السلاكم عليكم و رحمة الله و بركاته
مرحبا بيكم يا طباخات و شافات و اكلات و سارقات المنتدى خخخ كي راكم السارقات نقصد اللي كيما انا درت كتاب بالوصفات تعكم بصح ما تخافوش في اغلب الاحيان نكتب ردود و مرات ما نكتبش بصح تاكدو بلي راني ندعيلكم بدعاوي الخير كلما نتفكركم ايا اليوم قلت نحشم على عرضي و نحط ولو حاجة بسيطة :d نتمنى تعجبكم و ننتظر منكم دعوة خير تكفيني ادعولي ربي يثبت حملي و يرزق كل محرومة من الذرية و ربي يفرحها كيما فرحني انا هذي تكفيني
نبداو باسم الله
المقادير ................
كاس ارز مغلي و مفور
علبة طون بالطماطم **تقدري 2 انتي و الرغبة تاعك سيدتي*** عن نفسي الطون ضروري ولا ما ناكلوش
حبتين جزر و نصف حبة او حبة كاملة بطاطا مقشرين مقطعين مربعات صغار و مغليين في ماء و شوية ملح
حبة طماطم متوسطو او صغيرو و ما تكونش طايبة مليح باش ما يجيش فيها الماء بزاف تنقيها و تقطعها مربعات صغار
اوراق خس ***5 او 6 *** غسليها و قطريها مليح و قطعيها على النص و زيديلها قطعيها بالعرض كيما تقطعي المعدنوس
زيتون اسود مقطع قطع صغيرة
طبعا للتزيين بيض مغلي و مايونيز للي تحب
طريقة التحضير
غلي الروز و فوريه عادي و خليه ينشف مليح و زيديلو الطون و خلطيه و زيدي باقي الكونات ضربة وحدة و خلطي كلش في بعضو و ديريلو شوية فينيقراد باش ما يجيش ناشف و تزيدلو البنة و مبعد زينيه كيما حبيتي و تقدري تديريه في مول تع الموسكوتشو يجي روعة تاني انا درتو عادي و درك نخليكم مع الصور و ما تضحكوش على الديكور راه شوية تع التفنيين