حكاية واقعية مؤثرة جدا . #القصة_وقعت_منذ_مدة

محمد علي 12 · 2021-10-11, 18:13

#حكاية واقعية مؤثرة جدا .. اليوم وأنا راكب في الحافلة وحدة قاعدة بجنبي ومعاها ولدها الصغير ,شفت معاها لقيتها مقلقلة و باينة تعبانة
ومهمومة و ولدها يتمسخر معاها ويقوللها اضحكي و يحاول يضحكها وهي تضحك وهي مخنوقة..فجأة قال لها و هو عيان ....
قال بالحرف الواحد يما أنا راح نموت راح يديني ربي أنا كرهت من لبراوات ( يقصد الإبر )
في هذه اللحظة حسيت أن جسمي تشل و تصدمت ودمعت عيني والأم لاحظت هذا الشيء ... 💔
قالت له.. لا حبيبي راح تعيش وراح تبقى معانا و باباك وأختك لي تحبها
ودمعو عينيها ... وأنا نسمع فيهم شفت مع الطفل وقلتلو أنت حلو و وجميل وجهك ينور
ضحك وقالي بصح شعري طاح وما وليتش حلو كي قبل
وعينيه يدمعو حكمتلو يديه وهوما زرق من الإبر تاع الكيماوي...
بقيت نضحك و نتمسخر معاه حتى وصلت للبلاصة لي رايحين ننزل فيها...
وأنا نازل قالي ادعيلي نكون حلو وشعري يكبار كيما قبل
قلتلو مش غير أنا لي راح ندعيلك
أنا راح نخلي كامل الناس تدعيلك باش تبقى حلو و بخير
نزلت من الحافلة طاحتلي الدمعة وبكيت
هنا حسيت بلي ربي عاطينا نعمة كبيرة وهي الصحة
كاين ناس تتمنى تعيش وتتنفس برك
حنا رانا في نعمة كبيرة مناش حاسين بيها كاين ناس تتمنى غير تعيش بلا كيماوي بلا علاج بلا أجهزة بلا بكاء وألم
اللهم اشفي و عافي كل المرضى إن شاء الله
#منقول_بتصرف
#القصة_وقعت_منذ_مدة

Ali Harmal · 2021-10-11, 18:38

السلام عليكم ورحمة الله وبركاته
اخي محمد ادعو لة كلما ذكرت إنها وصية وقبلتها...
جزاك الله خيرا...
تحياتي

كــــــنــــــزة · 2021-10-11, 20:10

- يا كاشف الهم، يا مُفرج الكرب، يا مُجيب دعوة المُضطرين. اللهمّ ألبسه ثوب الصحّة والعافية عاجلاً غير آجل يا أرحم الراحمين.- اللهمّ اشفه، اللهمّ اشفه، اللهمّ اشفه، اللهمّ آمين.

اللهم ارزقني عفةمريم · 2021-10-11, 21:01

اللهم يا شافي أنزل شفاءك على هذا الصغير كل المرضى، اللهم لا تؤاخذهم بذنوبهم، واغفر لهم، وارحمهم، وتولَّهم، وعافهم، واعفُو عنهم، إنّك على كل شيء قدير.

قصة مؤثرة جداً بارك الله فيك