الى كل من أراد أن يطتوع في دفعة ماي 2015

[سطايفي19]

السلام عليكم اخوتي
أولا أردت ان اوضح لبعض الاخوة الذين يريدون التطوع وذلك بعد أن لاحظت العديد من الاستفسارات والغموض الذي يسود عدد كبير من الذين اختارو التطوع
ملف التطوع هو كالآتي شهادة اقامة و الدبلوم
نعطيكم مثال عن حالات مثيرة وغريبة وفيها حقرة
التطوع يعني انك اردت تادية الخدمة الوطنية بمحض ارادتك والى اي مكان تشاء
بعض الاخوة الذين دفعو ملف التطوع لم يعطو لهم الحق في اختيار الثكنة ويقلولهم روحو للبيت دوك جيكم استدعاء الى الثكنة الفلانية فيتفاجأ الفرد الذي اراد ان يتطوع بانهم ارسلوه الى مدرسة او ثكنة لم يخترها بارادتة والنصيحة التي اقدمها اليكم
قبل دفع ملف التطوع يجب ان تفرض على من يمسك الملف اي الجندي ان تفرض عليه على ان تختار انت المدرسة ولا تتركه هو وقيادته يختارون لك لانك رايح تتكلح ويبعتك لثكنة كارثية وصعبة صحيح ان التطوع لاي ثكنة يجب ان تكون المسافة اكثؤر من 120 كلم عن مقر سكناك لكن هدا لا ينفي بوجود ثكنات اخرى جيدة وعلية عند تقديم الدبلوم والاقامة افرض على الجندي ان تختار انت الثكنة والا يردلك الملف تاعك ومتروحش + متنساش املأ استمارة التطوع واكتب فيها المدرسة لي حاب تروح ليها
اخوتي هدا توضيح من عندي ولي حاب يزيد يتفضل
سلام

[أنور]

يعني في حالة لم يعطك استمارة، هوما اللي يبعثوك ؟

[سطايفي19]

المشاركة الأصلية كتبت بواسطة أنور

يعني في حالة لم يعطك استمارة، هوما اللي يبعثوك ؟

نعم على ما أظن لان الاستمارة هي التي تعكس الوجهة التي اردت تختيارها

[mamunezma]

wi khouya ya3tik saha

[محفوظ البسكري]

نعم هكذا اخي


انا قالي مانعطيكش الاستداعاء وقالي رانا بعثناهولك و هو ملحقنيش
قوتلو دبر راسك اخدملي نسخة تانية
كذبت بيه قولتلو راهم بعثوني من الولاية ليكم الله غالب شغل حقرني هكا واحد
كنت نقول في نفسي اه يا لوكان جيت لا بس غير ندير فيه المنكر

بصح الله غالب هههه

[souhil sisou]

حبيت نسقسيكم....واش هوما الثكنات لي يمدلك تخير هل يعطيك وحدة و لا زوج مثلا و لا يمدهملك كامل

[سطايفي19]

المشاركة الأصلية كتبت بواسطة souhil sisou

حبيت نسقسيكم....واش هوما الثكنات لي يمدلك تخير هل يعطيك وحدة و لا زوج مثلا و لا يمدهملك كامل

من اي ولاية انت اخي
شوف اخي في السابق كان يعطيك تخير 3 ثكنات
اما الآن يعطيك الاستمارة وتكتب فيها الثكنة التي تريد اختيارها
وهو يقلك متكتبش في الاستمارة خليني انا نكتبلك بصح متخليهش يكتبلك لانو راح يكلحك

[souhil sisou]

المشاركة الأصلية كتبت بواسطة سطايفي19

من اي ولاية انت اخي
شوف اخي في السابق كان يعطيك تخير 3 ثكنات
اما الآن يعطيك الاستمارة وتكتب فيها الثكنة التي تريد اختيارها
وهو يقلك متكتبش في الاستمارة خليني انا نكتبلك بصح متخليهش يكتبلك لانو راح يكلحك

انا اخي من ولاية ميلة وراني حاب نخير الثكنة تاع البرواقية ولاية المدية و شكراااااا

[سطايفي19]

المشاركة الأصلية كتبت بواسطة souhil sisou

انا اخي من ولاية ميلة وراني حاب نخير الثكنة تاع البرواقية ولاية المدية و شكراااااا

ان كنت من ولاية ميلة ننصحك متخيرش هدوالمدرستين لانو الفائض فيهم قليل
شوف المدارس الشائعة كبجاية او الحراش

[عاشق العدالة]

أخي أنا هزيت أوردبل في جانفي ومكتوب فيه or معناه الاستدعاء الاول ولم أدهب
لأنهم بعتوني لعين أمقل في تمنراست ، هل أستطيع التطوع أم أني لا استطيع أفيدني بارك الله فيك سطايفي19

[KARIM 19]

na3am tastati3 khouya
diplom+chahadat ikama
twakal 3la rabi inchallah

[سطايفي19]

المشاركة الأصلية كتبت بواسطة عاشق العدالة

أخي أنا هزيت أوردبل في جانفي ومكتوب فيه or معناه الاستدعاء الاول ولم أدهب
لأنهم بعتوني لعين أمقل في تمنراست ، هل أستطيع التطوع أم أني لا استطيع أفيدني بارك الله فيك سطايفي19

هو مستواك التعليمي و هل الاستدعاء الفائت جبتو متطوع

[عاشق العدالة]

المشاركة الأصلية كتبت بواسطة سطايفي19

هو مستواك التعليمي و هل الاستدعاء الفائت جبتو متطوع

أخي 1 جامعي و تقني سامي في الإعلام الالي ولم اخده متطوع بل بعتولي إستدعاء وهزيت أوردبل من الدرك الوطني

[سطايفي19]

المشاركة الأصلية كتبت بواسطة عاشق العدالة

أخي 1 جامعي و تقني سامي في الإعلام الالي

يعطوك رتبة ضابط صفان كان الاستدعاء الفائت مجبتوش متطوع تقدر دير متطوع في هجه الدفعة
جيبلهم ديبلوم تقني سامي وشهادة الاقامة وعمر الاستمارة تاعك واتكل على ربي

[ma-vie]

يا الخاوة اعفسو على قلوبكم و روحو فوتو لارمي هادا لله غالب حاجة لازمة