كيف يرضى الوالد

[مشكلتي]

والسلام عليكم

المشكله تخص اخت لي , لكن في البداية خليوني نشرحلكم وضعية دارنا

الوالد : قاري , واصل , لابس عليه , ولكن معظم حياته لاتي بنفسه ... سعات يبان لينا شوي اناني ,
الوالدة : قارية , فاهمة , قاسية جدا , معقدة بزاف

التشابه بينهم كبير ولكن قد تكون قسوة الوالدة وتعديها فينا حنا لبنات كثر , مع ان العلاقة مع خاوتي لولاد ماشية بالدلال والاغداق بالمادة وغيره , يعني الطفلة عندنا مضطهدة جدا والله , لا خرجات لا دخلات مع انه كلش يكون باحترام وغير منافي للادب ولكن فقط ضغط × ضغط × ضغط
حتى الاقارب منروحوش ( يعني عندنا مثلا شي 3 سنوات او كثر مشفناش ني خال ني عم ( لاسباب تافههة مثلا الصبايات ميخرجوش , الصبايات ميحسوش , الصبيايات ميلبسوش , الصبايات مامامماماما 0.......) يعني حتى الاقارب ميجوش عندنا والعلاقة معاهم كعلاقتنا بالغرباء (عايلتنا حنا فقط))

المهم عندي اخت في عمرها 25 سنة سبق وتقدمولها خُطاب ولكن الوالد يرفض بحكم الدراسة ومكملتش لقراية , (حابنا جميعا نكملوا دراسات عليا)

قبل سنتين تقريبا لما كانت ختي 1 ماستر عرفتها صاحبتها على صديق خطيبها , كان جاد معاها جدا وناوي الخير , بقاو يحكو شهر تقريبا ولكن مرة وهي تحكي معاه حكمها اخي , وصراو مشاكل بزاف وكبارت لحكاية وكانو حيبطلوها ولكن تصلحت الامور شوي , وبقات ضغينة فلاسرة ...
المهم هذا الشخص كي عرف بلي صرا تقدم , ولكن الوالد زاد جنونه وتقابض معاه ,
بقى عام وهو يحاول والوالد رافض رفض قاطع , ختي حاولت تهدر مع الوالدة شحال من مرة بصح لا حياة , غير الصداع الغواث المشاكل ومكاين والو
المهم هوما بقاو ع تواصل قليل جدا (وشراك فيلمان , كاش جديد فلحكاية ...)
هذي الصيفية هدرو خاوت الراجل مع الوالد وقالهم بالحرف منستقبلكمش ومنستعرفش بيكم
خلى خالته (عجوز كبيرة) تحكي معاه وقالها اعطوني الاسم واللقب وفيها خير , ولكن فات شهر ومردلهمش حتى عيطولوا وقالهم لا معنديش طفلة للزواج
بعثله شحال من مرة ناس ومحبش وغير رااافض
ختي حالتها ماشي حالة , كاره حياتها ومتعلقه بهذا الانسان , وهو يعني تبهدل بزاف في جرتها وسمع حتى كلمات ماشي ملاح من الوالد ولكن باقي بتوسط عند ناس عله يرضى بيه

هي الان احتمال تتوظف ههذا العام ومُقبلة على التسجيل في الدكتواره ( ن شاء الله تنجح) ولكن حابة هذا الانسان

(هي مستحيل توقف قدام الوالد تقوله مدني ..)

والحل ي خاوتي ؟ ياريت تنفعونا بشي طريقة لعل الوالد يرضى به ...

واسمحولي طولت , والكتابة داخلة في بعضها , بانتظاركم وربي يبارك فيكم