إلى الآخ عبد الكريم1992 (تمرين ممتاز )

[conviction]

آخي بالنسبة لتمرين الكراريس 96 صفحة و120 صفحة ،، صقصيتني من قبل حول طريقة إستخراج الكميات المنتجة
شوف يا آخي ، أول حاجة لازم ما ديرش نفس الخطأ لي درتو أنا ،، كراس نوع 96 صفحة راه فيه 48 ورقة ،، يعني تحسب هكذا وليس بالصفحات

في المعطيات قيل لك أن الورق من مقاس 1 متر وزنه 80 غرام ، علما أن 1 متر يعطي 16 ورقة من كراس نوع 96 صفحة ،، أو 12 ورقة من كراس نواع 120 صفحة

هنا لازم تتوله ،، كراس 96 صفحة ياك فيه غير 48 ورقة ، وباش تنتج 16 ورقة لهذا النوع لازمك ( ورقة تاع 1 متر والتي تزن 80 غرام ) إذا 48 ورقة لازمها ثلاث أوراق تاع 1 متر أي 240 غرام ،،، و240 غرام كي نحولوها للكلغ ، نجد 0.24 كلغ ،،، يعني لإنتاج كراس من نوع 96 صفحة ،، لازمتنا نستعملو 0.24 كلغ من الورق ،،،
وفي المعطيات عطاك بلي تم إستعمال 300 كلغ لإنتاج كراريس نوع 96 ،،ما دام 0.24 كلغ تنتج لينا كراس ،، إذا تقوم بعملية خفيفة ظريفة تلقى بلي 300 كلغ تنتج لينا 1250 كراس من نوع 96

نفس العملية بالنسبة لكراريس نوع 120 ،، إلا أن في هذه الحالة ،، لإنتاج كراس واحد لازمتنا نستعملو 5 أوراق تاع 1 متر ،، أي 400 غرام (0.4 كلغ)

وما دام بقي لنا 200 كلغ من الورق ،، هذاك هو لي تم إستعماله لإنتاج كراريس 120 صفحة ،،، تقوم بنفس العملية وستجد أنه تم إنتاج 500 كراس من نوع 120 صفحة

نتمنى أنك تكون فهمت التوضيح ،، إذا ما فهمتش كاش نقطة ،، قولي فقط ،، ذرك نزيد نعاود نشرح أكثر

بالنسبة للناس لي ما عندهمش التمرين ، تفضلو هذا رابط التمرين

https://www.2shared.com/document/g-5RZHHC/img002.html


وهذا رابط الحل

https://www.2shared.com/document/SSIF...ouloul_96.html

[عبدالكريم1992]

بارك الله فيك أخي الكريم لقد وعدت ووفيت وشرح مبسط جعلها في ميزان حسناتك وجزاك الله خيرالجزاء وربي يوفق