مجتمع فاقد للاهلية

[كاميلا]

السلام عليكم
نعم للاسف هو مجتمعنا مجتمع فاقد للاهلية متعصب لطقوس الاجداد البالية لايحكمه الشرع والدين بل يحكمه الاهواء والقوة

دائما نرى ان الكنة هي المسؤولة عن كل ما يحدث من خراب في بيت حماتها او في بيت زوجها او في العائلة

فمثلا اذا رمى احد الذكور ابويه في دار العجزة فالبطبع ..............................الكنة هي المسؤولة ...............غبني وليدهم رضيع مزال متفطمش او مراهق رايع ميعرفش ...........او مرفوع عنه القلم ..........................تجي بنت الناس تحرشه .........اوب ليه ليه يطيش والديه اللي عاش معاهم عمر؟ شق قلبي لوكان رباو كلب حاشاكم ميديرش فيهم هكدا ..............لكن .الاصابع متوجهة للكنة ايا كان هي هي هي هي هي ......... والخطأ اين في التربية الخاطئة للابوين يعني ميربيوش ولدهم على طاعتهم وعلى برهم او حتى ممكن الشيء اللي داروه في الماضي تكرر رغم هذا الكنة هي المسؤولة


فمثلا اذا ابدت الزوجة رأيها في شيء ..................أمك اللي تحرش فيك .....................انتقل اصبع الاتهام من الكنة الى النسيبة ...................... وبالطبع ام الزوج منزهة عن كل الاخطاء 'استغفر الله' ام الزوجة فقط اللي تشعل النار ..............واحزروا الخطأاين الخطأ في الزوجين المفروض لا ام الزوجة لا ام الزوج يجب اعلامهم بالمشاكل رغم هذا الكنة وامها وكون جات ام امها حية ترزق وامها ميتة لوكان حصلوا فيها ...........

فمثلا لوكان الابن اناني لايحب الانفاق على ابويه يحب العيش عالى عليهم مع عائلته ..............اصبع الاتهام يوجه للكنة 'داتله دراهمه ' مخلاتش ولدي يعطيني دراهم ...................مرة اخرى تتحمل هي كل المسؤولية ...................


فمثلا حماة متعسفة تطلق كنتها لاسباب تافهة ...................تطلقت شخ تستاهل .......'كانت متسمعش لكلام ام زوجها تقولها اطبخي متطبخش '؟؟؟؟؟؟؟ظ اصبع الاتهام يوجه لها .........في حين شركاء الذنب اكثر من واحد


فمثلا زوج يحب زوجته يكرمها ويحترمها ............اصبع الاتهام للزوجة "دارتله سحور ".............. علاش يكسيها وعلاش يوكلها ............اذا مكساهاش ووكلها ؟؟مالا يصرف على بنت الجيران؟...............الزوجة هي المتهمة


فمثلا زوجة ومثلا ومثلا ............الامثلة عديدة ومؤلمة انا لا احاول الدفاع عن اي طرف بل احاول توسيع النظرة الضيقة لهذا المجتمع الفاقد للاهلية في اغلبيته ولا انكر في نفس الوقت ان لامثلتي العديد من الحالات المعاكسة التي سأتطرق اليها في موضوع لاحق

[adam1990]

مع ناس مثل هؤلاء لاينفع الا السكن الفردي

[كاميلا]

المشاركة الأصلية كتبت بواسطة adam1990

مع ناس مثل هؤلاء لاينفع الا السكن الفردي

والله واحيانا السكن الفردي لا ينفع اذا ماشتد شرهم بصح يا اخي علاش هكدا الناس تخمامهم معوج

[لمسة ابداع]

و الله ياختي الكريمة هدا المشكل تعاني منو كل الجزائر
شوفي ياختي كون تلقاي الكنة ناس ملاح لعجوز لا و العكس ثاني
المهمم اليي يحكم على خوه الريش حلال

[adam1990]

المشاركة الأصلية كتبت بواسطة كاميلا

والله واحيانا السكن الفردي لا ينفع اذا ماشتد شرهم بصح يا اخي علاش هكدا الناس تخمامهم معوج

الله غالب لو كلن جاو يعرفو الحقوق والواجبات من ديننا الحنيف ما يعملوش هاك

[الألماسة]

و الله تعبونا
علاش يدوا بنات ناس و يغبنوهم؟؟؟؟؟؟
واش يستفادو كي يعملو مشاكل و يخلو حياة الكنة تعيسة؟؟؟
و الله مازال ما فهمت كيفاش راهم يخمو؟؟

[chouchou w]

وش رايك يا اختي انو يوجد ازواج اغنياء اعيشو نساهم في الفقر يعني ميخليهاش تشري لحوايج لتبينها بلي عندها ورجلها عندو والعذر هو نسا خاوتي اغيرو وهبلو خاوتي
وخوتاتي اغيرو

كيتريكلامي اقوللها كراكي تشربي وتاكلي احمدي ربي ربي يهدي عبادو

[staifia]

والله يا اختي كاين عرايس ييقول الواحد نحطهم تحت المقصلة شياطين في حد ذاتهم

وكاين لي مظلومين لكن اغلبهم ظالمات

[كاميلا]

كاين اعضاء فهموني كاين اعضاء راهم مركزين على تقسيم الكنات الظالمات ومش الظالمات انا لا اتكلم عن كل هذا بقدر ما راني مركزة على فقدان الاهلية فقدان التمييز بين الحق والباطل علاش المشكلة عندها سبب واضح يلصقونها بالغير علاش مجتمعنا مايعترفش باخطائه

[كاميلا]

علاش راهو مجتمع فاقد للاهلية ميعرفش الحقوق والواجبات

[hodayena]

انعدام الثقافة انعدام الحوار الام تنسى وليدها كامل نهار يحب يتزوج تتفكر بلي وليدها يكون يعيط عليها ويدير الزبايل تقولك واعر وغير يتزوج مرتو حرشاتو وغيرها الاساس هو التربية وكي تنعدم التربية خلاص رانا في وقت كي تسمعي واحد يقولك ايه عندي الحق كي هدمت عايلتي على جال تخشان الراس ووالديه واقفين معاه انا نقولك اخلاق راحت والقيم راحت والمجتمع راه داير هكدا ايملا المجتمع راه يحص واش زرع والله يلطف بينا

حاجة واحدة الامهات الي سمعتها وحفضتها انا نزوج وليدي باه ميروحش للحرام يعني الزواج برك رقاد هدا الي الاهل راهم يربو ولادهم عليه ميربوهمش على المسؤولية والحق يزوجوهم باه ميروحوش للحرام لكن الحرام في كل مكان هل يعقل لام تزيد تشعل النار باه ولدها يطلق وكي يطلق مراهش همها واش يعمل في الليل وهي تدري سهراته مع التلفزة والنت الى غايات ساعة الاولى من الفجر وعدم حتى قيامه بالفريضة ومن بعد النوم الي الظهر والي يقعد في النت ويحل عليه الفجر وميصليش هل في النت يعبد ربي ومن بعد يقولك مصبرتش لوكان صبرت وساعفت الحالة ميوصلش لهاد الشي افهمووووووووووووووووووووووووووووووووووووووو

[wassim crunch]

بارك الله فيك اخي الكريم