بطاطا شاورما ...... حصريا من مطبخي - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

بطاطا شاورما ...... حصريا من مطبخي

إضافة رد
 
أدوات الموضوع انواع عرض الموضوع
قديم 2015-03-29, 09:54   رقم المشاركة : 1
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










B10 بطاطا شاورما ...... حصريا من مطبخي

البسملة1



صباح الخير عليكم .

تكملة للوصفات اللي طلبتوها ........ ماتقولوش راهي راحت هربت وصفة البطاطا شاورما اليوم حبيت نحطها لأنها فعلا لذيذة جدا ومميزة أنا عاودتها 3 مرات فعلا لذيذة وتعجب أسرتي والبارح درتها عشاء للضياف طبعا لحسو الصحون وطلبو الوصفة ..... لذلك تأكدت باللي لازم اليوم نحط الوصفة .

راني قريب نرجع "مدام بطاطا'' من كثرة وصفات البطاطا اللي حطيت .



المقادير :
* حبة بصل كبيرة أنا ماكانش عندي عوضتو بالبصل الأخضر
* قطعة اسكالوب يعني نصف صدر دجاجة
* حوالي 1كغ بطاطا أو أكثر قليلا حسب أفراد الأسرة
* 3 فصوص ثوم
* 1 م ك هريسة
* 1 م ك موطارد
* 2 م ك مايوناز
* 2 م ك كرام فراش ( اختياري )
* 1 بيضة
* للبيشاميل : 2 م ك زبدة + 2 م ك فرينة + 3 كيسان حليب + ملح وفلفل اسود + ثوم بودرة + قطعة جبن أبيض .
* التوابل : ملح + فلفل اسود + كمون + فلفل احمر + ثوم بودرة
* الطوايش عفوا الأجبان : جبن أبيض + جبن مبشوراي نوع +كامومبير

* الطريقة :
- في مقلاة فيها شوية زيت نذبل البصل المقطع ما نحمروش فقط نذبلو مليح.
- نضيف الاسكالوب مقطع إلى مكعبات صغار + الثوم مقطع او مرابي ( انا الجاجة نتاعي بطبوطة ومتربية على العز شفتو قطعة الاسكالوب نتاعها قداش قطعتلي )
- نقلي حتان يتحول لون الدجاج من الوردي إلى الأبيض .
- نضيف الملح ومانكثرش + التوابل : فلفل أسود + كمون ( شوية برك) + ثوم بودرة ( ونكثر هههه ) + رشة خفيفة فلفل احمر .
- نبقى مرة على مرة نحرك حتى يتقلى مليح الجاج نتاعنا في التوابل ويبدى يأخذ لون.
- نضيف الموطارد والهريسة ونقلي 2-3 دقائق أخرى .
- نطفي النار ونضيف المايونيز + الكرام فراش ( إذا ماعندكش كرام فراش ماشي مشكل ) .
- نقلي البطاطا المقطعة إلى شرائح بدون ملح بلا ما نحمرها هذا مهم.
- نخلي البطاطا تبرد شوية ونهرسها مليح بفرشيطة وهنا سيدتي نفسي عن غضبك اتفكري : الأولاد اللي ماجابوش مليح في الامتحان ... الروبة اللي ماحبش راجلك يشريهالك .... سلفتك اللي طهرت بنها وماعرضاتكش ....جارتك اللي سلفت عليك السارفيس ومارجعاتوش ....وأخيرا عجوزتك اللي كل ماجي تسمع باللي طيابك ماشي بنين .
- نضيف للبطاطا المهروسة بيضة + ملح ( مانكثرش ) + رشة خفيفة فلفل اسود+ رشة ثقيلة ثوم بودرة + رشة خفيفة كمون .
- نخلط مليح الكل ونشكل كوريات نحشيها بشوية جبن أبيض .
- نحضر البيشاميل نتاعي ونركز انو نضيفلها 1 م ص ثوم بودرة يعطي طعم رائع للطبق نتاعنا . ننتبه البيشاميل لهذا الطبق لازم تكون كمية زاكية وتكون جارية ماشي ثقيلة.
- نحط شوية بيشاميل نغطي بيها قاعدة الصينية باش الكريات مايلصقوش .
- نستف الكريات في الصينية نتاع الفرن.
- نوزع خليط الشاورما فوق الكريات ( ماحطيتمش الشاورما من تحت لأنو تحترق وتلصق في قاعدة الصينية ).
- نوزن قطع من الكامومبير انا استعملت كريمة الكامومبير اللي ماعندوش ممكن يحط قطع جبن ابيض مع انو الكامومبير تأثيرو رائع في طعم القراتان .
- نصب بيشاميل بكمية وفيرة تغطي كل الطبق وتغمره جيدا .
- نوزع جبن مبشور على وجه القراتان وندخلوه للفرن . ما نخليهش يطول لانو كلشي راهو طايب باش مايتحرقش من تحت .
- يقدم بالهناء والشفاء فقط نتعامل مع الكريات برفق كي نجي نسربي باش ما تتفتتش .


أترككم مع الصور :






























الآن للكسولات :
- نستف مباشرة البطاطا المقلية شرائح في قاعدة الصينية ونحط فوقها الشاورما ثم قطع الجبن ونصب البيشاميل ونحط الجبن المبشور وندخلها للفرن .







طبعا الوصفة بنينة بلا مانقول ...............لاه نلعبو ؟



جربووووووووووووووووووووووه لذيذ جدا . خاصة إذا عارضة عجوزتك للعشاء هذا ماشي تحريض .





* ملاحظة : انا مانحبش الكمون لكن في هذي الوصفة يعطي ريحة وطعم مليح للشاورما وطعمو مايبانش نهائيا لأنو ماكثرتش . اما الثوم بودرة فهو جدا مهم في هذه الوصفة وتاثيرة خطييييييير .


باااااي عندي بزاف خدمة . باقي الوصفات تاتي تباعا بإذن الله .



تحياتي ................... لهومة .









 


رد مع اقتباس
قديم 2015-03-29, 09:58   رقم المشاركة : 2
معلومات العضو
alison dilaurentis
عضو مبـدع
 
الصورة الرمزية alison dilaurentis
 

 

 
إحصائية العضو










افتراضي

سسلامو...
امممممممك والله تبااان بنينة بزاااااف حبيبتي....خصوصا لشكلتيها كريااات جااات هباااال ....
قيد التجريب باذن المولى والف مغسي حبيبتي على الافادة...

مميزة والله..احبك في الله ياطيبة










رد مع اقتباس
قديم 2015-03-29, 09:58   رقم المشاركة : 3
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

بارك الله فيك










رد مع اقتباس
قديم 2015-03-29, 10:00   رقم المشاركة : 4
معلومات العضو
سلمى سوسو
عضو مشارك
 
إحصائية العضو










افتراضي

يعطيك الصحة إلهام لوكان تحطلنا وصفات إلي درتهوم في تلبازي تعاك والله غير عجبوني بزاف راكي تعرفي وحدة ي تكون تتوحم مع اني في الغربة كل اليوم نشوف وصفات تاعك










رد مع اقتباس
قديم 2015-03-29, 10:06   رقم المشاركة : 5
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










افتراضي

اقتباس:
المشاركة الأصلية كتبت بواسطة سلمى سوسو مشاهدة المشاركة
يعطيك الصحة إلهام لوكان تحطلنا وصفات إلي درتهوم في تلبازي تعاك والله غير عجبوني بزاف راكي تعرفي وحدة ي تكون تتوحم مع اني في الغربة كل اليوم نشوف وصفات تاعك

ربي يسلكك على خير اختي راني قاعدة نحط فيهم منين نقعد نحط وحد : حطيت وصفة العصير المجمد ووصفة تارت التفاح ووصفة البطاطا شاورما اليوم وبغذن الله رايحة نكمل وصفة السمك بصوص الليمون والقريوش والبريوش مانيش ناسية فقط راني خدامة ونسرق في الوقت سرقة .


اقتباس:
المشاركة الأصلية كتبت بواسطة alison dilaurentis مشاهدة المشاركة
سسلامو...
اقتباس:
المشاركة الأصلية كتبت بواسطة alison dilaurentis مشاهدة المشاركة
امممممممك والله تبااان بنينة بزاااااف حبيبتي....خصوصا لشكلتيها كريااات جااات هباااال ....
قيد التجريب باذن المولى والف مغسي حبيبتي على الافادة...
مميزة والله..احبك في الله ياطيبة

اليسون حبيبتي مواح مواح مواح والله ليكي وحشة حبيبتي أحبك الذي احببتني فيه صدقيني من القلب إلى القلب رسول حتى انا والله نحبك بلامانعرفك ويعجبني بزاف طيابك فنانة ماشاء الله عليك .


اختي idron0 كل مرة نقول نراسلك وننسى حبيت نشكرك بزاف على متابعتك وعلى المساعدة اللي راكي تقدمي فيها في المنتدى . ربي يحفظك زيجازيك بانية إنسانة طيبة جدا ... قبلاتي لك









رد مع اقتباس
قديم 2015-03-29, 10:17   رقم المشاركة : 6
معلومات العضو
جزائرية 16
عضو نشيط
 
إحصائية العضو










افتراضي

يعطيك الصحة اختي في ميزان حسناتك










رد مع اقتباس
قديم 2015-03-29, 10:28   رقم المشاركة : 7
معلومات العضو
momrazika
عضو مشارك
 
إحصائية العضو










افتراضي

والله انك مبدعة واكيد نجربها بادن الله شكرا حقيقة سخفتني بزاف










رد مع اقتباس
قديم 2015-03-29, 10:32   رقم المشاركة : 8
معلومات العضو
soriaalg
عضو متألق
 
الصورة الرمزية soriaalg
 

 

 
إحصائية العضو










افتراضي

مممممممممممممم ما شاء الله روووووووووووووووعة سلم هذوك اليدين ربي يحفظك ان شاء الله










رد مع اقتباس
قديم 2015-03-29, 10:34   رقم المشاركة : 9
معلومات العضو
wahibaazel
عضو مميّز
 
إحصائية العضو










افتراضي

تسلم الايادي ،مبدعة دمت لنا يا مسهلة الوصفات ،ساااااهلة وبنيييينة










رد مع اقتباس
قديم 2015-03-29, 10:37   رقم المشاركة : 10
معلومات العضو
ammmm
عضو مشارك
 
إحصائية العضو










افتراضي

هايلـــــــــــــــــــــــــــــــــة
الله يعطيك الصحة على كل شيء









رد مع اقتباس
قديم 2015-03-29, 10:42   رقم المشاركة : 11
معلومات العضو
مسيلية33
عضو مشارك
 
إحصائية العضو










افتراضي

بارك الله فيك اخيتي










رد مع اقتباس
قديم 2015-03-29, 10:48   رقم المشاركة : 12
معلومات العضو
fif1984
عضو مشارك
 
إحصائية العضو










افتراضي

جزاكي الله خيرا اختي انت فعلا مميزة واطباقك روعة ماشاء الله عليكي










رد مع اقتباس
قديم 2015-03-29, 10:56   رقم المشاركة : 13
معلومات العضو
ذكرى أبي
عضو فعّال
 
الصورة الرمزية ذكرى أبي
 

 

 
إحصائية العضو










افتراضي

بارك الله فيك عجبتني خاصة تاع الكسولات هاذي ركزينا عليها في الوصفات










رد مع اقتباس
قديم 2015-03-29, 11:41   رقم المشاركة : 14
معلومات العضو
tokio hotel
عضو مميّز
 
الصورة الرمزية tokio hotel
 

 

 
إحصائية العضو










افتراضي

شكرا حبيبتى على الوصفة ان شاء الله نجربها










رد مع اقتباس
قديم 2015-03-29, 12:01   رقم المشاركة : 15
معلومات العضو
ام ساجد
عضو برونزي
 
الصورة الرمزية ام ساجد
 

 

 
إحصائية العضو










افتراضي

اممممممممم يعطيك الصحة يا الفحلة طبق روعة

واحلى تقييم










رد مع اقتباس
إضافة رد

الكلمات الدلالية (Tags)
......, مطبخي, بطاطا, حصريا, شاورما

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 12:06

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc