غسالة الجي تتحرك كثيرا عند عصر الملابس

[امينة مناد]

السلام عليكم
البارحة اقتنيت غسالة الجي الاوتوماتيكية وعندما استعملتها كانت تتحرك كثيرا عند عملية عصر الملابس تتحرك اكثر من اللازم
فمن كانت له معلومات فليفدنني ولكم جزيل الشكر

[منال100]

وضعت فيها الملابس اكثر من اللازم
أنا عندي أريستون وفي أحد المرات كثرت فيها الملابس هي بدات تعصر وهي ولات تتحرك تقولي تشطح حتى اوقفتها ونقصت منبعد عصرت نورمال بلا ما تحركت

[ام سارة18]

انا تاني كانت تتحرك بزاف وكان المستوى ماشي كيفكيف جهة طالعة وجهة هابطة ومبعد سقمناه ولات ماتحركش

[himoprence]

راني كيفك اختي غسلتي lg و كي نعصر تتحركلي ياااسر والله ماعرف وعلاه

[miroumirou]

kima gatlek el oukht lazem trigli le niveau ou kayen yji maaha zouj traf sghar thattihoum taht les pieds avant bah ma tethrrekch !!!! maareftech kifah nfahmek !!!! choufi oukhti ekray mlih el catalogue li yji maaha daurk telkay el hall

[امينة مناد]

المشاركة الأصلية كتبت بواسطة himoprence

راني كيفك اختي غسلتي lg و كي نعصر تتحركلي ياااسر والله ماعرف وعلاه

السلام عليكم خلاص راني القيت الحل بعد خلع كبيرة من ورا الغسالة دبابيس كبيرة هي اربع دبابيس لازم نشيل الدبابيس بواسطة المفتاح الموجود بلغسالة ولقد وضعت هته الاخيرة من اجل حماية الغسالة عند النقل ..............البارحة ليلا وانا اتفحص النت وجدت عدة مشاكل وحلول للغسالة وهدا الحل وجدته في النات وكدلك في الكتالوك الخاص بها فانا لم اقراه في البداية جيدا
شكرا لكل الاخوات

[oumhana]

المشاركة الأصلية كتبت بواسطة امينة مناد

السلام عليكم خلاص راني القيت الحل بعد خلع كبيرة من ورا الغسالة دبابيس كبيرة هي اربع دبابيس لازم نشيل الدبابيس بواسطة المفتاح الموجود بلغسالة ولقد وضعت هته الاخيرة من اجل حماية الغسالة عند النقل ..............البارحة ليلا وانا اتفحص النت وجدت عدة مشاكل وحلول للغسالة وهدا الحل وجدته في النات وكدلك في الكتالوك الخاص بها فانا لم اقراه في البداية جيدا
شكرا لكل الاخوات

الحمد لله مصرالها والو خاطر هدوك الدبابيس قادرين يتقبو التنبورtambour هكدا قالنا اللي يبيع .الحمد لله مره أخرى وحذاري كتشري حاجه سقسي ديما كفاه تتركب كفاه تمشي على اأقل الواحد يحافظ على سويرداتو.

[حنين فتـاة]

حبيت نسقسيك اختي غسالة الجي مليحة شعال شريتيها حابة نشري وحدة لروحي لاني ساكنة مع العجوز ومنحبش نغسل بتاعها

[دموع الثلج]

انا عنديlg وكي شريناها ماقريتش الكاتالوج مليح صرالي نفس المشكل تاع الحس حتى نحيت 4دبابيس كبار من الخلف

[* دموع الشوق *]

مام انا عندي ال جي راهي روووووووووعة الاخت حنين فتاة ال جي 7 كيلو تكفي عايلة عادية و تغسللي حتا الكوفيرة الكبيرة
و ننصحك معاها اريال تخرج الكسوة تشعل حى البياض ناصع ما شاء الله
و لكن اختاري التقنية الجديدة direct drive
عذرا على الاطالة
و الاخت صاحبة الموضوع بصحتك الماشينة راهي رحمة من عند ربي

[* دموع الشوق *]

مام انا عندي ال جي راهي روووووووووعة الاخت حنين فتاة ال جي 7 كيلو تكفي عايلة عادية و تغسللي حتا الكوفيرة الكبيرة
و ننصحك معاها اريال تخرج الكسوة تشعل حى البياض ناصع ما شاء الله
و لكن اختاري التقنية الجديدة direct drive
عذرا على الاطالة
و الاخت صاحبة الموضوع بصحتك الماشينة راهي رحمة من عند ربي

[جهينة اليقين]

حابةنشري واحدة وراني خايفة تكون مقلدة او مغشوشة اشيروا علي من فضلكم

[titi119]

المشاركة الأصلية كتبت بواسطة جهينة اليقين

حابةنشري واحدة وراني خايفة تكون مقلدة او مغشوشة اشيروا علي من فضلكم

السلام عليكم
اشريها مباشرة من محلات LG اي من la maison lg هكا متخافيش تكون اصلية

[oumhana]

كما قاتلك الأختtiti119 أشريهامن عند LG مباشره مشي عندحانوت تاع إلكترو ميناجي . فيها ضمان وهايله أنا نحات عليا غمه و مندتش عليها .ونستعمل صابون سائل LE CHAT LIQUIDE عندو ريحة هايله وزاكيه نتنمى نكون أفدتك

[hiba hajer]

البارح شفت عند ال جي و لقيت عندهم غير تاع 8 كلغ قولولي تغسل الكوفارتير و الكوات للكبار و لا لالا قولولي رأيكم