مشاركتي في مسابقة كيكتي الأجمل

[أم إناس]

الصلاة والسلام على رسول الله
السلام عليكم ورحمة الله وَبَارِكاته
هذه اول مشاركة لي في قسم المسابقات لي كيكتي الأجمل واتمني ان أكون في حسن ظنكم اخواتي احبابي وبعد تفكر قرارة ان اقدم لكم كيكة ملكة الشكولاطه
وان شاء الله تعجبكم وعلى بركة الله نبداء
اولا البسكوي بالشكولاطه
4صفار بيض
4بياض بيض
غ 100سكر عادي
غ 100فرينه
غ 80 شكولاط
20غ زبدة
فاني كيس وقشور القرص



نطلع بياض البيض حتى نتحصل على بياض مثل الثلج
ونضرب صفار البيض مع السكر وفاني حتى نتحصل على لاموس
وندوب الشكولاط مع الزبدة



وبعد كي تبرد الشكولاط نضيفه الى الخليط صفار البيض ونخلط
وبعد نضيف بياض البيض طلع ونخلط بالشوي من تحت الى الأعلى



وبعد نضيف الفرينه وتكون مغربله على ثلاث مرات



وبعد نديره في مول 25سم وندهنه بالزبدة وندخل الفرن على درجة 180درجه لمدة 8-12 دقيقة


وبعد نخرجه و نخليه تبرد ونقسمها على زوج

والمرحلة الثانية هي تحضير الكريمه او لاموس نحتاج
300غ شكولاط سوداء
3مغارف ماء مع 40غ سكر عادي
4صفار بيض
200غ كريمه شانتي



نضع في طاوى ندير الماء مع السكر في النار حتى الغلية الاول
نضرب صفار البيض مع سكر فاني وبعد نسكب السيرو على صفار البيض نسكبو على صفار ونطلع بالباتور حتى نتحصل على رغوة كريميه



نذوب الشكولاطه على حمام ماءي
ونطلع الكريمه شانتي

وبعد نضيف الشكولاط ذاءبة على الخليط صفار البيض مع السيرو ونخلط
وبعد نضيف شانتي ونخلط وبعد ندخله الثلاجة





المرحلة الثالثة وهي الطبقة المقرمشه
نأخذ كراب دنتال أو ديول وندخل هم الفرن يكون مش مالحين حتى يتحمرو وبعد نكسرهم بيديا 200غ
مع 150غ شكرلاطة الدهن مثل نوتيلا مع شوي زبدة ونخلطهم مع بعض





والمرحلة الرابعة التطبيق اي التنسيق
نأخذ البسكوي وننزع الحواشي مثل ماهو موضح في الصور





وبعد نأخذ المول لي مافيهش قاعدة وندير من تحت السيلوفان ونضع بيسكوي في وسط المول ويحب ترك فراغ بين البسكوي والمول
في الحواشي ونضع طبق رقيق من المقرمش لي خدمنه بالديول





وبعد نأخذ لاموس لي حضرنها ونغطي بيه البسكوي الطبق الاول



وبعد نأخذ الطبق الثانية من البسكوي ونضعه فوق الحشو ونزيد نغطيه كامل بالكريمه وندخلهاالمجمد


ونتركه في المجمد ليله كامل وبعد نحضر القلاصاج بالشكولاطه

103غ سكر
137غ ماء
70 غ كريمه
غ35 كاكاو
زوج أوراق الحجلاتين

نضع الماء مع السكر على النار حتى الغلايان وبعد نضيف الكاكاو ونخلط جيدا وبعد نضيف الكريمه ونخلط وبعد نضيف الجلاتين بعد ماشمخناهم في الماء بارد وبعد عصرنهم وبعد نخلط جيدا ونضعه في إناء وندير عليه ورق السيلوفان وخليه كي تكوني توجد في القاطو تاعك تخرجيه من الثلاجة وتحميه في الميكرواند وتزيين بيه القاطو تاعك



وبعد عند التقديم الكيكه نخرج الكيك من المجمد وننزع منه المول ونزيل الورق السيلوفان ونضع الكيك تحت المشبك






وأول شيء قمة بيه هو تحضير التزين بالشكولاطه
لازم الشكولاط ذاءبة ونفيخه هههه وبلو وعندي مول صغار بالسيلكون نخليكم مع الصور









ونخليهم مليح يبردو وبعد ننزع البالو او النفيخه بالشوي
ام المول ندخلهم المجمد وبعد مي يبردو نخرج هم وننزع هم بالشوي
وعند بيأس صغار دواءر تاع الكيس الحلواني حمايتهم في النار وبعد ثقبة بيه الشكولاطه الصغار بها يجو مثل هذا الشكل وبعد درت لهم الملمع الذهبي

وبعد خدمت الكرمال وشكلة بول بالخيط الكرمال ستعملة سكر فرشيط شوكة نديره في الكرمال وبعد ندير بيه خطوط وكي كملة نجمل خيوط الكرمال وتشكل بول كرة





ان ساء الله تنال إعجابكم اخواتي وضرك نخليكم مع الكيك
كيكتي الأجمل































الحمدولله انتهت المهم بنجاح وان شاء الله تنال إعجابكم اخواتي
انتظر كم وانتظر تعليقاتكم بفارغ الصبر
وأشكر كل منى شجعني اخواتي أحبكم في الله



في أمان الله