انطلاق أفضل تصديرة **02** - الصفحة 9

فريولة ابتسام · 2013-08-03, 16:26

اقتباس:

المشاركة الأصلية كتبت بواسطة sarra5

انا مع الاخ عمر في واش قال كااامل

التطبيقين فيهم حوايج ملاح وحوايج ماشي ملاح

لكن ك اجمال راائعة

و متعوب فيها

القفطان الوردي جميييل الا الاكمام تعاودي تضيقي فيها و القالون في الرقبة حسيتو شارجي

و القفطان الاحمر لو عملتيه لوحدة كبيرة راح يظهر جماله اكثر واكثر خاصة قصة الصدر و القالون الي فيها

اما الدانتيل الاحمر فرايي ك راي الاخ عمر لو عملتيه ابيض مع سمسم احمر يجي هبااااال

و العارضة الي عرضت القفطان الله يبارك عليها تهببل باربي الصغيرة ههههه

شكرا لك العارضة هي فريال اللي سميت عليها اسمي

خدوجة شكر · 2013-08-03, 16:36

اقتباس:

المشاركة الأصلية كتبت بواسطة biba04

يعطيكم الصحة بنات على المجهود المبذول مع اقتراب العيد اكيد تكونو تعبتو
تنفيذ خدوجة جيد ولاكن اختيار الاقمشة سيء وبالاخص قماش الاكمام اما فريولة التنفيذ جيد الحزام شوية لو ختارتي قماش ذهبي مع احجار احسن
وحابه نقولكم ماتزعفوش من التعليق راكم في المستوى
واكثر وقفاطن كيما هادو يحتاجو وقت اطول واتقان
باش يوصلو للمستوى الراقي
ربي يوفقكم

شكرااختي بيباعلى النقد البناء وربي يستر من الزعاف كيما قلتي الوقت ضيق والحال رمضان الحمدالله كيك وصلنا للفنال على خير

ام سارة ورقية · 2013-08-03, 17:33

الله يبارك اعمالكم رائعة
بالتوفيق للمتسابقتين
انا مبتدئة جدا في الخياطة لذا ما نقدرش نعلق على محترفات
راكم في القمة
والمسابقة رائعة نرجو ان لا تنقطع

sakura be · 2013-08-03, 18:11

سلام عليكم اخواتي
اولا نوجهلكم تحية تقدير واحترام على العمل نتاعكم واحترامكم للوقت والكلمة اللي قلتوها يعطيكم1000 صحة ...
الاخت خدوجة القفطان كان جميييييييل جدا وركزيلي على احزام واااااااو فقط الصدر يبالي ضيق ونضن خانك نوع القماش المستعمل في الصدر ولكن نرفعلك الشابو
اختي فريولة يعطيك الصحة وهاديك البوبية ربي يحفظهالك القفطان كان جمييييل ولكن كان حيكون اجمل لوكان الدونتال اللي في الصدر ماشي احمر واتبعتي اللون اللي في التصميم
على كل حال نتمنالكم التوفيق وتقبلو سلامي

bant beladi · 2013-08-03, 21:50

السلام عليكم ورحمة الله صح فطوركم. يعطيك الصحة أخت خدوجة لأنك وجدت قفطانك في وقتو أنا بصراحة معجبنيش لا من اللون ولا من الخدمة حسيتك درت حاجة وخلاص. معجبنيش اللون وهديك لنكوزة الي درتيها ما خرجتش عليه نورمالمو اديري دونتال أو لاموسلين بايتي. وكذلك الحرج هذاك القالون ماهوش مره تاع قفاطن. بصراحة كي ندنك ليه ولي التصميم. ديفرونس كبيره ممكن الإمكانيات ما ساعدتكش ولا الوقت. والذراعين ثاني نورمالمو يكونو سليم. المهم. ماهوش قفطان تاع تصديرة. بصراحة ماهوش المستوى الي بينتيه. في المرة الأولى والثانية. يعطيك الصحة وما تزعفيش عليا والرأي الأول والأخير راهو تاع الاستاذ. حظ موفق

bant beladi · 2013-08-03, 22:04

وإنني يا أخت فريوله يعطيك الصحة كذلك وربي يخلي لك هديك الببونة تهبل الله يبارك لك فيها. المهم انتي ثاني ما بينتي حتى مستوى القفطان كي نشوفو تاع بنات صغار يعجبني بصح للعروس وتصدر فيه لالا. أنا كيما قلت للاخت خدوجة حسب واش شفت راهي مسالة إمكانيات لأنو من ناحية الخياطة رانا شفنا المستوى نتاعكم نورمالمو درني لون الدونتال مخالف للصاتا باش يبين لونفرم تاع القطعة والقالون ثاني نورمالمون حاجة عراسي وفيها شويه بهرجة باه يمد للقفطان صبغة تاع عرايس. المهم كيما قلتلكم. هذا رأيي ومتزعفوش مني ربي يحفظكم واسمحولي. راني كثرت هدرة يعطيكم الصحة رانا استفدنا منكم ومن هده التجربة الرائعة وكان حلمي أني نشارك فيها. حظ موفق ليكم في زوج.

نور المستقبل · 2013-08-03, 22:42

صح فطوركم ياجماعة يعطيك الصحة ياخدوجة على المجهود المبذول وتعديك للوقت والضروف لكن فيما يخص القفطان اللي عملتيه حسيت اول ماشفت انك اهم شئ عندك انه يخلاص والسلام حتى نوع لقماش زاد نقص من قيمته اما الرقبة مخنوقة بزاف يعني راكي تعاقبي اللي راح تلبسه بصراحة سامحيني لكن اول ماشفته حسيت مفيهش اناقة
يعني اللي تلبسه متحسش انه لابسة قفطان مميز بارك الله فيك

نور المستقبل · 2013-08-03, 22:51

صح فطورك يافريولة اكيد احترامي وتقديري لكي على بذلك المجهود الجبار لكن هذا لا يمنع رأي الخاص في عملك هذه المرةالصراحة محسيتش بلي قفطان اساسا كل مابالي انه فستان لطفلة لاكثر ماكاسيتش اللو ن على الاقل يبان باهي فرد لون خلاه يفقد حلاوته واناقته عذرا عزيزتي

فريولة ابتسام · 2013-08-03, 23:17

بالنسبة للقماش الي استعملتو كان لازم عليا نديرو احمر ماعنديش اختيار واحد اخر راني حوست برج منايل كلها مالقيتش تول احمر على هذا جبت لادونتال ودرتو لطفلة صغيرة خاطر القماش لمليح مالقيتوش وانامارانيش رايحة نلبسو بهذا القماش والمدة اللي خدمت فيه هذيك الخدمة نهار واحد الوقت كله ضيعتو في التحواس تاع القماش وانا راسلت الاخ عمر في امكانية تغيير اللون بصح قالي لازم تتقيدي بذاك اللون بعد مرور3ايام على الوقت تاع المسابقة نتمنى تتفهمو الموقف اللى كنت فيه

ام مريم اسراء · 2013-08-04, 13:29

مساء النور احبتي الف الف شكر خدوجة و فريولة اكيد التحدي كان صعب و صعب جدا خاصة في فترة رمصان و مع تحضيرات العيد و المدة كانت قياسية بالنظر لاختيار التصميم و الخامة و التنفيذ يعني راكم كنتو في سباق مع الزمن و مع التحدي و متطلباته
بالنسبة لخدوجة لاسف كان اختيارك لخامة القماش مش موفق خاصة انك عملتيه بالارغونزا الي عيبها انها تجي واقفة كان يكون افضل لو عملتيه بالموسلين الوردي او القريبة من لون الجلد و القالون الازرق كان بامكانك تستغني عليه نفس الملاحظة بالنسبة للاكمام اما الباقي كان واو خاصة الجزام راكي نفذتيه بشكل ملفت الله يبارك لو كنتي اخترتي الستان ماروكان و الموسلين من فوق كان يطبع تحفة - خاصة لو اعتمدتي الشك بالشواروفسكي او الستراس اوتو كولون او حتى البايات تلسقيهم في شكل اعراف ..... لكن منظلمكش لانو راح يكلفلك بوتجي يمكن ميساعدكش مع رمضان اكيد يكونو لحوانت مقفولين لكن على العموم تنفيذ رائع

بلنسبة لفريولة العارضة كانت تحفة ما شاء الله و كان التنفيذ اقرب بكثير من التصميم المختار الذي كان موفق فكرة الدانتيل عجبتني ياسر يمكن لو استبدلتيه بقماش التول تخافايي بلون ابيض كان راح يولي خيالي او حتى تول عادي و تلسقي البايات في شكل اعراف راح يعطيه فخامة رائعة و فكرة الحزام بالدانتيل عجبتني جدا خاصة انو القفطان العصري بعد اكثر عن الشغل الزايد في الحزام و راي الاخ عمر كان صائب لو راح تظيفيلو و لو ديبايات ذهبيين راح يتكسر اللون و يبرز رسمة الدانتيل
شكرا انكم اعطيتونا كل الاهتمام و كل الوقت و كل الجهد و برهنتو فعلا عن تميزكما و كنتو قد التحدي
بارك الله فيكما
انا لو نصغر في السن و نولي قد العارضة الي خيرتيها و نلبس نفس القفطان الاحمر نتاع فريولة كنت راح نكون جد سعيدة بارك الله فيك عجبني تنفيذك
و سامحوني راني منعتبش عليكم لانو القماش الي في التصميم راه سبيسيال يجي لون الجلد كشغل كولون نسائية - لي با فان - و اكيييد اكيد مهوش متوفر عدنا

sarra5 · 2013-08-04, 13:51

اظن ان عامل الوقت و رمضان و التحضيرات للعيد منعتهم من الابداع

لانهن شطورااات

و القفطان لازملو وقت اكثر من هذا

انا نستعرف بيكم الي خلصتيوه في الوقت بصراحة

bant beladi · 2013-08-04, 16:22

مساء الخير على الجميع. يا درا لبنات واش راكم دايرين. أنا من الصباح وانا لازقة هنا دارتلي القلقة على النتائج يا مالا تنموا كيفاه راكم المهم هذي الطلة الأخيرة رايحة نصلي العصر ومن ثمة للكوزينة. بعد الفطور أن شاء الله نتلاقاو. هههههه نضحك معاكم برك. قلت نحيو الضغط شوية. حظ موفق. بأي باي

sakura be · 2013-08-05, 18:31

سلام عليكم
قلت اليوم 27 رمضان تظهر النتائج نضن ماجلينهم للعيد هههههه
ان شاء الله موفقات اخواتي علابالي شاطرات وبانت شطارتكم من البداية ومابقالي غير نقلكم صح فطوركم
وصح عيدكم