هل تقبلين الزواج من شاب يتقاضى 15ألف دينار؟؟!

[mtoussa]

السلام عليكم
في وقتنا زوج حوايش ما يتلقاوش الشباب و المال اذا كنت شاب ماعندش المال و اذا عندك المال هههه مش راح تكون شاب باستثناء بعض الحالات تعرفو واش نقصد
المراة اذا خطبها شاب تقول فقير و اذا خطبها كهل تقول كبير
دقيقة تخلطت عليا كثر من بكري : ديري مزية فهمي روحك واش تخبي وفهمينا معاك

الرزق على الله و حنا في هذه الدنيا للعبادة

سلام عليكم

[رحيق الايمان]

انا شخصيا قبلت بيه يعمل بشكل موقت و يسلك 1500000 و نقصو منها الضمان الاجتماعي 70الف مع انه خريج جامعة للاسف ما لقاش الخدمة المسابقة الى يروحلها مناصبها محكومين سلفا الحمد لله لانه استطاع بهذه الشهرية توفير منزل و ربي باركلو فيها وراه يوجد للعرس و يكمل في الدار بيها
انا طبقت قول الرسول صلى الله عليه و سلم كي قال كي يخطب من ترضون دينه و خلقه زوجوه اذن الشهرية و الخدمة ماش سبب باه نرفض انسان صالح ربي يسهل لكل واحد في الخدمة خاصة الرجال

[halim40]

hani rohak .................................................. ......

[hamid3840]

إجعلي ثقتك بالله ياأختاه .هو الذي يبسط الرزق لمن يشاء

[ANTARATFZC]

المشاركة الأصلية كتبت بواسطة tako02012

كلنا يعرف الظروف التي يمر بها الشاب الجزائري هذه الأيام من عطالة وبطالة



ويا سعد الذي وجد وظيفة ... وطبعاً أغلب الوظائف الجديدة عندنا إن لم نقل كلها متوفرة



في اطار "عقود ما قبل التشغيل" أي يتقاضى صاحبها 15000دج فقط مع العلم أنها



ليست باالوظائف الدائمة أو مضمونة الدوام...

فهل هذا المبلغ قادر على .. أن يزوج الشاب ... ويتتم به نصف دينه ؟؟

وهل تقبلين بزوج يتقاضى هذا الراتب ؟؟؟؟؟

أرجو أن تكون الإجابات والردود صريحة و واقعية.

شكرا

عذرا أخواتي انا اشارك بصفة خطيبي، أولا انا مخطوبة لشاب دخله الشهري 15000دج و في عقد الادماج، المهم صح ممكن تقولو قليل و خدمة ماشي دايمة، حنا نقولو الصح فالراجل اللي يحفر التراب و ما يخليكش تتهاني ولا تخصك حاجة، انا قبلت بيه لأنو ولد فاميليا خاطيه الدخان الشمة و الرباعة و الحمد لله رياضي مثقف، هادئ الطباع متفهم و الاهم انو مؤمن و تقي كل معاملاته معي أو مع غيري بكتاب الله و حسب سنة رسوله و ما اجملها من معاملة
سؤال للجميع من احسن انت أم فاطمة بنت خير خلق الله و من يكون احسن يا ترى رجل عامل بدخل شهري ........ أم الامام علي كرم الله وجهه الذي تزوج فاطمة رضي الله عنها بدرع كمهر؟
و اتموا هذا الحديث اذا جاءكم من ترضون........
و لكم اختيارات
1-جماله
2-معاشه
3-دينه و خلقه

[Sabrina ALG]

صراحة انا شفت بعيني ما حكاوليش واحدة راجلها عندو فيلا وتحتها 4 حوانت و سيارةكات كات و الحوايج الغاليين و الروايح و زيد و زيد لكن كي تزوجت بيه مشحاح كي تقولو مدلي 100 الف يخرجو عينيه و اخرى متزوجة من واحد يخدم عند الناس و الشهرية قليلة ما نعرفش شحال لكن يكملو الشهر بالدين لكن مرتاحة وتقول يحط الشهرية في يدي و يقولي اتصرفي فيها يعني ما عندوش او شبعان

الصح يتقال الشهرية القليلة وقت الشدة مثل المرض اللي يخاف العبد منها لما يقوقولك لي زاناليز بكذا او لا قدر الله تم تم ايطيح واحد و لازم عملية و ما اكثر هذه الحالات في الوقت الحالي منين اجيب ؟ حتى التسلاف ما يسلفولكش يقولو ما عندوش باه يرد و النساء يورحو للاعراس و تشوف غيرها واش مسابعيات واش محزمات وخلي و خلي لما تدخل للدار اوتوماتيكمو بلا حتى سبة تدخل بقرونها في السما و تحتقر راجلها هذه فطرة ما نكذبوش

انا رايي بعد هذه الديباجة الطويلة هههه ايلا يتحابو حب حقيقي ماشي هات برك ما نبورش يعني حب مبني على التضحية و الاخلاص رايحين يمشيو قيس الحال
ربي يرزقك و يغنيك بالحلال و يفتح لك ابواب الرزق و الخير
اقرا سورة الليل 40 مرة في الليل لمدة 40 يوم و ربي الرازق

[tako02012]

[quote=antaratfzc;8083679]عذرا أخواتي انا اشارك بصفة خطيبي، أولا انا مخطوبة لشاب دخله الشهري 15000دج و في عقد الادماج، المهم صح ممكن تقولو قليل و خدمة ماشي دايمة، حنا نقولو الصح فالراجل اللي يحفر التراب و ما يخليكش تتهاني ولا تخصك حاجة، انا قبلت بيه لأنو ولد فاميليا خاطيه الدخان الشمة و الرباعة و الحمد لله رياضي مثقف، هادئ الطباع متفهم و الاهم انو مؤمن و تقي كل معاملاته معي أو مع غيري بكتاب الله و حسب سنة رسوله و ما اجملها من معاملة

حفظه الله لك و أتم علاقتكما بنجاح............لعقوبة للزواج و الذرية الصالحة ان شاء الله

بالتوفيق أختي الكريمة