عاد بيا الحنين

[مشكلتي]

بعد اكثر من عشر سنين توقف عن الدراسة
لاسباب لايعلمها الا الله
ولايفهمها الا الله
فقد كنت انفر بشده من الدراسه وامرض واتعب
امسك كتاب واغلقه واعيده الى الرف
االان اعالج بالقرءان واشعر ان حنينا قويا يعيدني الى طلب العلم
ولكن فالمنزل

اكره الخروج من البيت لاني اتعب من وساءل النقل واشعة الشمس
والغريب فلامر اني صرت اعشق العلوم والفيزياء والعالم جسم لانسان وعلم الميكروبات وعالم الكواكب وعالم الاحياء حشرات ونباتات لاني كنت ادبيه
صار هذا العلم يثير شغفي واحبه كثيرا
واحب التعمق فيه
وامضي كل وقت افتش فالتلفاز عن قنوات واشرطه وثاءقيات جغرافيات حياوانات كيف تعيش
داءما احلم بالعيش فالصين لاني اعشق منطقهم وتقديسهم للعلم
هنا فالدزاير تدخل للفيسبوك تلقى غير لاباقار تاع عجوزة والكنه
حابسا الحاله



وكي تتزوجي ديراكت يقلك جبناك تسيقي وتعجني
عمرهم مايقولولك يابنتي زيدي كملي اقراي علم الفلك او علم الفيروسات
في الصين الام صارمه مع اولادها حتى يكونو في مدارس العباقرة فالرياضيات

مشكلتي اني ابحث عن حاسوب غالي الثمن ومرتبي الصغير لايكفي لشراءه
ولم اجد من يبيعني بلتقسيط
هل اجد ديناصور عندو شوي عقل يفهمني ويحل هدا المشكل ولا نروح نبيع لكوكاو بالفين

[ع.عيسى]

كي تتزوجي حابة زوجك واهله يبعثوك للصين تقراي علم الفيروسات ؟..ولكن لي يحب يبعث..يبعث بناته هو .. وعلواش يبعث بنات الناس ؟ ...بالنسبة للحواسب كاين بزاف لي بيعوا بالتقسيط والقسط لي يناسبك ..

[أم ميرال و آرال]

اولا جبتيها مليحة مع الاول انسانة عندها طموح ،عندها هوايات
كي لحقتي للخر كرفصتيها
ثانيا الديناصورات انقرضوا و مصباح علاء الدين من وحي الخيال
ثالثا ما تستنايش انسان يجي يحققلك طموحك باش ما تكونش صدمتك كبيرة فيما بعد
عندك هدف حاباتو اخدمي عليه و ضحي على جالو،ابداي بقراءة الكتب
و حسني لغتك الإنجليزية لانو على حساب ما شفت اهتماماتك راح تلقاي
اهم البحوث باللغة الانجليزية.
وفري من راتبك باش تشري حاسوب ما يهمش الوقت المهم توصلي
و اذا جاء شخص لي يقدر اهتماماتك و تطلعاتك فبها و نعم و اذا ماجاش
عادي ،واصلي في الطريق لي حاباها

[اميرة الامواج]

بارك الله فيك
قتلتيني بالضحك
راكي من نيتك

شوفي راح نهدر معاك من قلبي اخاطش خايفة عليك ومتفهميهاش راني نستهزىء بيك.

بنت عمي كانت كي حالتك وعليه

حطي رجليك في الارض وركزي معايا

ربي لوكان كان عارفك تع علم الفيروسات والفلك لوكان خلقك عايشة في الصين ....

شوفي افطني من الاوهام و عيشي على قدك

انتي حاسوب وماكيش قادرة تشريه وتحوسي على علم الفيروسات ...

الديناصور الي راكي تحوسي يفهمك والله ما تصيبيه راكي ضيعي في الوقت ....

حاولي تعيشي حسب مستواك ، روحي اتزوجي وجيبي ذراري واطبخي واكنسي واغسلي المواعن واسكتي ....

الناس تحوس عليها وانتي تحوسي على علم الفيروسات والفلك

ماشي تهني روحك

حاولي استمتعي بما كتبه الله لك

درك يضيع عمرك في البحث على علم ابفيروسات والديناصور....

حتى يجي عزرائيل يقبضلك عمرك

ماراكي بالديناصور ماكي با غسيل المواعن .....


انا مرات من كثرة كرهت التكنولوجيا

وليت نصلح بالمكنسة تع الدوم ، حتى بريت من جميع الامراض.


سلام

[المانجيكيو]

إن العلماء ورثة الأنبياء وإن الأنبياء لم يورِّثوا دينارًا ولا درهمًا، إنَّما ورَّثوا العلم، فمن أخذَه أخذ بحظٍّ وافر

يحق لك طلب العلم و يمكنك أن تشترطي على زوجك أن يوفر لك حاسوب شخصي أو كتب علمية في التخصصات التي تريدين تعلمها ، لأن كل شيء أصبح رقمي في عصرنا ، و الأنترنت تستحوذ على جميع مصادر المعرفة خاصة المواد المكتوبة بالإنجليزية ..

موفقة أختي .

[نفحات]

لا ادري لماذا مواضيع المشكلات هذه الايام تبدو بلا معنى والكلام خبط عشواء
ارحموا عقولنا من فضلكم هدانا الله واياكم

[اميرة الامواج]

يقال في المانيا 91 سنة جاب الدكتوراه ، وعندنا 91 سنة يقعد
يوصي ويعاود ادفنوني قدام عمي عبد القادر وقدام جدة سعدية و ....و.

سلام