افرحوا يا جزائريين

[etoile filante]

غادر مهاجم مونشغلادباخ الألماني والمنتخب الوطني


كريم مطمور تربص ''الخضر'' قبل لقاء الغابون إلى ألمانيا، وأشار الموقع الرسمي للاتحادية الجزائرية لكرة القدم أن السبب الرئيسي هو معاناته من إصابة، غير أن ما جاء في الموقع الرسمي للنادي أول أمس 12 أوت الجاري، أي بعد يوم فقط من مغادرته التربص، أن اللاعب كريم مطمور تدرب بصفة عادية وكان في حالة جيدة، وهو ما أظهره الفيديو الذي تم وضعه في الموقع.

ليؤكد بما لا يدع مجالا للشك أن مغادرة اللعب للتربص لم يكن بفعل الإصابة وإنما لدوافع أخرى خاصة مع الإشاعات التي تحدثت عن دخوله في مناوشات حادة مع المهاجم عبد المالك زياية، جعلته يغادر التربص غاضبا، ويبقى الجانب الأهم أن ''الفاف'' ممثلة في شخص رئيسها محمد روراوة تواصل الضحك على الذقون كما يقال، من خلال تأكيدها على موقعها أن مغادرة مطمور للتربص كانت بفعل الإصابة. وإلى جانب تدربه يوما فقط بعد مغادرته التربص، أكدت جل المواقع الألمانية التي تطرقت إلى التشكيلة التي دخل بها فريق مونشغلادباخ أمس، إلى تواجد لاعب الخضر كريم مطمور ضمن التشكيلة الأساسية، كتاكيد أخر على أن مطمور لم يغادر التربص بسبب الإصابة كما أُشيع، وحتى وإن سلمنا بإصابته فإن تعافيه من إصابة على مستوى الكاحل لن يكون قبل أقل من 24 ساعة، وقد سبق وأن لمّحنا في أحد أعدادنا السابقة الى أن مسألة إصابة مطمور تبقى بعيدة عن الواقع، أو بالأحرى لا يمكن اعتبارها سببا رئيسيا لمغادرته التربص، مقارنة بإصابة وسط الميدان كريم زياني هو الآخر بعد أن أحس بآلام حرمته من خوض امتحان الغابون الودي إلا أنه لم يغادر التربص وتابع اللقاء من المدرجات، في حين أن مغادرة مطمور للتربص على جناح السرعة طرحت لنا أكثر من علامة استفهام واتضح جليا أنها كانت مبررة، بعد تدربه بصفة عادية أين سقطت جميع الأقنعة إن صح القول- ويبدو أن في الأمر ''إن''، ولكن بعيدا عن التخمينات سواء أكان مطمور دخل في مناوشات مع زياية أو مع أي لاعب آخر أو أنه تعمد الإختباء وراء الاصابة، في كلتا الحالتين الوضعية تبقى خطيرة ولا يمكن المرور عليها مرور الكرام أو السكوت عنها، على اعتبار أن مصلحة المنتخب فوق كل اعتبار، لكن يبدو أنها أضحت آخر اهتمامات ''نجومنا''، وهو ما جعل منتخبنا يعود إلى الوراء في كل مباراة من خلال غياب الإنضباط ووضع اللاعبين لمصلحة الوطن كآخر اهتماماتهم
المصدر
https://www.ennaharonline.com/ar/sport/66620.html

شجعوا المغتربين ............

[the fog1]

الخطا مش في اللاعبين راهو في المدرب الي مش قادر يتحكم
وراح يعاود ضربة الثمانينات
ديما نايضة مشاكل بين اللاعبين
و يستغبوننا و يقولونا مطمور مصاب
و نزيد نقولك حتى زياني مش مصاب كان لاباس عليه و غدوا يبان الخبر الصحيح من الراشي
و كون مايتنحش سعدان راح تتفركش ليكيب ناسيونال

[etoile filante]

عندك الحق قعدان هوالسبب الاول
لكن كيان بع اشباه اللاعبيبن يهتمون بانفسهم وليس بالمنتخب

[the fog1]

لاعبين بلا خطة ما عندهم ما يديرو
ولا علاقة يا خويا بان الاعبين مغتربين
انا كي نشوف بوقرة بلعب دفاع __وسط___هجوم نعرف بلي هذا لاعب يلعب من قلبو و نعرف بلي كاين مدرب فاشل

قولي وين شفت مدرب ميتحركش من مكانو طوال المبارة لا هوا لا الطاكسيور الي معاه
نقولك معندناش مدرب

[red moon]

أنا نشوف بلي هاد ليكيب لازم تتنحى خلاص
و يديروا في بلاصتها شبيبة القبائل راني نشوف بللي راهم أحسن فريق في الجزائر...
على الأقل شبيبة القبائل نتاوعنا وليدات لبلاد ماشي مستوردين من فرنسا و يهدروا غير بالفرنسية...
زيد بزيادة يعرفوا يلعبوا مليح ماشي طول خاسرين كيما ليكيب نتاع الفستي نتاوع سعدان...
حتى المعلق قال كلمة نهار الماتش الودي بين الدزاير و الجابون قال بللي لعب المنتخب الجزائري ما فيهش أي شيء من التقنية فيه غير الإستعراض...
يعني ما يصلحوش باش يمثلوا الجزائر لوكان يبدلوهم و يديروا لاعبين من داخل الجزائر(أي جزائريين نتاع الصح) يكون أحسن...

[le physicien]

المشاركة الأصلية كتبت بواسطة red moon

أنا نشوف بلي هاد ليكيب لازم تتنحى خلاص
و يديروا في بلاصتها شبيبة القبائل راني نشوف بللي راهم أحسن فريق في الجزائر...
على الأقل شبيبة القبائل نتاوعنا وليدات لبلاد ماشي مستوردين من فرنسا و يهدروا غير بالفرنسية...
زيد بزيادة يعرفوا يلعبوا مليح ماشي طول خاسرين كيما ليكيب نتاع الفستي نتاوع سعدان...
حتى المعلق قال كلمة نهار الماتش الودي بين الدزاير و الجابون قال بللي لعب المنتخب الجزائري ما فيهش أي شيء من التقنية فيه غير الإستعراض...
يعني ما يصلحوش باش يمثلوا الجزائر لوكان يبدلوهم و يديروا لاعبين من داخل الجزائر(أي جزائريين نتاع الصح) يكون أحسن...

pffffffffffffff n'importe quoi !!!!!!

[أحمد الوفاق]

مع واحد ضعيف الشخصية كيما سعدان كل شيئ جائز

[✗ ┋ وَړْﮃَةُ آلـﭴَزآئـړْ ┋ ✗]

مع سعدان كل شيء ممكن لازم يتبدل المدرب هذاك بأسرع وقت ولازم تتبدل ليكيب كامل

سعدان كان لازم يستدعي عناصر من شبيبة القبائل و وفاق سطيف

ويقولك القوة الهادئة ما بقات لا قوة لا والو لوكان دزوا يطيح

[Lolito]

زياية دائما محقور

ولاد الجزائر تاع الصح دائما محقورين........لازم تهدر لفرونسي باه يعطيوك قيمة

[etoile filante]

ما نخافوش ربي كاين

[*سلامة*]

المشاركة الأصلية كتبت بواسطة the fog1

لاعبين بلا خطة ما عندهم ما يديرو
ولا علاقة يا خويا بان الاعبين مغتربين
انا كي نشوف بوقرة بلعب دفاع __وسط___هجوم نعرف بلي هذا لاعب يلعب من قلبو و نعرف بلي كاين مدرب فاشل

قولي وين شفت مدرب ميتحركش من مكانو طوال المبارة لا هوا لا الطاكسيور الي معاه
نقولك معندناش مدرب

صح عندك الحق

انا تاني نقولهم ان الاعبين يلعبو قلب ماشي قضية مدرب وتاكتيك وغيره


لوكان ينحنو سعدان يتنحى الهم على الجزائريين والله اعلم

[سارة 18]

المشكل في سعدان وفي الخطة
اللاعبين كي نشوفوهم يلعبو في النوادي تاوعهم والله غير ننخلعو زعما لعب تاع الصح
بصح في المنتخب ومع سعدان كلشي يتبدل
البارح زياية سجل وبودبوز سجل
وااش نفهمووو؟؟؟

[ريم13]

النفاق يا جزائريين نتوما مالييه والله نشوف فيكم كثر من المصريين نهار لي كان سعدان وداكم للمونديال اوووووووه سعدان هو المدرب الحقيقي لي لازم يقعد وكي بدى الفريق يتمايل راكم تزيدولهم بالسبان والشتايم
المشكلة مراهاش فالمنتخب ولا المديرب المشكلة يا وراها فالشعب لي مايخلصش للمنتخب بلادو وللمدرب

[the perfect2]

معاك يا الخضرة

[imad cabiste]

عندك حق نشجعو اللي يبهدلو خير نخسرو معا دينامو والترجي تعقد علينا في بلادنا ...........وووووو
+
منين جبت الخرطي هذا ربي يهديك
النهار وعلاه النهار جريدة

النهار تكتشف كوكب جديد
النهارتنفرد بنشر خطة كابيلو في كاس العالم
النهار النهار النهار

باين راو غالبك رمضان