أمثال فرنسية و الشرح بالعامية الجزائرية

[أم ميرال و آرال]

السلام عليكم

نتناول في هاذ الموضوع عبارات و أمثال فرنسية
و نمدلكم المعنى بالعامية الجزائرية او وقتاش يقولوه

أول واحد نبداو بيه:

Aimable comme une porte de prison
هذا العبارة تتقال تحريشة
شكون يحب باب الحبس؟؟؟ ماكانش
يقولوه للإنسان لي يكون مكبس، ديما رافد شنافتو،ثقيل على القلب،خشين في تصرفاتو

[أم ميرال و آرال]

L'habit ne fait pas le moine


المعنى الحرفي هو اللبسة ما تصنعش منو راهب

يعني اللبسة و المظهر الخارجي ما تعكسش الحقيقة تاع الانسان
الواحد لازم ما يحكمش على المظاهر

[أم ميرال و آرال]

عبارة:
Raconter des salades

تقابلها عندها يقلي في الحوت معناها راهو يكذب

[أم ميرال و آرال]

عبارة:


Avoir la frite

واش يقصدو بيها؟؟؟؟؟


تتقال للإنسان كي يكون en forme
يكون ناشط و المورال طالع

[أم ميرال و آرال]

المثل الفرنسي:

Avoir le beurre et l’argent du beurre

عندنا في العامية الجزايرية حاجة تشبهلها: احنا نقولو
يحبها بڨرة سمينة أو ما تعلفش


تتقال للانسان لي يحب الساهل ،يحب حاجة مليحة بلا ما يتعب عليها و بلا ما يصرف عليها

[أم ميرال و آرال]

مثل فرنسي يقول

A l'oeuvre on connaît l'ouvrier

المعنى أنو كي تشوف الخدمة تقدر تحكم على مولاها
اذا يتقن خدمتو أو لا،اذا عندو الذوق أو لا ،اذا نقي في خدمتو او لا
لانو الخدمة تعكس حب هذاك الانسان لخدمتو و اذا يتعب فيها او لا

[أم ميرال و آرال]

عبارة:

ça fait un bail

معناها مدة طويييييلة

كي يقولك واحد :
ça fait un bail que je t'ai pas vu
معناها عندي قرن او زمارة ما شفتكش

[أم ميرال و آرال]

ماذا يقصد بعبارة:

tomber dans les pommes

معناها يتغاشى

[أم ميرال و آرال]

العبارة الفرنسية:

se jeter des fleurs


القصد منها تمدح أو تشكر روحك أو غيرك
كي تقول: je me jette pas des fleurs
معناها مارانيش نشكر في روحي ( مارانيش نزوخ بروحي)،هاذي الحقيقة

[أم ميرال و آرال]

المثل الفرنسي:



Les conseilleurs ne sont pas les payeurs


أي لي رايي عليك مشي هو لي راح يخلص في اللخر
انت لي تتحمل المسؤولية
ناس قاعدة في ليتساع و ترايي عليك ،دير لي تخرج عليك

[أم ميرال و آرال]

ما القصد من المثل الفرنسي:


à beau mentir qui vient de loin

معناها لي يجي من بعيد و ماكانش لي يعرفوا يقدر يكذب
كيما يحب

[أم ميرال و آرال]

عبارة بالفرنسية تقول:

Avoir le dos large

القصد منها أنو الإنسان هذاك يتحمل بزاااااف

[أم ميرال و آرال]

Avoir quelqu'un dans le nez


ماذا يقصدون بها؟!!

معناها ابن آدم هذاك ما نحملوش، ثقيل على قلبي
ما نشموش كيما نقولو بالعامية

[أم ميرال و آرال]

تعبير باللغة الفرنسية يقول:

Faire les gros yeux

واش معناه؟


افتكر يماك نهار يجوكم ضياف أو كنت انت تلحس الحبة تاع القاطو و تحطها و تزيد ترفد وحدا أخرى
كيفاش تخزر فيك (الخزرة الأسطورية ) ذ
هذاك هو معنى التعبير

[أم ميرال و آرال]

Dormir comme un loir

هذه العبارة الفرنسية تقال للشخص لي يرقد و يطول بزاااااااف
في الرقاد

كيما نقولو في العامية رقد رقدة تاع موتى
Loir:حيوان من القوارض يرقد 7 اشهر في العام