الخطوة الاولى...........لفتح ورشة خياطة

صاحب الامل · 2013-10-05, 15:41

من من لا تطمح بمشروع تجاري

في مجال الخياطة والتفصيل

عندك القدرة وراس المال

ولكن معلوماتك ناقصة في هذا المجال

نضع بين يديكي هذا الموضوع

للاجابة عن كل تساؤلات

اللي حاين يفتتحوا ورشة خياطة

اسالي عن كل شيئ

عن الماكينة

عن العمال

عن اجر العمال

المستلزمات اللازمة

....

الخ

وبالتالي على كل الخياطات اللي عندهم مشغل خياطة

يفيدونا بالامور اللزمة او الخطوة الاولى لفتح ورشة خياطة

sarra5 · 2013-10-05, 15:54

موضوع مفيييييد بزااااااااااااااااااف

ان شاء الله يلقى تفاعل من قبل المعنيين

ميمي مانو · 2013-10-05, 16:08

موضوع جميل والكثير بحاجة اليه اقتراح مني انو الخياطات يقولونا اسماء ماكينات الخياطة والمختصين يعملوا جدوى مشروع

الدنيا · 2013-10-05, 17:15

والله تقول طليتو على قلبي اريد معلومات حول الحصول على ماكنة خياطة من اونساج

ميمي مانو · 2013-10-05, 18:50

وكالة اونساج تمنح القرض اذا كنتي متحصلة على دبلوم خياطة عادية بقيمة ٦٠ مليون سنتيم والطرز قيمة اكبر

صاحب الامل · 2013-10-05, 19:40

يرجى من الاخوة عدم اكثار الردود الجانبية مثل ( شكرا ... موضوع رائع ...الخ) وهذا لكي يسهل على الاعضاء ايجاد الردود بسرعة

يرجى من الاخوة المختصين الاجابة على الاسئلة التالية
لانها ستفيد الاغلبية

هل 2 ماكنة خياطة + ماكنة سورجي (سرفلة ) + حديد بخار كبير + 2 مانكان
اضافة الى ( مقص + مترة+ ابر +.....الخ)

تكفي للبدء بورشة صغيرة

وكم تكلف

+

بالنسبة اللي راح يشغل 2
( واحدة للتفصيل + واحدة للخياطة) قداش ممكن يعطيهم للشهر

~ السلطانة ~ · 2013-10-05, 20:17

موضوع رائع جدا و غاية في الأهمية ... ان شاء الله يفيدونا الأخوة و الأخوات للي فاتحين ورشات انا نخيط غير لروحي برك و الحمد لله رب العلمين .

stayfiya · 2013-10-05, 21:58

مبروك الاخ عمر تبانلي. رايح تفتح مشغل. ربي يوفق انشاء الله نقدر نقولك انا عندي اتوليي صغير في الدار نقولك واش كلفني اوكي..!
مشينة اندوستريال سانجار تطرز و تخيط ستقامتلي 3ملاين و 900 و سورجيتوز ب 800الف بصح لاتوليي لازم نتاع 3 ملاين و لحديد ب 19 مية و زوليخة ب 160والف. نتا لازملك هي و لا فامي نتاعها. هههه و باقي التفاتف نتاع الخيط و لمقص مايكلفوش بزاف و ماتنساش لخزانة لي يحطو فيها القش و طابلة كبيرة للتفصيل هذا واش نعرف باقي الجهة القانونية و الكوميرسيال نشالله يفيدونا الاخوات بالتوفيق لكل واحد ناوي يخدم و اول واخر حاجة يتكل على ربي سبحانو و يعزم

فريولة ابتسام · 2013-10-05, 22:15

اقتباس:

المشاركة الأصلية كتبت بواسطة omar007

يرجى من الاخوة عدم اكثار الردود الجانبية مثل ( شكرا ... موضوع رائع ...الخ) وهذا لكي يسهل على الاعضاء ايجاد الردود بسرعة

يرجى من الاخوة المختصين الاجابة على الاسئلة التالية
لانها ستفيد الاغلبية

هل 2 ماكنة خياطة + ماكنة سورجي (سرفلة ) + حديد بخار كبير + 2 مانكان
اضافة الى ( مقص + مترة+ ابر +.....الخ)

تكفي للبدء بورشة صغيرة

وكم تكلف

+

بالنسبة اللي راح يشغل 2
( واحدة للتفصيل + واحدة للخياطة) قداش ممكن يعطيهم للشهر

شوف علئ حساب معلوماتي الماشينات تاع الخياطة اشحال شريت ملاح خاطر ايجي نهار وتحتاج ليهم بصح زوج يكفو في البداية والسعر ديالهم 3ملاين انا شريت واحدة غير كيما اما الماكينات تاع السرفلة واحدة تكفي مهما كانت الورشة كبيرة وتخسر شهرية تاع خدامة واحدة تخدم مليح خير من زوج نهار كامل وهما قاعدات يسناو الخدمة خاطر السرفلة ساهلة ماشي كي الخياطة اما السعر ديالها4.5مليون حتي5ملاين انا شريت واحدة4ملاين و900 اما المكوات تاع البخار فهي تساعد بزاف والسعر ديالها مليون ونصف تاع 1.5لتر و2ملاين ونص تاع3لترات ومن 3ملاين حتي4ملاين تاع5لترات تاع الماء ومكوات واحدة تكفي
اما كيفاه راك رايح تخلص الخدامات خوذو رايي خلصوهم بالقطعة ماشي بالنهار وعلاه........خاطر كي تحسبلهم بالقطعة واحدهم يزربو بلاما تراقبهم ويحاذرو على الماشينات ومايخسروهمشس باه مايحبسوش الخدمه لتصليح الماشينة وهكذا يضيعو الوقت ومايربحوش جورني مليح اما اذا خلصتهم بالنهار هما نهارهم طالع طالع خدموا ولا ماخدموش ويحوسو غير على فرصة باه يضيعو الوقت

loudjeine2000 · 2013-10-06, 09:13

سلام عليكم الاخوات نعم الورشة اصعب شيئ و اسهل مشروع في نفس الوقت يجب تكوني متمكنة في كل شيئ اول شيئ الي غاب على الجميع اني يلزم تكوني عندك نضرة تاقبة وحس نظري و تطبيقي و الاهم الاهم هو الكلام المعسول باش لي يجي عندك ما يبدلكش مهما يكون مشي كي ملي يدخل ونتي ...........الخ.ههههههههههه
وننصح الي تحب تفتح ورشة تبدا وحدة وحدا حتى تكبر الخدمة او المشروع تبتعد كليا على اللاونساج و كيما قالي اخي عمر كتر خيرو و الان نخدم وحدي بدون ان اكون مسؤلة على احد هذا يبقى رايي مع العلم الورشة لي رايحة انحلها تاع الافرشة ربي يفق كل واحد يحوس على رزق الحلال

نور المستقبل · 2013-10-06, 10:40

السلام عليكم الموضوع في غاية الاهمية انا بالنسبة اليا بديد وحدة وحدة لماشن شريت باوحدة بديت نتعامل مع الزبائن حتى تعودو عليا كل مرة نزيد نشري الشي اللي نحتاجو درت قراج طابلة كبيرة للفصالة وزد لماشن حى السرفلاج شريتها بصح منعرفش نركب ليها الخيط راهي في الكارتتونة انتاعها وكثرت عليا الخدمة حت مقدرتش عليها
اللي يخصني الان يد العاملة اللي نلقاها تحتاج لتعليم اكثر لانهم يخرجو من التكوين فارغين تلقى نفسك تعلم مكش تخدمكي يتعلمو يخدمو في ديارهم اما بالنسبة للخياطات المحترفات كل وحدة تقلك نخدم وحدي خير وشرط اساسي اللي يفتح مشروع لازم يكون خبير فيه مليح ويعرف كل شئ فيه باش مايتكلحش اما لخلاض الله اعلم يمكن باقي الاعضاء يفيدونا لانو فعلا موضوع يهم الجميع يريت اللي يفيدنا يكون عاش فعلا الوافع وشكرا

اسماء الجنه · 2013-10-06, 11:27

صباح الخير
تقول طليتو على قلبي نتمنى انكم تفيدوني لاني عندي دبلوم تع الخياطه بصح ملقيتش لينصحني وش لازم ندير بش نكون اتولي صغير
شكرا

ilbeldelmondo · 2013-10-06, 21:03

السلام عليكم
بالنسبة للجزء القانوني اشرحولنا واش لازم اكل
و الديبلوم اين يمكن التحصل عليه غير مراكز التكوين
و هل مراكز التكوين عندهم سن معين يقبلوه

صاحب الامل · 2013-10-06, 22:20

اقتباس:

المشاركة الأصلية كتبت بواسطة stayfiya

مبروك الاخ عمر تبانلي. رايح تفتح مشغل. ربي يوفق انشاء الله نقدر نقولك انا عندي اتوليي صغير في الدار نقولك واش كلفني اوكي..!
مشينة اندوستريال سانجار تطرز و تخيط ستقامتلي 3ملاين و 900 و سورجيتوز ب 800الف بصح لاتوليي لازم نتاع 3 ملاين و لحديد ب 19 مية و زوليخة ب 160والف. نتا لازملك هي و لا فامي نتاعها. هههه و باقي التفاتف نتاع الخيط و لمقص مايكلفوش بزاف و ماتنساش لخزانة لي يحطو فيها القش و طابلة كبيرة للتفصيل هذا واش نعرف باقي الجهة القانونية و الكوميرسيال نشالله يفيدونا الاخوات بالتوفيق لكل واحد ناوي يخدم و اول واخر حاجة يتكل على ربي سبحانو و يعزم

مساء الخير للجميع

الحمد لله راني نشوف الموضوع فيه تفاعل كبير وان شاء الله كامل تستفادو

الاخت سطايفية فيما يخص الماشينة 3 ملايين و900 الف .....هل تخيط كل انواع الاقمشة وما هو نوع الطرز اللي فيها ؟

سورجيتوز.......انا على حسب ما نعرف كاين نتاع 2 و 3 و 5...ولكن ما فهمتش وش يقصدو ب 2 و 3 و5 هل قصدهم عدد كبات الخيط ؟؟؟....وما الفرق بين كل وحدة

اما زوليخة ......ما فهمتش قداش السعر نتاعها هل تقصدي 160 الف ؟؟؟؟

omrahil · 2013-10-07, 11:12

سلام للجميع موضوع الاخ عمر مفيد وعملت عليه بحث مند مدة لما قررت نفتح مشغل صغير بصح كاين بزاف اللي نصحوني اني نعمل وحدي الا ادا كنت حابة نتعامل مع اصحاب الحوانيت وانا نحب حاجة فيها ابداع واتقان ولما نتعاملو مع حانوت والا2 الخدمة تكون ماشي مليحة كيما رانا نشوفو في المحلات لهداللي تحب تحب خدمتها تخرج مميزة صح تشري الات بصح تتعامل مع 2او3 توثق في خدمتهمفي الحرج والطرز ووننصح في البداية اللي حابة تتعلم كاين الماشينات القديمة يجيبوهم ناس الخارج للبيع يخيطو كل الاقمشة حتى بيزو المزعج للكثيرات مثلا انا بديت بماشينة صغيرة حقها 600 الف والان والحمد لله شريت ماشينة كبيرة خصصتها للطرز ب3 ملايين و2ماشينة صغيرة للخياطة ب 1 مليون للوحدة ولسرفلة اتكلحت وشريتها تاع لاشين ب700الف ماشي مليحة حطيت على وحدة جامسي ب4 ملايين وعني اخيرا ماشينة الميكرو ب30 مليون مع حديد بخاري و3 زوليخات ب 130 الف للوحدة وخزائن اكيد للحائط وطاولة كبيرة ب1.8 مليون مع ادوات الخياطة الاخرى وبدون ان انسى المئات من المجلات وخاصة الان ميكرو بتلفاز كبير لعرض الموديلات ولازم تسرقو صالو بيتكم كيفي ادا كانت عندكم مسؤوليات واولاد صغار كيما حالتي باش توفقو بين العملين وما تخسروش رجالكم وبيوتكم بالدرجة الاولى على بالي كثرت عليكم باتوفيق