طريقة أكيدة لتصبحي ربة بيت سعيدة

[رندة.]

الفراشات الغائبات: جهينة، اريج، سالي......
ان شاء الله يكونو بخير ويطمنونا عليهم في أقرب فرصة
يومكن موفق

[arwa alaa]

صباح الخير عليكم يا فراشات
واش راكم

[ام شمسو محمد]

أصبحنا و أصبح الملك لله رب العالمين رب أسألك خير هذا اليوم فتحه و نصره و نوره و بركته و هداه و أعوذ بك من شر ما فيه و شر ما بعده .
صباح الأنوار أروى ، رندا ، سي ، فرحة ، أم البنين ، أم هاجر ، أم متين ، غزالة و كل الفراشات الحاضرات منهم و الغائبات .

[ام شمسو محمد]

فراااااشااااااتي الناعمااااااات
في خميسكم هذا زيدو تمسكو بالعروة الوثقى و الحبل الشديد حيث السلام و الإطمئنان و الأمن " عن الله أحدثكم " و الزمو منهج النجاة بصلاتكم و نافلتكم و صدقاتكم و أذكاركم و دعاءكم و استغفاركم و بركم و إحسانكم ....و اعملو جهدكم ماتظلموووووووش أنفسكم .
و التفتي لخلَْقك الكريم و اعتني بجمالك و استمتعي بدوش أو حمام أو ماسك أو تزييين ....هذا الشي أكيد راح يرفع مزاااجك .
و كيما كل يوم هيؤو منازلكم للسعااااادة بتنظيفها و ترتيبها :
نظفو ما تم استخدامو و أعيدو كلشي لمكانو .
ترتيب الأسرَّة .
تنظيف الحمام ( أجلكم الله ) .
تفقدو الغسيل .
و حسب أسلوبكم مررو المنفضة و المكنسة و الممسحة .
في ربع ساعة على الأقل نظفو حاجة في الكوزينة .
و لأنو نهاية الأسبوع استبقو أيامكم بالتحضييييير .
لنهاية الأسبوع فكريلهم في وجبات طيبة و حركات مميزة و جلسات ممتعة ..
و فكري في محيطك أهلك و أحبابك و أصحاب الحقوق منك و صححي نيتك فيهم بقصد وجه الله تعالى في كل ما قدمتي و أخرتي : بري والديك ، زوري خاوتك ، أكرمي أهل زوجك ، عودي مريض ، تفقدي غايب ، باركي للفرحان ، سلٍّي الحزين ....
و بالتأكيد ما تنسايش نفسك و أسرتك : حوسي ، ديري شوبينغ ، روحو لمطعم .....ما تخليش الأياااام الحلوة تفوووووتك .
و خططي للأسبوع المقبل : وجباتو ، مصروفو ، مواعيدك ، خرجاتك ، عنايتك ....
أثناء تخطيطك بالورقة و القلم رتبي بعض الأوراق ( غالبا يديرولنا نقاط ساخنة ) ، و كي تطلي على الثلاجة تشوفي وش ينقصك ديريلها ربع ساعة تنظيف مع خزانة الأغذية ...
تحليييييق موفق و سعيييييييد .

[ام شمسو محمد]

أنا اليوم أتحدى نفسي في المطبخ في عشرين دقيقة :
نغسل النافذة و الأبواب و نظف الأرضية .
العناية درت الخيار في عينيا 10 د .

[غزالة1]

المشاركة الأصلية كتبت بواسطة ام متين

غزالة ونسيتي تقولي العاصفة التي لا تقتلك تقويك

و علاه راني نحسك شريكتي ( 😉 انا ننسى و انت فكريني هههه)سبحان الله نحس انو هناك نقاط مشتركة بينا
صباح الخير على كل الفراشات

[ام شمسو محمد]

لبنات ليوم جبتلكم طريقة manucure برفيسيونال في الدار و في خمس دقايق برك ...
أولا نذكركم بلي الفرني راه يمنع الما من الوصول إلى الأظافر و باالتالي لا يصح الوضوء به ، و لكن إذا كان عندك مناسبة أو في حالة العذر أو إذا كنتي راح تهدي سهرة لزوجك ...
وش لازم تحضري :
_ مقلم الأظافر lime à angle يكون بلاستيكي ، يلا مالقيتيش يكفيك ال الكوبونقل .
_ عصير ليمون .
_ كوتون تيج .
_ طلاء ملون حسب اختيارك .
_ طلاء شفاف .
_ إذا كان عندك polissoir أو صاقل هذاك اللي نرطبو بيه الأظافر.
ابداي :
_ دقيقة حضري عصير الليمون .
_ دقيقة حطي أصابعك في عصير الليمون باش تبيضيهم و تنحي القشور في البشرة المحيطة بيهم .
_ دقيقة قلمي الأظافر بعدما تقصيهم عدليهم بحركات من برا للسونطر ميش va-et-vient تضر الأظافر و تضعفهم .
_ إذا كان عندك بوليسواغ ملسي الأظافر هذيك النعومة تعطي بريق للطلاء .
_ دقيقة ديري طبفة طلاء شفافة لحماية الأظافر لأنو الطلاء الملون يصفرهم ...خليه ينشف
ا بداي في الطبقة الأولى من الطلاء الملون 3 ضربات الأولى في الوسط ولخرين على الجوانب ، اذا قستي البشرة غطسي الكوتون تيج في ال dissolvant و امسحي خلي الطبقة لولى تنشف و زيدي طبقة اخرى من الطلاء الملون خليها تنشف و ديري طلاء شفاف مرة اخرى باش تلمعي الطلاء تاعك .
هذا هو المانكير البروفيسيونال ديريه في الدار و بمكونات منزلية مايديش كثر من 10 د.

[ورود الندى]

صباح الخير عليكم حبيبتي أم شمسو سمحيلي خرجت شوي على الموضوع لكن مالقيتش النصيحة وماحبيتش نقول لأمي وخياتي، حبيت نقولك بلي صح عندي غير عامين زواج مي والله العظيم نحاول نرظيه في كل أمر ولا تعود لازم رايو في كلش ومايدير والو كلش انا عاونتو بكلشي كريتلو حانوت وعمرتهالو كرا الدار ومصاريفي انا وبنتي عليا وجامي قلتلو عليهم والدار تشعل ومانطلب منو والو وهكاك وديما يعيط ويكسر بنتي البارح والات تبكي فرات وماتت بالخوف كي شافاتو هكاك كي كنا ساعات نداوسو ديما انا لي نروح نصالحو والف هكا هذا المرة حلفت أم نصالحو تعبنيييييي

[Oum Mohamed123]

السلام عليكم
اسعد الله صباحكم

[sali kanouza]

السلام عليمم ورحمة الله تعالى وبركاته
واش راكم فراشااتي حبيباتي توحشتكم بزأااااااااف خلاصتلي النترنيت واايوم راني عند اهلي
ان شاء الله تكونو كامل بخييييييبر
نراجع ونولي

[ام تينة]

جزاك الله خيرا ام محمد

[ام تينة]

تقع في مأزق تقول: يا رب ، يقول لك : لبيك يا عبدي ،إن عرفتني في الرخاء أعرفك في الشدة
(فاني قريب أجيب دعوة الداع)

[ام تينة]

- عن حزنك ؟
هناك صلاة
- عن ضيقتك الفجائيه ؟
هناك قرآن
- عن أمنياتك المستقبليه ؟
هناك دعاء
- عن النعيم الأبدي ؟
هناك جنة.

[ام تينة]

قال ابن القيم رحمه الله :
أهل البلاء✋â‌Œ
هم أهل المعصية وان عوفيت أبدانهم
وأهل العافية هم أهل الطاعة وان مرضت أبدانهم

[ام تينة]

لهي ! كل فرح بغيرك زائل ، وكل شغل بسواك باطل ، والسرور بك هو السرور ، والسرور بغيرك هو الزور والغرور.