oreo أوريو بالشكلاطة هش و لذيذ من مطبخي

[remadna]

بسم الله الرحمن الرحيم

السلام عليكم و رحمة الله

كيف الحال اخواتي العزيزات، اليوم عندي لكم وصفة جديدة لا توجد في المنتديات و لا في الكتب . المهم الوصفة وجدتها صدفة في موقع فرنسي و جربتها مع التغيير في الوصفة (دائما يوجد تغيير) واعجبت كل العايلة شهية ذوقها يشبه الباتسري.أصبحت دائما توجد في مائدتنا في جميع المناسبات . الوصفة وعدت بها ام أسامة منذ يومين. اتمنى جربوها راح تدعيولي بالخير.

المكونات: 200 غ فرينة، 40 غ كاكاو (2 م ك)، 100 غ سكر أرطب، 2 بيض، 120غ زبدة، 1 م ص كربونات الصودا، 1/4 م ص خميرة ، رشة ملح، فانيلا. كريمة الزبدة مع الشانتي للحشو، شكلاطة للتزيين.
الكمية تكفي ل 18 حبة تقريبا حسب الحجم.
التحضير : تخلط الزبدة و البيض مليح أولا، ثم تضاف باقي المكونات الجافة مغربلة حتى تصبح عجينة طرية.


اعملي كعابر بسيطة باليد هكذا و اتركي مسافة 4 سم ، تطهى على نار متوسطة 4/10 مثل الصابلي مدة 10 د فقط


اتركيها تبرد ثم الصقي 2 بكريمة ، ثم بعد ان تجف اغطسي النصف في الشكلاطة


تفضلو تاكلو بالصحة و الهناء ، البنة ما عندي ما نقول.
اللي يذوق يتعجب في البنة تاعها اللي عمرهم ما ذاقوها


تذكروني في الدعاء