدوها باردة
والله واحد ميسمع بيك انا تعلمت حاجة من هذ الددنيا
منشوفش للاس لازم نشوف حاجة الي تخرجني انا مش وش صرا لفلان وعلان
يرحم باباكم قولولي الي عندو شوية عقل برك يخمملها ويعرف الاجابة
انا كملت الجامعة مولا 22 وكملت العسكر كان فعمري 24
ماخير درك راني الاز ومريح وهاني فمورالي ولا راني نستنا 30 عام وانا هارب وخايف وكل نتصت للاخبار نحوس على الاعفاء
انا رني مقتنع بقراري مية فالمية والله مراني نادم عليه نعم علابالي بلي العسكر حشوة وتبردية بصح جايك جايك
ونزيدلكم قراري باه خذيتو نفوتها مرايا عليا حتى واحد لان قع الناس عندها كلام كي كلام اكثركم هنا يعني يقولك متفوتهاش
ايا نهار فوتها وخرجت قع باركولي وقالولي والله غي نجحت ودرت افار ونحيت حاجة من الطريق
نعم هذوك الي كانو يقولولي متفوتهاش ولاو يقولولي درت افار كي رحت
هذي فقط باه تعرفو بلي كلام الناس مش فصالحك
اغلب كلامهم وان كان كاين الي ينصحك بصح قلال