جينواز بالشوكولا لعيون ايمان يمن و ليسقط الريجيم يا ايمان .....خخخخخخ

[انا هي رزيقة]

السلام عليكم هذ التار ت الجينواز درتها هذ الايام لي فاتت و طلبتها مني اختي ايمان يمن فجبتهلها من عيوني الاثنين تفضلي الوصفة حبيبتي .اولا ضربت مليح 6 بيضات مع 150 غ سكر حتي تضاعف حجم الخليط ثلاث مرات تقريبا ثم اضفت للخليط 180 غ فرينة مغربلة نقصت منها ملعقتين فرينة و عوضتها بملعقتين شوكولا بودرة مغربلة مع وحدة لوفور و خلطت بالسباتولا و رميت الخليط في مول مفروش القاع تاعه بورق الطهي و هذي هي النتيجة ثم قطتها على اثنين و للحشو استعملت هذ ياضفت اليها كاس حليب بارد و لكي اتحصل على كمية كبيرة من الكريمة اضفت نصف كاس بودرة الشانتلي و نصف كاس حليب و ضربت الكل مليح لكني تحصلت على كريمة بلون باهت فاضفت لها كمية من الشوكولا نوار حبيبات مذوبة فجاني الذوق امممم ثم حشيت الطبقة الاولى بهذ الكريمة بعد ان شمختها شوةي برك بسيرو الفريزة و قطعت على الكريمة 2 بنانات صغار ثم حطيت الطبقة الثانية تع الجينواز ثم شمختها ايضا بشوةي سيرو و غطيت كل الجينواز بالكريمة بهذ الشكلثم زينت الاطراف بخليط من اللوز مدقوق وحلوة الترك و من الفوق زينت التارت بشوكولا نوار و بندق