كرهت شخصيتي - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

كرهت شخصيتي

موضوع مغلق
 
أدوات الموضوع انواع عرض الموضوع
قديم 2014-12-31, 13:38   رقم المشاركة : 1
معلومات العضو
مشكلتي
العضوية خاصة
 
إحصائية العضو









افتراضي كرهت شخصيتي

سلام عليكم دخلت نحكيلكم شخصيتي ضعيفة نحشم بزاف والناس تحشم راني كرهت انا خياطة وشحال خدمة وتعبت حتي بدون مقابل وفي طبعة نسكت يعني يلي يجي يبلعطني وديمة نتكلح واش نقولك حاول نبدل عقليتي مقدرتش ولله حتي اصبحت نقعد وحدي وقطعت ناس وليت موسوسة وزيد مرنيش هملت روحي بزاف وصبت راحتي معاك في هدا منتدي يعطيكم الصحة









 


قديم 2015-01-01, 00:11   رقم المشاركة : 2
معلومات العضو
حياة جلفة
عضو مشارك
 
إحصائية العضو










افتراضي

وعليكم السلام
اختي الحشمة عمرها ماكانت ضعف شخصية للمرأة ويمكن راكي تقارني روحك بزاف بغيرك فهاد النقطة (الحشمة) هادي ماهي غير جزء من شخصيتك والمقارنة خلاتك تعممي كلشي على شخصيتك انها ضعيفة
لازم تحاولي مانيش نقلك تندفعي بقوة ولكن اول الغيث قطرة لازم تبداي تعبري على رايك ابداي من الامور البسيطة بالنسبة ليك حتى للكبيرة وشوي شوي توالفي
اهم شي حاولي تتحاوري مع روحك مثلا كيما قلتي خياطة رح تتعرضي للاستغلال لانو تحشمي وديما تقولي مع روحك لوكان نطلب مقابل يقولو طفلة جشعة ومخلوعة ووووو
بصح شوفي مع روحك
ناقشي روحك انا تعلمت الخياطة صنعة ليا والصنعة مكسب رزق معناها انا لازم ناخذ حقي مقابل الخدمة اللي راني نقدمها
جربي المرة الاولى وماتهتميش لردة فعل الغير والمرة الثانية والثالثة درك تشوفي اكيفاه تعود ساهلة بالنسبة ليك
اصعب شي هو الخطوة الاولى صدقني وحتعودي فرحااااااااااااانة بروحك لانو كسرت القيد الي كان يربط
يمكن طولت في كلامي المهم ربي يوفقك ف العمل تاعك ويقويك
وماتهدريش مع روحك هكدا على اساس انو انت ضعيفة شخصية انت تحشمي صح بصحك ماكيش ضعيفة شخصية حاولي تتجنبي هاد الكلام مع روحك
وديما قولي انا قوية وجربي تطبقي خطوة بخطوة
وابتعدي على المقارنة لانها صدقيني تقتل شخصية الواحد وتخليه يكره روحو اتجنبيها وربي يوفقك










قديم 2015-01-01, 00:46   رقم المشاركة : 3
معلومات العضو
رجل اسرة حياته
عضو مشارك
 
إحصائية العضو










افتراضي

ولله عندي نفس المشكله الحشمة هذي مشكلة كبيره بسببها ما قدرت ندير صحاب ولا قدرت نهدر مع بنات ولله حرمتني من السعاده اصبحت انسان معقد يخجل جدا من البنات لم اتزوج بسب هذ الحشمة و الخجل اعيش الحزن الكبير بسبب هذه المشكلة










قديم 2015-01-01, 09:01   رقم المشاركة : 4
معلومات العضو
منار40
عضو مجتهـد
 
إحصائية العضو










افتراضي

والله نفس الموضوع حبيت اطرحو واش راحين انديرو لكن الحشمة مليحة والله الحشمة دلالة على النية الصافية وربي يخلينا هكا كامل والله اختي حقك ما تخليهش ايروخح انتاع لخياطة هدا حقك مي اعرفي كيفاه اديري وتتعاملي مع الناس الي ما يخلصوكش وربي يكبر رزقك في لحلال ان شاء الله










قديم 2015-01-01, 12:52   رقم المشاركة : 5
معلومات العضو
كلنا راحلون
محظور
 
إحصائية العضو










افتراضي

حياء مليح عند مرأة ومهلا في عملك لا لا لا في بعض مواقف لا مكان لوضع احاسيس وعواطف هاد عمل تجارة لا هادي عمتي خالتي جدتي فصلتي خياطة ادي عرق جبينك


اقتباس:
المشاركة الأصلية كتبت بواسطة مشكلتي مشاهدة المشاركة
وصبت راحتي معاك في هدا منتدي

ركزي على حياتك يومية وضعي اهداف.لا تركزي على منتدى صح انسان يستفاد منو اكثر















قديم 2015-01-01, 14:01   رقم المشاركة : 6
معلومات العضو
أم عبد الله السلفية
عضو مبـدع
 
إحصائية العضو










افتراضي

الحياء لا يأتي الا بخير










قديم 2015-01-01, 14:10   رقم المشاركة : 7
معلومات العضو
حبيبة زوجي 25
عضو مشارك
 
الصورة الرمزية حبيبة زوجي 25
 

 

 
إحصائية العضو










افتراضي

استهل مداخلتي هذه بالمثل الشعبي ... الذي يقول : الحشمة تزوجت وجابت .......... اضنك اختي تعرفي هذا المثل لذا اقول لك كل شيء في مكانو وكل انسان يدي حقو في هذ الدنيا نوضي وافطني على روحك . عذرا على كلامي هذا ممكن لا يرضي بعض الاعضاء .










قديم 2015-01-01, 14:19   رقم المشاركة : 8
معلومات العضو
طالبة علم شرعي
عضو مميّز
 
الصورة الرمزية طالبة علم شرعي
 

 

 
إحصائية العضو










افتراضي

سلام عليكم

هناك الخجل وهناك الحياء
الحياء شيئ جميل وله مواطن لكن اختي الكريمة ليس على حسب كرامتك
يجب ان تكوني قوية ولا تستهيني بنفسك ولا تعتبري نفسك ضعيفة ابدا
فضعف المراة هو سر قوتها
في عملك لا يوجد مكان للمشاعر ,, الا من رحم ربي فالانسان مرات يلتقي باناس تستحق ان نتساهل معهم دائما
لكن اختي كل وله مسؤوليات ومصاريف تثقل كاهله لذا احزمي أمرك ولا تتراجعي
اختي لا تهملي نفسك ابدا بسبب الناس ولا تابهي لكلامهم
اقول لك امرا

من لم يعط لنفسه قيمة ويحترمها لا يتوقع هذا من الاخرين
انت بشر كغيرك ولك عقل يمكنك تمييز الجيد من السيئ
اعيدي بناء حياتك من جديد وتوكلي على الله واستخيري في كل خطوة
وتذكري انك ان خطوت كل خطواتك بصدق وتوكل على الله عزوجل فالله لن يخيب ظنك ومن حفر حفرة لك سيقع فيها

لا تفقدي الامل استمعي للقران الكريم لانه اعظم دواء
واستفيدي من المنتدى قدر المستطاع بالايجاب طبعا واقرئي المواضيع من زاوية تجعلك متفائلة كي لا يؤثر عليكِ سلبا

كان الله في عونك
موفقة










قديم 2015-01-01, 14:24   رقم المشاركة : 9
معلومات العضو
G I R L
عضو مشارك
 
إحصائية العضو










افتراضي

صح الحياء يدير القدر للناس بصح سمحولي اللي قالوا الخجل مليح كاين فرق بين الحياء والخجل
الخجل حاجة ماشي مليحة باسكو تخلي الناس تتحكم فيك
انا عانيت مشكلة الخجل كانوا الاساتذة كي يحكوا معايا يولي وجهي حمر ومانعرفش نهدر
كنت كي نطلع للسبورة نولي نرعش ويحمار وجهي مالجري ههذي حاجة عاديةة
بصح تخلصت منها كي وليت في المتوسطةة قادرة تكون مليحة في اوقات واوقات اخرى لا يعني انا نحكي لي كان يصرا معايا

وبالنسبة ليك ختي الحل تاع مشكلتكك انك تولي تحكي مع الناس آلوغ غالط اللي درتيه كيما قطعتي علاقتك بالناس ووليتي تقعدي وحدكك ماشي لازم تعالجي مشكلة باكبر منها وتاع هملتي روحك لا لا راكي راحة تروحي مشكلة اخرى وحطي ثقة في نفسك وكوني قويةة










قديم 2015-01-01, 15:06   رقم المشاركة : 10
معلومات العضو
اخلاص المخلصة
عضو مشارك
 
إحصائية العضو










افتراضي

صحيح أختي الحياء شعبة من شعب الإيمان وجميل أن يتحلى به الإنسان المؤمن ،لكن ما تحدثت عنه هو خجل وليس حياء فعليكي أختي أن تعزمي على التغيير وأن تتفبلي نفسك أولا فهؤلاء البشر يريدون كل شيء دون مقابل لكن أنت تتعبين لهذا من حقك أن تأخذي أجرة .
حاولي أن تتغيري إجعلي شرع الله منهجك وتقبلي شخصيتك وغيري ما لا يعجبك فيها وهو الخجل الزائد .،وإياك والعزلة لأن الإنسان إجتماعي بطبعه وعليه أن يتعامل مع الناس يصبر على أذاهم ويتعلم من دروس الحياة
وفقك الله










قديم 2015-01-01, 15:07   رقم المشاركة : 11
معلومات العضو
first first
عضو مميّز
 
إحصائية العضو










افتراضي

عجبوني اغلب الردود ....الله يبارك
صحيح اختي الحشمة مليحة والحياء كنز..........................لكن الحياء من الله اولا والحياء من فعل اشياء منكرة وليست لها صلة بالمروءة
يعني لي يجي يبلعطك؟؟؟؟؟؟؟؟الناس اختي ماتبينيلهمش اكي نيه بزاف.............ولي ماتثقيش فيهم عامليهم برسمية وتفنني في وضع الخطوط الحمراء .
عندك ضعف...............والحقيقة اختي ماشي نعاير فيك رانا كامل نضعفو وكامل عندنا نقاط ضعف...........لكن الاكيد اختي ان لقوة يمكن ان تكتسب.
حاولي .....................علابالك اختي؟ ....................انسانة بحياءك وحشمتك والخير لي فيك ................كون تقوي شخصيتك شوية برك تولي قمة
حاولي.............الناس مريضةعقليا وشفاها ربي.....................انت شوية حشمة ماتخليهاش دخلك في قوقعة وتعتازلي الناس...............والله هادو لي قلتي بلعطوني ............اضعف منك ومايسواوش بصلة............مناه لي يسوا صح مايبلعطش والحشمة يحطها فوة الراس وقليل عليها
الله يعطيك ماتتمناي اختي الغالية










قديم 2015-01-07, 13:39   رقم المشاركة : 12
معلومات العضو
om mohamed 1960
عضو مجتهـد
 
إحصائية العضو










افتراضي

احتكى بالناس تكلمى ناقشى موضوع فى جماعة.اينسبة لخدمتك من حقك تدى الاجرة.










قديم 2015-01-07, 14:27   رقم المشاركة : 13
معلومات العضو
fethi viet
عضو جديد
 
إحصائية العضو










افتراضي

الحياء في المرأة جمال وفي الرجل فضل









قديم 2015-01-07, 21:00   رقم المشاركة : 14
معلومات العضو
NAWEL44
عضو مشارك
 
إحصائية العضو










افتراضي

اختي الحشمة مليحة للمراة لكن الحشمة عندها مواضع ماشي لدرجة تخليك تسمحي في حقك على حساب نفسك ضروري تحاولي تتغيري لمصلحتك










قديم 2015-01-08, 14:51   رقم المشاركة : 15
معلومات العضو
azo mohammed
عضو جديد
 
إحصائية العضو










افتراضي

لازم تبدلي العقلية لازم تبدل الصحبات وتوكلي على ربي










موضوع مغلق

الكلمات الدلالية (Tags)
شخصيتي, كرهت

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 06:14

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc