كريمة caramélita مجربة تفضلوا

أم عائشة 10 · 2012-11-09, 18:30

créme caramélita

في كاسرونة قومي بتسخين 3/4 لتر من الحليب+ 125غ سكر+الفانيليا
في صحن قومي بخلط 4 صفار بيض+2ملعقة أكل مايزينة معمرين جيدا بعدها اضيفي الحليب عليهم الساخن مع التحريك المستمر

نرجع كل الخليط على نار هادئة مع التحريك حتى تثقال +نقطة من l'extrait de café

(أنا نحط ملعقة صغيرة من نسكافي في الحليب قبل ما نزيده على الصفار)

ضعي الكريمة في قوالب زجاج صغيرة تبرد شوية

من جهة حضري البياض
في صحن كبير ضربي 4 بياض البيض+رشة ملح من2إلى 3 دقائق ثم اضيفي 80غ سكر قلاصي حتى يصبح ثلج+ قطرات من عصير اليمون

قومي بالتزيين فوق الكريمة مثل تارت

وحاولي صنع الكراميل أنا نستعمل ساشيات تاع الكراميل لموجودة في الفلان أعملي خيوط فوق المورينغ وإذا حبيت بمصفات الحليب

رشي من الفوق بشوية نسكافي أو كاكاو ونتركها تبرد في الثلاجة

ملاحظة

1-ممكن تلوين المورينغ

2- الكريمة جاتني شوية حلوة فعملت 100غ سكر في مكان 125غ
بالصحة و العافية

نورالحياةسوف · 2012-11-09, 19:23

يعطيك الصحة

نورالحياةسوف · 2012-11-09, 19:26

ان شاء الله نجربها ونقولك

أم عائشة 10 · 2012-11-09, 20:46

مشكورة على المرور إن شاء الله تنجحي فيها وتعجبك
راني نستعمل هذه الوصفة منذ سنوات و يمكن تعملبها في قالب زجاج كبير

أم عائشة 10 · 2012-11-09, 20:53

مشكورة أختي على مرورك الطيب
إن شاء الله تنجحي فيها هذه الوصفة راني نصنعها منذ سنوات
يمكن أيضا وضع الكريمة في قالب زجاج كبير شفاف بدل قوالب صغار

mıryam · 2012-11-09, 22:03

caramelita شحال عندي وانا نحوس على هاذ الوصفة
بصح تعيشي اختي les photos ماحبوش يبانولي حابة نشوفهم و ماعرفتش كيفاه ندير
اذا تعرفي قوليلي كيفاه merci حنونة

ام رامي · 2012-11-09, 22:06

يعطيك الصحة هذي صح بنينة بزاف خاصة في الصيف أنا نعملها منذ كنت صغيرة و مازلني نعملها و إسمها °° les iles flotantes

أم عائشة 10 · 2012-11-11, 02:50

مشكورين
هذه شهادة أعتز بيها يا أم رامي أنا هذه الوصفة علمتهالي جارتنا من العاصمة
فحبيت تعلميني الوصفة تاعك أكيد أحلى كيما تعرفي هذه الكريمة كل واحد والوصفة نتاعو
يعطيكم الصحة

أم عائشة 10 · 2012-11-11, 02:57

اقتباس:

المشاركة الأصلية كتبت بواسطة mıryam

caramelita شحال عندي وانا نحوس على هاذ الوصفة

بصح تعيشي اختي les photos ماحبوش يبانولي حابة نشوفهم و ماعرفتش كيفاه ندير

اذا تعرفي قوليلي كيفاه merci حنونة

يا أختي العزيزة مشكورة على المرور مازال ماتعلمتش إدراج الصور المشكلة عندي
أدخلى النت وأطلبي les iles flotantes