طبق بالجلبانة و سفيريات ........... على طريقة زُخْرُفَةٌ

[zokhrofa]

السلام خواتاتي ان شاء الله راكم بخير



الطريقة :


درت بطاطا مغلية و هرستها بالفرشيطة و خليتها تبرد

و حكمت لحم مرحي قليتو فالزيت و شوية ملح حتى طاب كامل

و خلطتو مع البطاطا و زدتلهم الفرماج و حبة بيض

و شكلت صبيعات و رمدتهم في الفرينة و قليتهم محمرين مليح

و طيبت في جهة اخرى درت في طنجرة زيت و حطيت افخاذ الداند خليتهم يتقلاو و زدت البصل من بعد جزر مقطع دوائر و جلبانة

زدت فوقهم ملح + فلفل اسود + راس الحانوت + كركم + ورقة رند صغييييييييرة بحيث ما يطغاش الرند على المرق

و خليه يتقلى شوية 2د و من بعد مرقي بالماء حتى يتغطى اللحم

و خليها طيب حتى تخثر المرقة و تولي تبان شابة و طايبة

و هكذا كي يطيب سقيه في الطباسة و حطي شباح هاذوك السفيريات انا شخصيا مزية ما شبحتهمش خاطش القرمشة تروح

اذا من الاحسن حطي السفيريات في طبسي اخر باش لي يحب يغمسهم في المرق يغمس و لي ما حبش ياكلهم وحدهم