السلام عليكم
بين الفينة والأخرى أكتب ابياتا تعكس ماجول بخاطري،ودائما عن قصص واقعية وأحداث في حياتي عاطفية أوغيرها ،والكل مدون خطيا في مذكرتي ،وبعضها عرضته في صفحتي الشخصية على الفايسبوك على شكل مقال حين كتابته.
و لم أكن أعلم بوجود منتدى للشعر الشعبي،لأنني قليل البحث في لائحة المنتديات،وما اتذكره هو المنتديات الاولى فقط الخواطر والقصيدة الحرة.
أقترح اليوم عليكم هاته القصيدة الشعبيةعن قصة واقعية وأتمنى أن تنال اعجابكم ،وانتظر آرائكم بواقعية.وشكرا
غادي نحكي القصية *** وسمعوا يا حضاار
ياك عشق الزين بلية*** دوخ كبار وصغار
عرفت طفلة وجدية*** وقلت مرحبا بالاقدار
مزينها بسمــيـــــة*** ومزينتها بحروف وشفار
القد مكمول عمرلي عينيا*** وكتبت فيها انظم واشعار
قلت هادي من عند ربي هدية*** ويلا كتاب انديرها فالدار
فوتنا العام وشوية*** بحب وغرام وغيار
حوسنا فزوان بركان والسعيدية*** وتعشينا حتى فبني درار
نعسنا على جنب الساقية *** وتمشينا تحت الامطار
قلشتها ويلا كذبت تشهد فيا*** ياك هاديك صفت المهاية الاحرار
------------------ *** مايفنضحوا فاسطار
هكذا كانت البدية *** وهالدشي باختصار
فات الوقت وتبدلت البنية *** وبقات كل مرة تجيبلي ايسطوار
هاوماجايني الخطاب عشية *** وانا مابيدي شوار!!
ومرة غادي نمشي لسبانيا*** وجدة مابقا فيها مايداار!!
هنا بانت صورتها الحقيقية *** وحبها من قلبي طار
قلتها الله يعطيك جلية ***و جرتي عطيها التيقار
غير انسيني ديري مزية*** شبعت منك وطفات النار
مزال تندمي علية*** ومزال تبكي جهار انهار
انتي ماشي مرة انتي حية*** وحمدت ربي اللي نفضحت الاسرار
كملت حياتي مانشوف مورايا*** الزهو والنشاط والتقصار
مانتيق فالبنت وكان تسجد ليا*** وياك الزين فالدفلة وهو حار
فات زمان وعاود بانتلها فيا*** ساعة فضحها مولانا الستار
الحجة شفتها بعينياااا**** انتي شيرا غي ديال طريطوار
دعوة الميمة راهي معايا*** "الله يبعد عليك الاشرار"
وصاتني "امَّا"بحمامة قمرية *** انجيبها بجهد الجبار
تكون غزالة وفيها النية*** نديرها مولات الداار
نمشيلها خاطب بوالدياا*** وانديرلها عرس كيفه ما صار
تجيبلي ولد ولا بنية *** يهز علام صباار
( تقرير عن مشاركة سيئة )، و الموجودة أسفل كل مشاركة .
2013-03-18, 12:03
غادي نحكي القصية *** وسمعوا يا حضاار - بقلمي
العرض العادي
