الى موجوجوجو

ام حمزة22 · 2014-08-03, 13:43

سلام حبيبتي موجو
راني بعتلك هاد الصور للكاش ريدو ديالي كانت احد الاخوات طلبت مني نعطيلها ابعادو
حبيبتي هاد المودال يشبه لي بعتيهولي
اما عن الجهتين لي متصلين في الاعلى هادوك يتفصلو مثل البانو العادي برك ارفعي جهتي البانو و ركبيهم في الاعلى
ان شاء الله قدرت نفيدك واي سؤال انا في الخدمة حبيبتي

موجو جوجو · 2014-08-03, 19:20

سلام عليكم ام حمزة
اسمحيلي البارح دخلت عليك ديراكت في موضوع خاطي و تان بلا مانسقسي على احوالك و احوال العايلة

ايا سيدي
واش راكي لاباس و الصحة بخير و الزنزلة واش دارت فييك انا قعدت غير شادة بلاصتي و راجلي هارب لبرا ههههههه

و الغيبة راكي علابالكط كي يجي الموسيو نقعد غير لاتية بيه مايكفينيش الوقت للنات
الله لا يغيبك علينا

المهم يعطيك الصحة على الكاش ريدو
انا حبيت التفصال تاع هاد الزوج الغرونا ماشي ليبانو

باسك بصراحة خيطت كاش ريدو عند الخياطة و ماعجبنيش حبيت نزيدلو هاد العفايس
لقيت في غوغل مي مكتوب بالروسية واقيل مافهمتش

ادا تقدري تزيدي تفهميني علابالي بيهم يدو ميترا و نص و الباقي الله اعلم

موجو جوجو · 2014-08-03, 19:22

و بصحتك تان الكاش ريدو تاعك شباب يهبل
و سورتو كي درتيه فلاتغتنغ للاسف تاقتي فيها تلات ميترات و عشرين كمونديتلها لوحة من عند المينيزيي

ام حمزة22 · 2014-08-03, 19:53

حبيبتي راني رسمتلك الرسم بالزرب راني صايمة و ما بقاش الوقت للادان
ان شاء الله تفهمي رسمي
انا قلتلك هادوك القرون يجو كي البانو راني رسمتلك البانو وهاداك الخط الاخضر بينتلك كيفاش تكمشي البانو من بعد ترفديه للاعلى
الا حبيتي نزيد نشرحلك بعد الفطور نرجع ان ساء الله
اما عن الزنزلة دارت فينا خلعة كبيرة بصح شهدت وقعت في الدار زوجي قالي خرجي ما حبيتش قالي راكي تترجلي ما نكدبش عليك انا نخاف بزاف من الزلزال بصح كانت ختي عندي لتهيت نرش فيها بالماء ونفطن فيها خافت بزاف