طريقة أكيدة لتصبحي ربة بيت سعيدة

[ام شمسو محمد]

لبنات هاي بعض وصفات التقشير المنزلية سهلة و بسيطة و مكوناتها متوفرة في كل بيت ( تتماشى مع السهل السريع و الطبيعي اللي ما يديلناش الوقت ) .
_ استعملي السكر : هذا أسهل أنواع التقشير و يعتبر كلاسيكي : ديري 2 مغارف سكر ونصف ملعقة صغيرة زيت من اختيارك: الزيتون، اللوز ... حطي الخليط على وجهك ودلكي بلطف مبعد شلليه. إذا كانت بشرتك حساسة، بدلي الزيت بالعسل.
_ استعملي السميد :حبيبات السميد هي مقشر جيد للوجه لأنها لا تحدث تهيجا في الجلد. امزجيها مع الماء والزعتر وإكليل الجبل للتنقية وإزالة العيوب.
_ الزبادي yaourts : يعتبر قوماج مرطب و مهدئ خلطي 2 مغارف ياوورت مع 2 مغارف لوز مرحي ديري على وجهك حكي اغسلي بالما الدافي .
_تقدر القهوة تساعدك ديريي قوماج للجسم. ، فهي غنية بالفيتامينات ومضادات الأكسدة. للقيام بذلك، ببساطة امزجيها مع جال الاستحمام و طبيقها بعد الاستحمام مع التأكيد على المناطق الصعبة (المرفقين والركبتين والقدمين)، وشلليها بالما الدافي .

[Oum Mohamed123]

السلام عليكم
واش احوالكم

[omelbanin]

Essalamo alaykom ,twahachtkom habibati,
alf mabrooook habibti sii ,yetraba fi ezkom inchallah
kont ntabae fikom nim el hatif ,
we rakom ellah ybarek,dert elbareh tekcheer besekor we zit zetoon wei kars,ejebni sahel we mlih

[ام شمسو محمد]

فراااااشااااات نكملو مع موضوع العناية بعدما حطيتلكم خلطات تقشييييير ، الآن نعطيكم أقنعة و لكن قبل ذلك نتعرفو على المواد المنزلية اللي تصلح للتجميييييل و خصائصها :
_ الموز : غني بالبوتاسيوم و يمكنه منع أو الحد من التجاعيد .
_ العسل : عندو خصائص مرطبة و يعتبر مضاد للأكسدة و مهدئ .
_ الأفوكادو l' avocat :يزيل الشوائب من الوجه بفضل محتواه العالي من حمض الفوليك و الفيتامينات C, B6 , A , E
_ الليمون : يبيض و يزيل لي تاش .
_ بياض البيض : فعال جدا في السيطرة على الدهون الزائدة المسؤولة على توسيع المسام و الرؤوس السودااااء .
إليكم ثلاث وصفات بهذي المكونات :
1. قناع ترطيب مع الأفوكادو والموز والعسل: امزجي حبة موز ونصف حبة أفوكادو ناضجة حتى تصبح ناعمة تماما. إضفي ملعقة كبيرة من العسل وخلطي و حطي على وجهك .
2_. قناع مع الليمون والعسل: خففي ملعقة من العسل في ملعقتين من عصير الليمون و استعمليها .
3. قناع قابض لإزالة اللمعان بالأفوكادو و البيض والليمون: افصلي بياض بيضة. هرسي نصف حبة أفوكادو ناضجة بالشوكة، أضيفي بياض البيض وملعقة من عصير الليمون ثم تخلط جميع المكونات حتى الحصول على عجينة متجانسة ..

[فرحة العمر]

السلام عليكم
الجانب الديني ولله الحمد تم وغسلت المدخل مافيهش حوايج بزاف وصغير تاع باطيمات وزدت غسلت باب الصالون والتاقة بقالي غير تسياق الصالون مخلياتو للغد بإذن الله باه يساعدني فيه الزوج وحطيت القش يتغسل وراني نشرب في قهوتي
عندي شوية صوف بغيت نغسلها ونقيها بصح البارح كي نقيت منها شويا قتلتني ااحساسية واليوم نضت مسكرة طول ويديا ماناهدروش كامل عنايتي راحت في ساعة هل ممكن نخبيها ونخليها حتى نزيد ونجبدها ونقيها ونزيد نغسلها ولا لازم نغسلها ونقيها وباه نقدر نخبيها جاوبوني يعيشكم
أنا في تنظيفاتي مانيش متبعتكم لإني حامل في السادس وكاين إحتمال نزيد في السابع قلت نظف ضرك ونبقى نطبق قاعدة 20 د في التنظيف باه نحافظ على تعبي

[رندة.]

اهلا وسهلا ام البنين الحمد لله على سلامتك راكي طولتي الغيبة، راهي قالت لنا حياتي كلها امل انو تخسرتلك التابلات، ماتخليش الاولاد يلعبولك بيها ياسر .
فرحة العمر شكرا على النصيحة بخصوص الماء والتنفس من أجل ترسيخ الرسائل الايجابية.

[فرحة العمر]

إدعيولي نزيد في تسعة وطبيعية وما تتنحاش البلاكة الي مدايرتها

[فرحة العمر]

المشاركة الأصلية كتبت بواسطة randa2017

اهلا وسهلا ام البنين الحمد لله على سلامتك راكي طولتي الغيبة، راهي قالت لنا حياتي كلها امل انو تخسرتلك التابلات، ماتخليش الاولاد يلعبولك بيها ياسر .
فرحة العمر شكرا على النصيحة بخصوص الماء والتنفس من أجل ترسيخ الرسائل الايجابية.

العفو أختي انتم ثاني ساعدتوني بزاف وأي فكرة نقراها ولا نشوفها ونطبقها وتنجح معايا نحطهالكم
ماتنساونيش في الدعاء برك

[رندة.]

مرحبا أم شمسو:
يعطيك الصحة على الاهتمام راني سجلت كامل وصفات التقشير والاقنعة الي قدمتيهم، انا كنت نستعمل السكر والزيت أما السميد اول مرة نسمع بيه، وثاني كنت سمعت بلي الثلوى تاع القهوة الي تكوني طيبتي بيها ماترميهاش ديري بيها قوماج لليدين تنحي كامل الطبقة الميتة وترطبها.

[رندة.]

المشاركة الأصلية كتبت بواسطة فرحة العمر

إدعيولي نزيد في تسعة وطبيعية وما تتنحاش البلاكة الي مدايرتها

مرحبا الاخت فرحة العمر: ان شاء الله ربي يتمم لك حملك على خير، وتولدي طبيعي ماتتقلقيش وأدعي ربي

[ام شمسو محمد]

وصفة 1: لغلق المسام مهما كانت نوعية البشرة :
إذا كان لديك بشرة باهتة والمسامات كبيرة، هذي الوصفةالمنزلية تعطي للبشرة صفاء و بياض في نفس الوقت فقط بثلاث حركات :ا امزجي ثلاث ملاعق من العسل مع ملعقة صغيرة من عصير الليمون. خليها تريح 15دقيقة قبل الشطف بالماء الدافئ .....العسل يعمل على تنعيم نسيج البشرة و ترطيبها .
بدل الشطف بالما يمكن استخدام ماء الورد .
وصفة 2: ترطيب البشرة الجافة
مزيج من اللوز المطحون مع نصف ياوورت . اللوز ينعش البشرة و يجددها ... استعمليه أيضا في التقشير للحصول على تأثير مضاعف .
طريقة أخرى :: امزجي نصف أفوكادو مع ملعقة كبيرة من زيت الزيتون وملعقة من العسل. هذي الوصفة مغذية جدا، هذا القناع تقدري تستعمليه أيضا على الشعر الجاف .
لإزالة احمرار الوجه، بسبب البرد مثلا حضري شاي البابونج (مهدئ ومضاد للالتهابات). طبقيه بعد ما يبرد بعلى وجهك باستخدام كمادات عندو تأثير فوري!.
وصفة 3: تنقية البشرة الدهنية
للبشرة المختلطة أو الدهنية، المكون الأساسي هو عصير الليمون اللي يعيد الإشراق للبشرة.
الطريقة : امزجي ملعقتين من الطين الوردي (ليس الطين الأخضر قاسي على البشرة ) مع عصير نصف ليمونة. خليها تريح 15 دقيقة قبل الشطف بالماء الدافئ..
وصفة أخرى: اطبخي نبات القراص واضيفي بضع قطرات من ماء الورد أو عصير الليمون خليها تبرد قبل تطبيق الخليط على الجلد، وتجنبي منطقة العين والشفتين. هذه الوصفة تعمل حتى في مجال العناية بالشعر على الشعر الدهني!
بالنسبة للي عندهم حب الشباب قناع دقيق الشوفان مناسب ليهم! خلطي ثلاث ملاعق منو مع الماء وعصير التفاح والقليل من الخل. خليه يريح لمدة عشر دقائق. اشطفي مع ماء الورد. والنتيجة مدهشة!

[ام شمسو محمد]

أهلا بيك حبيبتي رندا و فرحة العمر ربي يتمملك حملك بصحة و عافية .
أم البنين أشرقت لأنوار ازربي القاي حل باش نشوفوك و بصحتك القوماج .
مرحبا بيك أم محمد أسلوب الفراشة سيستام يقوم على عناصر تحرك بعضها ...أكيد ما تقدريش ديري شغل الدار في عشر دقايق و لكن كون تربطيها في عموم النظام راح تلقاي روحك تقدري صدقيني و النتيجة أكثر من راااااائعة .

[arwa alaa]

ام شمسو شكرا على الوصفات

[arwa alaa]

اهلا ام البنين توحشناك هذي غيبة

[haninefadwa]

السلام عليكم ورحمة الله وبركاته شكرا لك أم شمسو على هذه الوصفات في نهاية الاسبوع سأحاول تطبيقها أم تينة نحن ننتظر وصلاتك الايمانية