توحشتك بالليل نضت نكتب

bakhta11 · 2012-09-27, 15:46

شحال من كلمة حب ليك كتبت ومازالني نسطر**** نهديلك مواج لبحر ووراق الشجر ونزيد نعبر**** ننقشلك حروف حبي في كل ربع منك ولا حرف نبحر**** نتمنى نعيش في كفوف يديك وتماك نرقد ونسقر **** نغلرق في سفون عينيك وفي دموعك نعوم ونبحر ****في النهار نغيس ونتململ ونخاف يجي الليل وعليك ما نصبر **** نرسملك الف خيال بحدايا ومع خيالك شحال كنت نسهر **** نرقدك نغطيك ونخاف نوض ويديك فوقي ما نجبر **** نظل نتقلب ونغطي راسي نخاف مي تشوف دموعي تنهمر **** مي اللي دارية بما فيا وتظل تقولي قدامك وموراك الصبر **** صبري وما تقوليش قليل والسكات سيف مجبر **** يلا ضحكتي جبري السبة والضحك يا بنتي بالعبر **** ويلا بكيتي ما تخلي دمعتك تفوت الخد ولا تحرق الشفر **** ويلا جاو الدموع ينفعو لوكان ردو باباك من القبر **** هذا كلامي ليك بيه سيري عمرها ما تعثرك الحجر **** قلتلها يا مي بيا حب القمر راه يطل عليا خطرة في ربع شهر **** يجي يساميني سوايع قلال وما يشبع منو النظر **** كي نشوفو يبقى فيا النص والنص الاخر ينشطر **** يرجف جسمي ينشف ريقي وليه ما نلقى ما نهدر **** نسكت ونفضل نشوف في عينيه و ببهاهم ننبهر **** ياريت القمر يطل علينا كل يوم وعن غيابو علينا يكفر **** محتاجين يضوي علينا الليا لي ويبقي علينا الستر

سلسبيل01 · 2012-09-27, 21:12

هاااااااااااااااااااااايلة بزاف يعطيك الصحة

اسماعيل تنس · 2012-09-28, 10:04

هايلة تشكر على محاولتك

فاطمة شلف · 2013-07-07, 11:22

waaaaaaaaaaaaaaaaaaaaaaaaaaaaaaaaaaaaaaaaaaaaa aaaaaaaaaaw

مسعود مصطفى · 2013-07-07, 17:24

نرقدك نغطيك ونخاف نوضك ويديك فوقي ما نجبر
هذا التعبير كيفاش لقيتيه
رائعة شكرا

AbuHossam · 2021-08-02, 18:39

دام وقعك الجميل وتوقيعك
الغافي على مناهل العبير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري